Malkangiri Violence: MV-26 ଓ ରାଖେଳଗୁଡ଼ା ମଧ୍ୟରେ ଥମୁନି ଉତ୍ତେଜନା, ଲୋକଙ୍କ ଘରଦ୍ବାର ଜାଳିଦେଲେ

ମାଲକାନଗିରି MV-26 ଏବଂ ରାଖେଳଗୁଡ଼ା ଗାଁ ମଧ୍ୟରେ ଲାଗିରହିଥିବା ବିବାଦ ଥମିବାର ନାଁ ନେଉନି । ଜଣେ ମହିଳାଙ୍କ ମୁଣ୍ଡ ବିହୀନ ମୃତଦେହ ଉଦ୍ଧାର ପରଠୁ ଦୁଇ ଗାଁ ମଧ୍ୟରେ ଲାଗି ରହିଛି ବିବାଦ । MV-26 ଗାଁରେ ଗୋଟିଏ ଗୋଷ୍ଠୀ ଲୋକଙ୍କ ଘରଦ୍ବାର ଜାଳି ଦେଇଥିବାବେଳେ MV-3ରେ ବଙ୍ଗୀୟ ସମାଜ ମେଳି କରି ମାଲକାନଗିରି ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ କରିଛନ୍ତି । 

ଉତ୍ତେଜନାକୁ ଦେଖି ଗତକାଲି ସଂଧ୍ୟା ୬ରୁ ୨୪ ଘଣ୍ଟା ଯାଏଁ ଇଣ୍ଟରନେଟ୍ ସେବା ବନ୍ଦ ରଖାଯାଇଛି। ପୋଲିସ ଉପସ୍ଥିତି ସତ୍ତ୍ବେ ବି ଥମୁନି ଉତ୍ତେଜନା । ଏହାରି ଭିତରେ ମହିଳାଙ୍କୁ କିଏ ହତ୍ୟା କଲା ଓ ହତ୍ୟା ପଛର କାରଣ ଖୋଜିବାକୁ ଦାବି ହୋଇଛି । ସେପଟେ ରାଖାଲଗୁଡାର ନଦୀ ତଟରେ ହଜାର ହଜାର ଆଦିବାସୀ ଏକତ୍ରିତ ହୋଇ ପରବର୍ତ୍ତୀ ରଣନୀତି କରିଥିବା ସୂଚନା ମିଳିଛି । 

ଗତ ୩ ତାରିଖରେ ରାଖାଲଗୁଡା ଗାଁର ଲାକେ ପଡିଆମି ନିଖୋଜ ହୋଇଥିଲେ । ୪ ତାରିଖରେ ଡୁଡାମେଟଲା ନଦୀ କୂଳରେ ମିଳିଥିଲା ତାଙ୍କ ମୁଣ୍ଡ ବିହୀନ ମୃତଦେହ। କିନ୍ତୁ ଏଯାଏଁ ମୁଣ୍ଡ ଖୋଜି ପାଉନି ପୋଲିସ। ଅନ୍ୟପଟେ ମୁଣ୍ଡ ବିହୀନ ମୃତଦେହର ବ୍ୟବଛେଦ କରି ତଦନ୍ତ ଚାଲିଛି । ସେପଟେ ଗ୍ରାଉଣ୍ଡ ଜିରୋକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି ପୋଲିସ ଡିଜି।

•    ମହିଳାଙ୍କ ମୁଣ୍ଡ ବିହୀନ ମୃତଦେହ ମିଳିବା ଘଟଣା
•    ମାଲକାନଗିରିର MV-26 ଓ ରାଖେଳଗୁଡ଼ା ମଧ୍ୟରେ ଥମୁନି ଉତ୍ତେଜନା
•    MV-26 ଗାଁରେ ଲୋକଙ୍କ ଘରଦ୍ବାର ଜାଳିଦେଲେ
•    ମାଲକାନଗିରି ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ 
•    ଉତ୍ତେଜନାକୁ ଦେଖି ସ୍ଥାନୀୟ ଅଞ୍ଚଳରେ ଇଣ୍ଟରେନ ସେବା ବନ୍ଦ
•    ଗ୍ରାଉଣ୍ଡ ଜିରୋକୁ ଯାଇ ସ୍ଥିତି ଅନୁଧ୍ୟାନ କଲେ ପୋଲିସ ଡିଜି