Plane Crash: ଭୟଙ୍କର ପ୍ଲେନ୍ କ୍ରାସ; ରନୱେରୁ ଖସି ହାଇୱେକୁ ମାଡିଗଲା

ବଲିଭିଆରେ ଭୟଙ୍କର ବିମାନ ଦୁର୍ଘଟଣା। ଏଥିରେ ୧୫ ଜଣଙ୍କର ମୃତ୍ୟୁ ହୋଇଥିବା ବେଳେ ୩୦ ଆହତ ହୋଇଛନ୍ତି। ଆଗକୁ ମୃତ୍ୟୁସଂଖ୍ୟା ବଢ଼ିବା ଆଶଙ୍କା କରାଯାଉଛି। ବଲିଭିଆରେ ବ୍ୟାଙ୍କ ନୋଟ ନେଇ ଯାଉଥିବା ବିମାନ ଏଲ ଅଲଟୋ ସହରରେ କ୍ରାସ ହୋଇଥିଲା। ଖରାପ ପାଗ ଯୋଗୁଁ ବିମାନଟି ରନୱେରୁ ଖସି ଯାଇଥିଲା। 

ପରେ ପାଖରେ ଥିବା ହାଇୱେକୁ ମାଡ଼ି ଯାଇଥିଲା। ରାସ୍ତାରେ ଯାଉଥିବା କାରକୁ ଧକ୍କା ଦେଇଥିଲା ବିମାନ। ଯେଉଁଥିରେ ୧୫ ଜଣଙ୍କର ମୃତ୍ୟୁ ହୋଇଛି। ବିମାନଟି ଦେଶର ସେଣ୍ଟ୍ରାଲ ବ୍ୟାଙ୍କରୁ ନୂଆ ନୋଟ୍ ଧରି ଅନ୍ୟ ସହରକୁ ଯାଉଥିଲା। ତେବେ କେମିତି ଓ କେଉଁ ପରିସ୍ଥିତିରେ ବିମାନ ଦୁର୍ଘଟଣାର ଶିକାର ହେଲା ତଦନ୍ତ ନିର୍ଦ୍ଦେଶ ଦେଇଛନ୍ତି ବଲିଭିଆ ସରକାର।