Drone Attack on Kuwait: ପ୍ରତିଶୋଧ ନେଉଛି ଇରାନ: ମିସାଇଲ୍ ମାଡ଼ କରି କରୁଛି ଧ୍ବଂସ

ଶତ୍ରୁ ଦେଶର ନିଦ ହଜାଇବାକୁ ଇରାନର ବଡ଼ ପ୍ଲାନ୍ । ପ୍ରତିଶୋଧ ନିଆଁରେ ରକ୍ତମୁଖା ଇରାନ । ମିସାଇଲ ମାଡ଼ରେ ଜଳାଇଲା ଦୁବାଇର ମରିନା ଟାଓ୍ୱାର । କୁୱେତ ବିମାନବନ୍ଦର ଉପରେ ବି କଲା ଡ୍ରୋନ ମାଡ଼ । ଦିନ ଯେତିକି ଯେତିକି ଗଡ଼ୁଛି ମଧ୍ୟପ୍ରଚ୍ୟରେ ସେତିକି ସେତିକି ଭୟଙ୍କର ହେଉଛି ଯୁଦ୍ଧ ।

ଆଜି ଯୁଦ୍ଧର ନବମ ଦିନରେ ଆମେରିକା-ଇସ୍ରାଏଲ ଓ ଇରାନ ପକ୍ଷରୁ ବଡ଼ ଆଟାକ୍ ହୋଇଛି । ମିସାଇଲ୍ ମଡ଼ରେ କେଉଁଠି ଧ୍ବଂସ ହୋଇଛି ତ ପୁଣି କେଉଁଠି ହୁତୁହୁତୁ ଜଳିଛି ବଡ଼ ବଡ଼ ଅଟ୍ଟାଳିକା ।

ଇରାନ ଗାର୍ଡସ କମାଣ୍ଡରମାନଙ୍କୁ ଟାର୍ଗେଟ କରି ଲେବାନନ ରାଜଧାନୀ ବେରୁତ ଉପରେ ଆକ୍ରମଣ କରିଛି ଇସ୍ରାଏଲ । ଆଉ ସେପଟେ ଇରାନ ମଧ୍ୟ ଦେଇଛି କଡ଼ା ଜବାବ । 

ଉପସାଗରୀୟ ପଡ଼ୋଶୀ ଦେଶ ଉପରେ ଆକ୍ରମଣ ଜାରି ରଖିଛି ଇରାନ୍ । ଦୁବାଇର ମରିନା ଟାଓ୍ୱାର ଉପରେ ମିସାଇଲ ମାଡ଼ କରିଛି । କୁଏତର ତୈଳ ଡିପୋଗୁଡିକୁ ମଧ୍ୟ ଇରାନ୍ ଟାର୍ଗେଟ କରିଛି ।

ସାଉଦି ଆରବର କୁୱେତ ବିମାନବନ୍ଦର ଉପରେ ଡ୍ରୋନ ମାଡ଼ କରି ସବୁ କିଛିକୁ ଖିନଭିନ୍ କରିଛି । ଆଉ ବୁର୍ଜ ଖଲିପା ପରେ ଏବେ ଦୁବାଇର ମରିନା ଟାୱାର ଉପରେ ଆଟାକ୍ ହୋଇଛି । ସୋସିଆଲ ମିଡିରେ ଭାଇରାଲ୍ ହେଉଥିବା ଭିଡିଓରେ ଟାୱାରରୁ ପ୍ରବଳ ଧୂଆଁ ବାହାରୁଥିବା ଦେଖାଯାଉଛି ।

ପ୍ରାୟ ୯୦ ମହଲା ବିଶିଷ୍ଟ ଏହି କୋଠାକୁ ଦୁବାଇ ମାରିନାର ସବୁଠାରୁ ଆକର୍ଷଣୀୟ ସ୍ଥାନ ବୋଲି କୁହାଯାଏ । ଏଇଠି ବହୁ ସଂଖ୍ୟକ ବିଦେଶୀ ନାଗରିକ, ବୃତ୍ତିଗତ ଏବଂ ନିବେଶକ ରହିଥା’ନ୍ତି । ମରିନା ଟାୱାର ଉପରେ ଆଟାକ୍ ପରେ ଏବେ ପୂରା ସହରରେ ଆତଙ୍କ ରାଜ୍ କରୁଛି ।

ସେପଟେ ଯୁଦ୍ଧକୁ ବିଳମ୍ବରେ ଓହ୍ଲାଇ ଆମେରିକାକୁ ସହଯୋଗର ହାତ ବଢାଇଥିବା ବ୍ରିଟେନକୁ ତାଚ୍ଛଲ୍ୟ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ସେ କହିଛନ୍ତି, ବ୍ରିଟେନ୍ ପ୍ରଧାନମନ୍ତ୍ରୀ ଷ୍ଟାର୍ମରଙ୍କଠାରୁ ଆମର କିଛି ସହୟତା ଆବଶ୍ୟକ ନାହିଁ ।

ଯୁଦ୍ଧ ଜିତିବା ପରେ ଆଉ କୌଣସି ଦେଶର ସହଯୋଗ ଆବଶ୍ୟକତା ନାହିଁ ବୋଲି ଟ୍ରମ୍ପ କିଛି ଅଭିମାନ ଭରା ଉକ୍ତି ତାଙ୍କ ସୋସିଆଲ ମିଡିଆ ହ୍ୟାଣ୍ଡଲ ଟ୍ରୁଥରେ ଉଲ୍ଲେଖ କରିଛନ୍ତି ।

ସେପଟେ ଯୁଦ୍ଧରେ ରୁଷ, ଇରାନକୁ ସହଯୋଗ କରୁଥିବା ପ୍ରଶ୍ନରେ ଟ୍ରମ୍ପ କହିଛନ୍ତି, ଏବେ ସୁଦ୍ଧା ସେଭଳି କିଛି ସୂଚନା ମିଳି ନାହିଁ । ଯଦି ସେପରି ହେଉଥାଏ, ତେବେ ରୁଷ୍ ଠିକ୍ କରୁ ନାହିଁ ବୋଲି କହିଛନ୍ତି ଟ୍ରମ୍ପ୍ ।