LIVE TV
ପ୍ୟାନ୍ ଇଣ୍ଡିଆ ଫିଲ୍ମ ‘ପୁଷ୍ପା ୨’ ହେଉଛି ୨୦୨୪ର ବହୁ ପ୍ରତୀକ୍ଷିତ ଫିଲ୍ମ ମଧ୍ୟରୁ ଗୋଟିଏ, ଯାହାକୁ ନେଇ ଦୀର୍ଘ ଦିନ ଧରି ଆଲୋଚନା କରାଯାଉଥିଲା। କ୍ରମାଗତ ଭାବରେ ରିଲିଜ୍ ତାରିଖ ବଢିବା ପରେ ଅଲୁ ଅର୍ଜୁନ, ରଶ୍ମିକା ମନ୍ଦାନା ଏବଂ ଫହାଦ୍ ଫସିଲଙ୍କ ‘ପୁଷ୍ପା ୨’ ଶେଷରେ ୫ ଡିସେମ୍ବରରେ ସାରା ବିଶ୍ୱରେ ମୁକ୍ତିଲାଭ କରିଛି।
Also Read
Box Office: #Pushpa2 Beats #Jawan To Score The Biggest Opening In Hindihttps://t.co/gSyuFAvS0C
— Sacnilk Entertainment (@SacnilkEntmt) December 6, 2024
ଏହି ଫିଲ୍ମଟି ସମାଲୋଚକମାନଙ୍କ ଠାରୁ ସକରାତ୍ମକ ସମୀକ୍ଷା ପାଉଥିବା ବେଳେ ପ୍ରଶଂସକମାନେ ଏହି ଫିଲ୍ମକୁ ଖୁବ ଭଲ ପାଉଛନ୍ତି। ଯେତେ ଟଙ୍କା ପଡିଲେ ମଧ୍ୟ ଟିକେଟ୍ କିଣି ଫିଲ୍ମ ଦେଖୁଛନ୍ତି। କିନ୍ତୁ ବର୍ତ୍ତମାନ ବକ୍ସ ଅଫିସରେ ‘ପୁଷ୍ପା’ର ଇକୋ ଓପନିଂ ଦିନ ଏହାର ରୋଜଗାରରୁ ଅନୁଭବ ହେଉଛି। କେବଳ ତେଲୁଗୁରେ ନୁହେଁ ହିନ୍ଦୀରେ ମଧ୍ୟ ଏହା ରେକର୍ଡ ସୃଷ୍ଟି କରୁଥିବା ଦେଖାଯାଉଛି।
ଅଧିକ ପଢ଼ନ୍ତୁ: Pushpa 2 Stampede: ପୁଷ୍ପା-୨ ପ୍ରିମିୟର୍ ଶୋ’ରେ ଦଳାଚକଟା, ଚାଲିଗଲା ମହିଳାଙ୍କ ଜୀବନ
ସବୁ ଫିଲ୍ମକୁ ପଛରେ ପକାଇଲା:
କେବଳ ଏତିକି ନୁହେଁ, ‘ପୁଷ୍ପା ୨’ ବର୍ତ୍ତମାନ ସମୟ ପାଇଁ ସବୁ ଫିଲ୍ମକୁ ପଛରେ ପକାଇ ସବୁଠାରୁ ବଡ ଓପନିଂ ଫିଲ୍ମ ହୋଇପାରିଛି। ଏହା ଶାହରୁଖ ଖାନ୍ଙ୍କ ‘ଯବାନ’କୁ ମଧ୍ୟ ପଛରେ ପକେଇଦେଇଛି।
ବକ୍ସ ଅଫିସ୍ ଟ୍ରାକର ସାକ୍ନିଲ୍କଙ୍କ ପ୍ରାଥମିକ ତଥ୍ୟ ଅନୁଯାୟୀ ‘ପୁଷ୍ପା ୨’ ପ୍ରଥମ ଦିନରେ ଭାରତରେ ୧୬୫ କୋଟି ଟଙ୍କା ରୋଜଗାର କରିବାରେ ସଫଳ ହୋଇଛି। ଏହି ଫିଲ୍ମଟି ଗୋଟିଏ ଦିନ ପୂର୍ବରୁ ତେଲୁଗୁ ଭାଷାରେ ମୁକ୍ତିଲାଭ କରିଥିବାବେଳେ ଏହା ୧୦.୧ କୋଟି ଟଙ୍କା ରୋଜଗାର କରିଥିଲା।
ପ୍ରଥମ ଦିନର ମୋଟ ଆୟ:
ଏହାକୁ ମିଶାଇଲେ ଭାରତରେ ‘ପୁଷ୍ପା ୨’ର ମୋଟ ଆୟ ୧୭୫.୧ କୋଟିରେ ପହଞ୍ଚିଛି। ସେଥିମଧ୍ୟରୁ ଏହି ଫିଲ୍ମ ତେଲୁଗୁ ଭାଷାରେ ୯୫.୧ କୋଟି, ହିନ୍ଦୀରେ ୬୭ କୋଟି, ତାମିଲରେ ୭ କୋଟି, କନ୍ନଡରେ ୧ କୋଟି ଏବଂ ମାଲାୟାଲମରେ ୫ କୋଟି ରୋଜଗାର କରିଛି।
ପ୍ରଥମ ଦିନର ବଡ ରେକର୍ଡ:
ଏହାପୂର୍ବରୁ ପ୍ରଥମ ଦିନର ବଡ ରେକର୍ଡ ଏସ୍ଏସ୍ ରାଜାମୌଲିଙ୍କ 'ଆର୍ଆର୍ଆର୍' ନାଁରେ ଥିଲା, ଯାହା ପ୍ରଥମ ଦିନରେ ୧୩୩ କୋଟି ଟଙ୍କା ଆୟ କରିଥିଲା। ଏହା ପରେ 'ବାହୁବଲୀ ୨' ଆସେ, ଯାହା ପ୍ରଥମ ଦିନରେ ୧୨୧ କୋଟି ଟଙ୍କା ରୋଜଗାର କରିଥିଲା। ‘କେଜିଏଫ୍ ୨’ ଏବଂ ‘କଲ୍କୀ ୨୮୯୮ ଏଡି’ ପ୍ରଥମ ଦିନରେ ୧୧୬ କୋଟି ଏବଂ ୧୧୪ କୋଟି ଟଙ୍କା ଆୟ କରିଥିଲା।
ଅଧିକ ପଢ଼ନ୍ତୁ: 'ପୁଷ୍ପା ୨'ର ଏହିସବୁ ଡାଏଲଗ୍ ଆପଣଙ୍କୁ ସିଟି ମାରିବାକୁ ବାଧ୍ୟ କରିବ
ବଲିଉଡ୍କୁ ଟପିଲା:
ଏହା ବ୍ୟତୀତ ବାଣିଜ୍ୟ ବିଶ୍ଳେଷକ ମନୋବାଲା ବିଜୟବାଲାନ ଟ୍ୱିଟର୍ରେ ଏକ ଟ୍ୱିଟ୍ ଶେୟାର କରିଛନ୍ତି ଯେଉଁଥିରେ ସେ କହିଛନ୍ତି ଯେ ଟଲିଉଡ୍ ବଲିଉଡ୍କୁ ଅତିକ୍ରମ କରିଛି। ‘ପୁଷ୍ପା ୨’ ର ହିନ୍ଦୀ ସଂସ୍କରଣ ୬୫.୩୫ କୋଟି ଟଙ୍କା ସଂଗ୍ରହ କରି ହିନ୍ଦୀରେ ‘ଜବାନ’ର ଦିନିକିଆ ବକ୍ସ ଅଫିସକୁ ପରାସ୍ତ କରି ସବୁ ସମୟର ସବୁଠାରୁ ବଡ ଓପନର୍ ହୋଇପାରିଛି। ମନୋବାଲା ବିଜୟବାଲାନଙ୍କ ଅନୁଯାୟୀ, 'ପୁଷ୍ପା ୨' ପ୍ରଥମ ଦିନରେ ସାରା ବିଶ୍ୱରେ ୨୮୧.୯୧ କୋଟି ଟଙ୍କା ଆୟ କରିଛି, ଯାହା ଏକ ବଡ଼ ରେକର୍ଡ।
Tollywood BEATS Bollywood. #Pushpa2 Hindi version with ₹65.35 cr nett BEATS Jawan Hindi day 1 to become the biggest opener of all time. pic.twitter.com/MfNVyoWNFz
— Manobala Vijayabalan (@ManobalaV) December 5, 2024
କେବଳ ଏତିକି ନୁହେଁ, ହିନ୍ଦୀ ଭାଷାରେ ‘ପୁଷ୍ପା ୨’ ର ମୋଟ ରୋଜଗାର ୮୦ ରୁ ୮୫ କୋଟି ଟଙ୍କା ବୋଲି କୁହାଯାଉଛି। ଏହି କାରଣରୁ ‘ପୁଷ୍ପା ୨’ ରେକର୍ଡ ଭାଙ୍ଗି ଇତିହାସ ସୃଷ୍ଟି କରିଛି।
#Pushpa2TheRule Hindi version domestic day 1 gross collection early estimates —
— AB George (@AbGeorge_) December 5, 2024
80-85 CRORES 🥵😱🙏
bhAAi Terraaa Mass 🙏💥#Pushpa2 #AlluArjun 🙏
ପ୍ରଥମ ସପ୍ତାହ ଶେଷରେ କେତେ ହେବ:
ଗୁରୁବାର ଦିନ ‘ପୁଷ୍ପା ୨’ ରିଲିଜ୍ ହୋଇଛି, ଯେଉଁଥିପାଇଁ ଫିଲ୍ମର ପ୍ରଥମ ୱିକ୍ଏଣ୍ଡ୍ ଚାରି ଦିନ ହେବ। ଯଦି ଏହାର ରୋଜଗାର ଆହୁରି ବଢେ, ତେବେ ଫିଲ୍ମ ପ୍ରଥମ ସପ୍ତାହରେ ସହଜରେ ୧୦୦୦ କୋଟି ଟଙ୍କା ରୋଜଗାର କରିପାରିବ, ଯାହା ପୂର୍ବରୁ କେବେ ହୋଇ ନାହିଁ।
#Pushpa2 creates HISTORY.
— Manobala Vijayabalan (@ManobalaV) December 6, 2024
Becomes the BIGGEST Indian opener of all time globally surpassing SS Rajamouli's RRR movie.
WW Box Office Break Up:
AP/TS - ₹ 92.36 cr
TN - ₹ 10.71 cr
KA - ₹… pic.twitter.com/UTgqzt5OeL
ଆଜି ପର୍ଯ୍ୟନ୍ତ ସର୍ବାଧିକ ଆୟ କରିଥିବା ଭାରତୀୟ ଫିଲ୍ମ ହେଉଛି 'ଦଙ୍ଗଲ', ଯାହା ଚାଇନାରେ ରିଲିଜ୍ ହେବା ପରେ ୨୫୦୦କୋଟିରୁ ଅଧିକ ଆୟ କରିଥିଲା। ଏହା ପରେ 'ବାହୁବଲୀ ୨' ଆସେ, ଯାହା ୧୭୮୮ କୋଟି ଟଙ୍କା ରୋଜଗାର କରିଥିଲା ।
