Kohli Is Back at No.1: ସମସ୍ତଙ୍କୁ ପଛରେ ପକାଇଲେ କୋହଲି, ପୁଣି ନମ୍ବର ୱାନ୍

ଦିନିକିଆରେ କୋହଲି ନମ୍ବର ୱାନ୍ । ଆଇସିସି ଦିନିକିଆ ବ୍ୟାଟ୍ସମ୍ୟାନ୍ ମାନ୍ୟତାରେ ଏକ ନମ୍ବର ସ୍ଥାନରେ ବିରାଟ କୋହଲି। ୭୮୫ ପଏଣ୍ଟ ସହିତ ସେ ଶୀର୍ଷ ସ୍ଥାନ ଅଧିକାର କରିଛନ୍ତି । ଦୀର୍ଘ ୫ ବର୍ଷର ବ୍ୟବଧାନ ପରେ କୋହଲିଙ୍କୁ ନମ୍ବର-୧ ମାନ୍ୟତା ମିଳିଛି ।

ମାନ୍ୟତାରେ ୬ ପଏଣ୍ଟ ହରାଇ ରୋହିତ ନଂ ୩କୁ ଖସି ଆସିଛନ୍ତି । ଟପ୍ ଫାଇଭରେ ଅଛନ୍ତି ତିନି ଭାରତୀୟ ।  ଦ୍ବିତୀୟ ସ୍ଥାନରେ ନ୍ୟୁଜିଲାଣ୍ଡର ମିଚେଲ୍ ରହିଥିବାବେଳେ ତୃତୀୟ ସ୍ଥାନରେ ଭାରତର ରୋହିତ ଶର୍ମା ଓ ପଞ୍ଚମ ସ୍ଥାନରେ ରହିଛନ୍ତି କ୍ୟାପଟେନ୍ ଶୁବମନ୍ ଗିଲ । ଦଶମ ସ୍ଥାନରେ ଶ୍ରେୟସ ଆୟାର୍ ଓ ୧୧ତମ ସ୍ଥାନରେ ଅଛନ୍ତି କେ.ଏଲ୍, ରାହୁଲ ।

ଅନ୍ୟପଟେ ଟି-ଟ୍ବେଣ୍ଟି ରାଙ୍କିଂରେ ଟିମ୍ ଇଣ୍ଡିଆର ବିସ୍ଫୋରକ ଖେଳାଳି ଅଭିଷେକ ଶର୍ମା ଟପ୍ ରେ ଅଛନ୍ତି । ତାଲିକାର ତିନି ନମ୍ବରରେ ରହିଛନ୍ତି ତିଲକ ବର୍ମା । ତେବେ ଟେଷ୍ଟ ରାଙ୍କିଂରେ ଟପ୍ ଫାଇଭରେ ଭାରତର କୌଣସି ଖେଳାଳି ନାହାନ୍ତି । ଅଷ୍ଟମ ସ୍ଥାନରେ ଜୟସ୍ବାଲ ରହିଥିବାବେଳେ ୧୦ ନମ୍ବରରେ ଅଛନ୍ତି ଗିଲ୍ ।