LIVE TV
ଭୟଙ୍କର ସ୍ଥିତି । ଗୁଳି ଫୁଟାଇବା ବେଳେ ହଠାତ୍ ଲକ୍ ହୋଇଗଲା ସୁପାରି କିଲର ବନ୍ଧୁକ। ବାହାରିଲାନି ଗୁଳି। ବଞ୍ଚିଗଲା କାଉନସିଲରଙ୍କ ଜୀବନ। ସିସିଟିଭିରେ ପୂରା ଘଟଣା କଏଦ ହୋଇଛି। ସିସିଟିଭିରେ ଦେଖିବାକୁ ମିଳିଛି ଯେ, ଏକ ସ୍କୁଟରରେ ହତ୍ୟା କରିବାକୁ ଦୁଇ ଜଣ ଦୁର୍ବୃତ୍ତ ଆସିଥିଲେ। ଜଣେ ଓହ୍ଲାଇ ବନ୍ଧୁକ ବାହାର କଲା। ଅତି ପାଖକୁ ଯାଇ ଟ୍ରିଗର ଦବାଇଲା, କିନ୍ତୁ ବାହାରିଲାନି ଗୁଳି। ଲକ୍ ହୋଇଯିବାରୁ ବନ୍ଧୁକରୁ ଗୁଳି ବାହାରିଲା ନାହିଁ। ଫଳରେ ବର୍ତ୍ତିଗଲେ ତୃଣମୂଳ କଂଗ୍ରେସର ଜଣେ କାଉନସିଲର ସୁଶାନ୍ତ ଘୋଷ।
Also Read
କୋଲକାତା କସବା ଅଞ୍ଚଳରେ ଗତକାଲି ରାତିରେ ତାଙ୍କୁ ଗୁଳି ମାରି ହତ୍ୟା କରିଥିବାରୁ ଆସିଥିଲେ ଦୁଇ ଜଣ ଦୁର୍ବୃତ୍ତ। ଅତି ନିକଟରୁ ଫାୟାରିଂ କରିବା ବେଳେ ବନ୍ଧୁକ ଲକ୍ ହେବାରୁ ଗୁଳି ଫୁଟି ନଥିଲା। ଦୁର୍ବୃତ୍ତ ଦୌଡ଼ି ପଳାଇବା ବେଳେ ତାକୁ କାବୁ କରି ପୋଲିସ ଜିମା ଦେଇଥିଲେ ଲୋକ। ଅଭିଯୁକ୍ତ ସୁପାରି କିଲର ଘର ବିହାରରେ। ସେ ପୋଲିସକୁ କହିଛି, ମହମ୍ମଦ ଇକବାଲ ନାମକ ଜଣେ ବ୍ୟକ୍ତି TMC କାଉନସିଲର ସୁଶାନ୍ତ ଘୋଷଙ୍କୁ ହତ୍ୟା କରିବାକୁ କହିଥିଲା।
ଏହା ସହ ପଢ଼ନ୍ତୁ: ମଦ୍ୟପଙ୍କ ରିଲ୍ସ ନିଶା; ଭଡ଼ାରେ ଆଣି ରେଲୱେ ଟ୍ରାକ୍ରେ ଚଲାଇଲେ Thar
#ଫୁଟାଇବା_ବେଳେ_ଲକ୍_ହେଲା_ବନ୍ଧୁକ#ବନ୍ଧୁକରୁ_ବାହାରିଲାନି_ଗୁଳି
— ଓଟିଭି (@otvkhabar) November 16, 2024
ଗୁଳି ଫୁଟାଇବା ବେଳେ ହଠାତ୍ ଲକ୍ ହୋଇଗଲା ସୁପାରି କିଲର ବନ୍ଧୁକ । ବାହାରିଲାନି ଗୁଳି । ବଞ୍ଚିଗଲା କାଉନସିଲରଙ୍କ ଜୀବନ । ସିସିଟିଭିରେ ପୂରା ଘଟଣା କଏଦ ହୋଇଛି ।..#TMC #CCTV #OTV #Politics pic.twitter.com/UO4emWiX1P
