LIVE TV
ହରିୟାଣାର ଲୋକପ୍ରିୟ କଂଗ୍ରେସ ନେତ୍ରୀ ହିମାନୀ ନରୱାଲରଙ୍କ ହତ୍ୟାକାଣ୍ଡ ମାମଲାରେ ପୋଲିସ ସୋମବାର ସଚିନ ନାମକ ଅଭିଯୁକ୍ତକୁ ଗିରଫ କରିଥିଲା। ଏହା ସହ ହିମାନୀଙ୍କୁ ହତ୍ୟା କରିବା ପରେ ଅଭିଯୁକ୍ତ ତାଙ୍କୁ ଟ୍ରଲି ବ୍ୟାଗରେ ଭର୍ତ୍ତି କରି ନେଉ ଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ମଧ୍ୟ ହେବାରେ ଲାଗିଛି। ଏକ ମୋବାଇଲ ଚାର୍ଜର ତାରରେ ହିମାନୀଙ୍କୁ ତଣ୍ଟି ଚିପି ହତ୍ୟା କରିଥିଲା ଅଭିଯୁକ୍ତ। ଫେବୃଆରୀ ୨୭ ତାରିଖରେ ହିମାନୀଙ୍କ ଘରେ ତାଙ୍କୁ ହତ୍ୟା କରିଥିଲା। ଏହା ପରେ ଏକ କଳା ସୁଟକେଶରେ ଭର୍ତ୍ତି କରି ସମ୍ପାଲା ନିକଟବର୍ତ୍ତୀ ବସଷ୍ଟାଣ୍ଡରେ ଛାଡି ଦେଇଥିଲା।
ସୋମବାର ଗିରଫ ହେବା ପରେ ୩୨ ବର୍ଷୀୟ ସଚିନ ନିଜ ଅପରାଧ ସ୍ବୀକାର କରିଛି। ଉଭୟଙ୍କ ମଧ୍ୟରେ ପଇସା ପତ୍ର ଦେଣ ନେଣକୁ ନେଇ ବିବାଦ ହୋଇଥିବା ପୋଲିସ ସନ୍ଦେହ କରୁଛି। ଉଭୟ ଦେଢ ବର୍ଷ ହେବ ପରସ୍ପରକୁ ଜାଣିଥିବା ବେଳେ ସୋସିଆଲ ମିଡିଆରେ ଉଭୟଙ୍କ ପରିଚୟ ହୋଇଥିଲା।
Also Read
ହରିୟାଣା ରୋହତକରୁ ରବିବାର ଏକ ସୁଟ୍କେଶ ଭିତରୁ ଏକ ମୃତଦେହ ଉଦ୍ଧାର କରାଯାଇଥିଲା। । ପରବର୍ତ୍ତୀ ସମୟରେ ଏହ କଂଗ୍ରେସ ନେତ୍ରୀ ହିମାନୀ ନରୱାଲ ବୋଲି ଜଣାପଡିଥିଲା। ମୃତ ଶରୀର ଭର୍ତ୍ତି ସୁଟ୍କେଶଟି ସହରର ଏକ ବସଷ୍ଟାଣ୍ଡ ନିକଟରେ ପଡିଥିଲା । ଏହାକୁ ଖୋଲିବାରୁ ଭିତରୁ ମିଳିଥିଲା ମୃତଦେହ । ୨୨ ବର୍ଷୀୟା ହିମାନୀ ନରୱାଲ ରାହୁଲ ଗାନ୍ଧୀଙ୍କ ସହ ଭାରତ ଯୋଡ଼ ଯାତ୍ରାରେ ନଜର ଆସିଥିଲେ।
ହାତରେ ମେହେନ୍ଦୀ, ବେକରେ କଳା ରଙ୍ଗର ଓଢଣୀ । ଯୁବତୀଙ୍କୁ ଦେଖି ଏମିତି ଲାଗୁଥିଲା କେହି ଯେପରି ତାଙ୍କର ଗଳା ଚିପି ହତ୍ୟା କରିବା ପରେ ମୃତଦେହକୁ ସୁଟ୍କେଶରେ ଭର୍ତ୍ତି କରି ଫିଙ୍ଗି ଦେଇଛି । ତନଘନା ପରେ ଜଣାପଡିଲା ମୃତ ଯୁବତୀ କଂଗ୍ରେସ କର୍ମୀ ହିମାନୀ ନରୱାଲ । ତାଙ୍କ ଘର ରୋହତାକ ସହରର ବିଜୟ ନଗର ଅଞ୍ଚଳରେ । ଏହି ଘଟଣାରେ କଂଗ୍ରେସର ଅନ୍ୟ ନେତା ସମ୍ପୃକ୍ତ ଥିବା ନେଇ ହିମାନୀଙ୍କ ପରିବାର ଲୋକ ଅଭିଯୋଗ କରିଥିଲେ। ତେବେ ପୋଲିସ ମୁଖ୍ୟ ଅଭିଯୁକ୍ତ ସଚିନକୁ ଗିରଫ କରିଥିଲା। ଏହା ସହିତ ସଚିନକୁ ୩ ଦିନିଆ ରିମାଣ୍ଡରେ ପଠାଯାଇଥିବା ଜଣା ପଡିଛି।
