Earthquake: ଭୟଙ୍କର ଭୂମିକମ୍ପ, ମାଟି ତଳୁ ଖୋଜା ଚାଲିଛି ଜୀବନ...ରାତି ଗୋଟାଏରେ ମୃତ୍ୟୁର ତାଣ୍ଡବ

ଆଫଗାନିସ୍ତାନରେ  ଭୟଙ୍କର ଭୂମିକମ୍ପ । ମାଟି ତଳୁ ଖୋଜା ଚାଲିଛି ଜୀବନ । ରାତି ଗୋଟାଏରେ ମୃତ୍ୟୁର ତାଣ୍ଡବ ।  କାନ୍ଦ ବୋବାଳିରେ ଫାଟି ପଡୁଛି ଅଞ୍ଚଳ ।
ଘର ଭାଙ୍ଗି ଚୁରମାର ହୋଇଯାଇଛି । ଭଙ୍ଗା ଘରୁ ଖୋଜା ଚାଲିଛି ମଣିଷକୁ । ମାଟିରେ ମିଶିଯାଇଛି ଘର। ଟେଣ୍ଟ ଭରସାରେ  ଏବେ ଲୋକେ। ଆଫଗାନିସ୍ତାନର ମଜାର-ଇ-ଶରୀଫ ନିକଟରେ ରାତି ୧ଟା ସମୟରେ ହୋଇଥିଲା । ରିକ୍ଟର ସ୍କେଲରେ ଏହାର ତୀବ୍ରତା ଥିଲା ୬.୩ ।  ଭୂମିକମ୍ପରେ ଅତି କମରେ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୨୬୦ ଆହତ ହୋଇଛନ୍ତି।

ଏହି ଭୂମିକମ୍ପର କେନ୍ଦ୍ରବିନ୍ଦୁ ଥିଲା ଖୁଲମ୍ ସହର । ସୋସିଆଲ ମିଡିଆରେ ଉଦ୍ଧାରକାରୀ ଦଳ ଭଙ୍ଗା ଘର ତଳୁ ଲୋକଙ୍କୁ ଉଦ୍ଧାର କରୁଥିବା ଦୃଶ୍ୟ ଭାଇରାଲ ହେବାରେ ଲାଗିଛି  କେଉଁଠି କାହାର ଶବ ମିଳୁଛି, ତ କେଉଁଠି  ଘର ଭାଙ୍ଗି ଚୁରମାର୍ ହୋଇଯାଇଛି ।

ତେବେ କାହିଁକି  ଏହି ଅଞ୍ଚଳରେ ସବୁବେଳେ ଭୂମିକଂପ ହେଉଛି । ଦକ୍ଷିଣ ଏସିଆର ଏହି ଦେଶରେ ପ୍ରତିବର୍ଷ ହେଉଥିବା ଭୂମିକମ୍ପ ଯୋଗୁଁ ହାରାହାରି ୫୬୦ ଜଣଙ୍କର ମୃତ୍ୟୁ ହୁଏ ଏବଂ ପ୍ରାୟ ୮୦ ନିୟୁତ ଡଲାରର କ୍ଷୟକ୍ଷତି ହୁଏ। । କାହିଁକି ଆଫଗାନିସ୍ତାନ ଏତେ ସଂବେଦନଶୀଳ? ଆଫଗାନିସ୍ତାନ ହିନ୍ଦୁକୁଶ ପର୍ବତମାଳା ନିକଟରେ ଅବସ୍ଥିତ ଏକ ଭୂମିକମ୍ପ ସଂବେଦନଶୀଳ ଅଞ୍ଚଳରେ ରହିଛି, ଯେଉଁଥିପାଇଁ ଏଠାରେ  ବାରମ୍ବାର ଭୂମିକମ୍ପ ହେଉଛି ।

ଆଫଗାନିସ୍ତାନର ଜାତୀୟ ଦୁର୍ଘଟଣା ପରିଚାଳନା ଏଜେନ୍ସି କହିଛି ମୃତକଙ୍କ ସଂଖ୍ୟା ଆଗକୁ ଆହୁରି ବଢିପାରେ।  ଛୋଟ ଛୋଟ ପିଲାଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି । ଉଦ୍ଧାରକାରୀ ଦଳ ଏବେ ଶତଚେଷ୍ଟା କରୁଛନ୍ତି କିଭଳି ଅଧିକରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯିବ ।