Vijay Deverakonda: ଜୁଲାଇ ୩୧ରେ ରିଲିଜ ହେବ କିଙ୍ଗଡ଼ମ, ଚିନ୍ତାରେ ଫ୍ୟାନ୍ସ

ଦକ୍ଷିଣ ସିନେମାର ଲୋକପ୍ରିୟ ଅଭିନେତା ବିଜୟ ଦେବରକୋଣ୍ଡାଙ୍କ ସ୍ୱାସ୍ଥ୍ୟ ସମ୍ପର୍କରେ ଏକ ବଡ଼ ଖବର ସାମ୍ନାକୁ ଆସିଛି। ଆଗାମୀ ମେଗା ବଜେଟ୍‌ ଫିଲ୍ମ 'କିଙ୍ଗଡ଼ମ'କୁ ନେଇ ଚର୍ଚ୍ଚାରେ ଥିବା ବିଜୟ ବର୍ତ୍ତମାନ ଡେଙ୍ଗୁ ଜ୍ୱରରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ଅଭିନେତା ବର୍ତ୍ତମାନ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।

ଯେଉଁଠି ବିଜୟଙ୍କ ପ୍ରଶଂସକମାନେ ତାଙ୍କ ଫିଲ୍ମର ରିଲିଜକୁ ଉତ୍ସାହରେ ଅପେକ୍ଷା କରିଥିଲେ, ଏବେ ଅଭିନେତାଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା ବଢ଼ିଯାଇଛି। ଗତ କିଛି ଦିନ ହେବ ତାଙ୍କୁ ଜ୍ୱର ଏବଂ ଦୁର୍ବଳତା ଲାଗୁଥିଲା । ଡାକ୍ତରଙ୍କ ପରାମର୍ଶ ଅନୁସାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ଗତ କିଛି ଦିନ ହେବ ବିଜୟ ଦେବରକୋଣ୍ଡାଙ୍କ 'କିଙ୍ଗଡ଼ମ'ର ପ୍ରମୋସନାଲ ଇଭେଣ୍ଟରେ ଅନୁପସ୍ଥିତି ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରୁଥିଲା। ଅଭିନେତାଙ୍କ ସ୍ୱାସ୍ଥ୍ୟ ଖରାପ ହେବା ହେତୁ ସେ ସାର୍ବଜନୀନ କାର୍ଯ୍ୟକ୍ରମରେ ଭାଗ ନେଇପାରୁନାହାନ୍ତି। ତାଙ୍କ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ଡାକ୍ତରମାନେ ତାଙ୍କୁ ସମ୍ପୂର୍ଣ୍ଣ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି।

ମିଡ଼ିଆ ରିପୋର୍ଟ ଅନୁସାରେ, ବିଜୟ ବର୍ତ୍ତମାନ ଡେଙ୍ଗୁ ସହିତ ଲଢ଼ୁଛନ୍ତି ଏବଂ ଡାକ୍ତରଙ୍କ ତତ୍ତ୍ୱାବଧାନରେ ଅଛନ୍ତି। ଯଦି ତାଙ୍କ ସ୍ୱାସ୍ଥ୍ୟରେ ଉନ୍ନତି ହୁଏ ତେବେ ୨୦ ଜୁଲାଇ ସୁଦ୍ଧା ଡାକ୍ତରଖାନାରୁ ଡିସଚାର୍ଜ ହେଇପାରନ୍ତି। ତେବେ ଏପର୍ଯ୍ୟନ୍ତ ବିଜୟ ଦେବରକୋଣ୍ଡା କିମ୍ବା ତାଙ୍କ ଟିମ୍‌ ପକ୍ଷରୁ କୌଣସି ବୟାନ ଜାରି କରାଯାଇନାହିଁ ଏବଂ ଏହା ମଧ୍ୟ ସାର୍ବଜନୀନ ଭାବେ ପ୍ରକାଶ କରାଯାଇନାହିଁ ଯେ ସେ କେଉଁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।

୧୦୦ କୋଟି ଟଙ୍କାର ବଜେଟ୍‌ରେ ନିର୍ମିତ ଫିଲ୍ମ 'କିଙ୍ଗଡ଼ମ' ୩୧ ଜୁଲାଇରେ ସିନେମା ହଲ୍‌ରେ ମୁକ୍ତିଲାଭ କରିବାକୁ ଯାଉଛି। କିନ୍ତୁ ଅଭିନେତାଙ୍କ ସ୍ୱାସ୍ଥ୍ୟକୁ ଦେଖି ଏହା ସ୍ପଷ୍ଟ ନାହିଁ ଯେ ସେ ଏହାର ପ୍ରମୋସନରେ ଭାଗ ନେଇପାରିବେ କି ନାହିଁ। ଫିଲ୍ମର ନିର୍ମାତା-ନିର୍ଦ୍ଦେଶକ ମଧ୍ୟ ବର୍ତ୍ତମାନ ପରିସ୍ଥିତି ଉପରେ ନଜର ରଖିଛନ୍ତି। ଏହି ଫିଲ୍ମଟି ବିଜୟଙ୍କ କ୍ୟାରିୟରର ସବୁଠାରୁ ବଡ଼ ଫିଲ୍ମଗୁଡ଼ିକ ମଧ୍ୟରୁ ଗୋଟିଏ ବୋଲି କରାଯାଉଛି।