Jaat: 'ଗଦର ୨' ପରେ ବଢିଲା ସନ୍ନି ଦେଓଲ୍‌ଙ୍କ ଚାହିଦା; ‘ଜାଟ୍’ ପାଇଁ ନେଲେ ମୋଟା ଅଙ୍କ

ସନ୍ନି ଦେଓଲ ମାସ୍ ଏଣ୍ଟର୍‌ଟେନର୍ ଫିଲ୍ମ 'ଗଦର ୨' ସହିତ ଅନେକ ରେକର୍ଡ ଭାଙ୍ଗିଥିଲେ। ଏବେ, ଅଭିନେତା ଆକ୍ସନ ଡ୍ରାମା 'ଜାଟ୍‌'ରେ ନଜର ଆସିବେ। ଏହି ଫିଲ୍ମ ୧୦ ଏପ୍ରିଲରେ ସିନେମା ହଲରେ ରିଲିଜ୍ ହେବ। ଗୋପୀଚାନ୍ଦ ମଲିନେନୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣଦୀପ ହୁଡା ଜଣେ ଖଳନାୟକ ଭୂମିକାରେ ଅଭିନୟ କରୁଥିବାର ନଜର ଆସିବେ।

ଏହା ଭିତରେ ସିନେମାର ଆଡଭାନ୍ସ ବୁକିଂ ମଧ୍ୟ ଆରମ୍ଭ ହୋଇଯାଇଛି। ଭଲ ରୋଜଗାର ମଧ୍ୟ କରୁଛି। ଏହାର ଟ୍ରେଲର୍‌ ଏବଂ ଟିଜର୍‌ ରିଲିଜ୍ ହୋଇସାରିଛି, ଯାହାକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି। ‘ଗଦର ୨’ ପରେ ସନ୍ନି ଦେଓଲଙ୍କ ଚାହିଦା ବହୁତ ବଢ଼ିଯାଇଛି। ଅଭିନେତା ତୁରନ୍ତ ତାଙ୍କର ଫିସ୍ ବଢେଇ ଡବଲ କରିଦେଇଛନ୍ତି। ତେବେ ୨୦୦ କୋଟି ବଜେଟ୍‌ରେ ତିଆରି ହୋଇଥିବା ଏହି ଫିଲ୍ମ ପାଇଁ କିଏ କେତେ ନେଇଛନ୍ତି ଆସନ୍ତୁ ଜାଣିବା।

ଅଧିକ ପଢ଼ନ୍ତୁ: ରିଲିଜ୍ ହେଲା 'ଜାଟ୍‌'ର ନୂଆ ଗୀତ 'ହେ ରାମା ଶ୍ରୀରାମା'; ସୋସିଆଲ ମିଡିଆରେ ଛାଇ ଗଲାଣି

ସନ୍ନି ଦେଓଲ:

ଜାଟ୍‌ରେ ମୁଖ୍ୟ ଭୂମିକାରେ ଅଭିନୟ କରୁଥିବା ସନ୍ନି ଦେଓଲ ତାଙ୍କ ଭୂମିକା ପାଇଁ ମୋଟା ଅଙ୍କର ଫିସ୍ ନେଇଛନ୍ତି। ଏକ ରିପୋର୍ଟ ଅନୁସାରେ, ଅଭିନେତା ୫୦ କୋଟି ଟଙ୍କା ନେଇଥିବା ଜଣାପଡ଼ିଛି। ୪୨ ବର୍ଷ ମଧ୍ୟରେ ଏହା ହେଉଛି ତାଙ୍କର ସବୁଠାରୁ ବଡ଼ ପାରିଶ୍ରମିକ। ସେ ପୁଣି ଥରେ ବଲିଉଡର ସବୁଠାରୁ ଅଧିକ ପାରିଶ୍ରମିକ ନେଉଥିବା ଅଭିନେତାଙ୍କ ମଧ୍ୟରୁ ଜଣେ ହୋଇଯାଇଛନ୍ତି।

ରଣଦୀପ ହୁଡା:

ରିପୋର୍ଟ ଅନୁସାରେ, ରଣଦୀପ ହୁଡା 'ଜାଟ'ରେ ଏକ ଖଳନାୟକ ଭୂମିକାରେ ନଜର ଆସିବେ। ସେ ରଣତୁଙ୍ଗା ଭୂମିକାରେ ଅଭିନୟ କରିଛନ୍ତି। ଫିଲ୍ମ ପାଇଁ ତାଙ୍କୁ ୭ କୋଟି ମିଳିଛି।

ଜଗପତି ବାବୁ:

ଅଭିନେତା ଜଗପତି ବାବୁ ଏହି ଚଳଚ୍ଚିତ୍ରରେ ଏକ ଭିନ୍ନ ଭୂମିକାରେ ନଜର ଆସିବେ। ତାଙ୍କ ଭୂମିକା ପାଇଁ ସେ ୧ କୋଟି ଟଙ୍କା ନେଇଛନ୍ତି।

ରାମ୍ୟା କୃଷ୍ଣନ:

ସାଉଥ୍ ଏବଂ ବଲିଉଡ୍ ଫିଲ୍ମରେ କାମ କରିଥିବା ରାମ୍ୟା କୃଷ୍ଣନ୍ ମଧ୍ୟ 'ଜାଟ୍'ର ଏକ ଅଂଶ ହୋଇଛନ୍ତି। ଏଥିପାଇଁ ତାଙ୍କୁ ୭୦ ଲକ୍ଷ ଟଙ୍କା ମିଳିଛି।

ସୈୟାମୀ ଖେର:

ସୈୟାମୀ ଖେର ଏହି ଫିଲ୍ମରେ ଏକ ଭିନ୍ନ ଭୂମିକାରେ ନଜର ଆସିବେ। ତାଙ୍କୁ ଏହି ଫିଲ୍ମରେ କାମ କରିବା ନେଇ ୧ କୋଟି ଟଙ୍କା ମିଳିଛି।

ବିନୀତ ସିଂହ:

ବିନୀତ ସିଂହ ସମ୍ପ୍ରତି 'ଛାଭା'ରେ ଭିକି କୌଶଲଙ୍କ ସହିତ ନଜର ଆସିଥିଲେ। ସେ ମଧ୍ୟ 'ଜାଟ'ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। 'ଜାଟ' ପାଇଁ ବିନୀତ ସିଂହ ୧ କୋଟିରୁ ୨ କୋଟି ଟଙ୍କା ପର୍ଯ୍ୟନ୍ତ ଫିସ୍ ପାଇଥିବା ଜଣାପଡ଼ିଛି।

ଅଧିକ ପଢ଼ନ୍ତୁ: ଟପ୍ ୱାନ୍‌ରେ ଟ୍ରେଣ୍ଡିଂ କରୁଛି ସନ୍ନି ଦେଓଲଙ୍କ 'ଜାଟ୍‌'; ପଛରେ ସଲମାନ୍-ଅକ୍ଷୟ