Lufthansa Flight Returns To Frankfurt: ବୋମା ଧମକ; ଲ୍ୟାଣ୍ଡିଂ ପାଇଁ ମିଳିଲାନି ଅନୁମତି, ମଝି ଆକାଶରୁ ଫେରିଗଲା ବିମାନ

ବିମାନକୁ ବୋମା ଧମକ ପରେ ଜର୍ମାନୀରୁ ହାଇଦ୍ରାବାଦ ଅଭିମୁଖେ ଆସୁଥିବା ବିମାନ ୟୁ-ଟର୍ଣ୍ଣ ମାରିଛି । ବିମାନକୁ ବୋମା ଧମକ ମିଳିବା ପରେ ଭାରତୀୟ ବାୟୁସେନାରେ ପ୍ରବେଶ କରି ପାରିନାହିଁ ଜର୍ମାନୀ ଫ୍ଲାଇଟ । ମଝି ଆକାଶରୁ ଫେରି ଯାଇଛି ଲୁଫଥାନସା ଫ୍ଲାଇଟ । ବିମାନ LH752 ଫ୍ରାଙ୍କଫର୍ଟରୁ ଉଡାଣ ଭରିଥିଲା ଏବଂ ସୋମବାର ଭୋର ସମୟରେ ହ୍ରାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥାନ୍ତା । ହେଲେ ଭାରତୀୟ ବାୟୁ ସୀମାରେ ପ୍ରବେଶ କରିବା ପୂର୍ବରୁ ବୋମା ଧମକ ମିଳିବାରୁ ମଝି ଆକାଶରୁ ପୁଣି ଜର୍ମାନୀକୁ ୟୁ-ଟର୍ଣ୍ଣ ମାରିଥିଲା । ଏ ନେଇ ହାଇଦ୍ରାବାଦ ବିମାନବନ୍ଦରର ଜଣେ ଅଧିକାରୀ ସୂଚନା ଦେଇଛନ୍ତି ।

ଅଧିକ ପଢ଼ନ୍ତୁ: ଆଉ ଉଡିବନି AI-171, ଏଣିକି ଲଣ୍ଡନକୁ ଯିବ ଏହି ଫ୍ଲାଇଟ

ଅଧିକାରୀ ଜଣକ କହିଛନ୍ତି ଯେ, ଭାରତୀୟ ବାୟୁ ସୀମା ବାହାରେ ଥିବା ବେଳେ ବିମାନକୁ ବୋମା ଧମକ ମିଳିଥିଲା । ଯାହାଫଳରେ ଫ୍ଲାଇଟକୁ ଜର୍ମାନୀକୁ ପୁନଃ ଫେରି ଯିବାକୁ ପଡିଛି । 

ଏହା ପୂର୍ବରୁ ଲୁଫଥାନସା ବିମାନ ଅଧିକାରୀ କହିଥିଲେ ଯେ, ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ ପାଇଁ ଅନୁମତି ନ ମିଳିବାରୁ ବିମାନକୁ ଜର୍ମାନୀର ସବୁଠୁ ବ୍ୟସ୍ତବହୁଳ ଫ୍ରାଙ୍କଫର୍ଟ ବିମାବନ୍ଦରକୁ ୟୁ-ଟର୍ଣ୍ଣ କରିବାକୁ ପଡିଛି ।

ସୂଚନା ଯୋଗ୍ୟ, LH752 ବିମାନ ଫ୍ରାଙ୍କଫର୍ଟରୁ ରବିବାର ୟୁରୋପ ସମୟ ଅପରାହ୍ନ ୨ଟା ୧୪ ଏବଂ ଭାରତୀୟ ସମୟ ସନ୍ଧ୍ୟା ୫ଟା ୪୪ ସମୟରେ ଟେକ ଅଫ କରିଥିଲା ଏବଂ ସୋମବାର ଭୋର ସମୟରେ ହ୍ରାଇଦ୍ରାବାଦରେ ଅବତରଣ କରିବାର ଥିଲା । କିନ୍ତୁ ଉଡାଣ ଭରିବାର କିଛି ସମୟ ପରେ ବିମାନକୁ ଫେରିଯିବାକୁ ପଡିଛି । 

ଅଧିକ ପଢ଼ନ୍ତୁ: ପୁଣି ବଡ଼ ଦୁର୍ଘଟଣା, ହେଲିକପ୍ଟର କ୍ରାସ୍‌ରେ ୭ ମୃତ