Abhishek Sharma Hospitalised: କ୍ରିକେଟ୍ ପ୍ରେମୀଙ୍କ ପାଇଁ ବଡ଼ ଖବର; ବିଶ୍ବକପ୍ ମ୍ୟାଚ୍ ଖେଳିବେନି ଅଭିଷେକ!

ଭାରତୀୟ କ୍ରିକେଟର୍ ଅଭିଷେକ ଶର୍ମା ହସ୍ପିଟାଲରେ ଭର୍ତ୍ତି ଅସୁସ୍ଥ ହୋଇ ପଡିଛନ୍ତି। ତାଙ୍କୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ପେଟ ଯନ୍ତ୍ରଣାରୁ ଚିକିତ୍ସିତ ହେଉଥିବା ବିସିସିଆଇ ପକ୍ଷରୁ ସୂଚନା ମିଳିଛି। ଜ୍ବର ହେଇ ତାଙ୍କ ପାକସ୍ଥଳୀରେ ସଂକ୍ରମଣ ହୋଇ ଯାଇଛି। ତେଣୁ ଡାକ୍ତର ତାଙ୍କୁ ବିଶ୍ରାମ ପାଇଁ ପରାମର୍ଶ ଦେଇଛନ୍ତି। 

ତାଙ୍କର କିଛି ଜରୁରୀ ସ୍ବାସ୍ଥ୍ୟ ପରୀକ୍ଷା କରାଯାଇଛି। ତାଙ୍କୁ ଆଜି ଡିସଚାର୍ଜ କରାଯିବ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ନୁହେଁ।

ଅସୁସ୍ଥତା ହେତୁ ଆସନ୍ତାକାଲି ବିଶ୍ବକପ୍ ମ୍ୟାଚ୍ ଖେଳିବେନି ଅଭିଷେକ। ଈଷାନ କିଷାନଙ୍କ ସହ ଓପନିଂ କରିବେ ସଞ୍ଜୁ ସାମସନ୍। ଜାତୀୟ ଗଣମାଧ୍ୟମରୁ ମିଳିଥିବା ଖବର ମୁତାବକ, ଆମେରିକା ବିପକ୍ଷରେ ପୂର୍ବ ମ୍ୟାଚ୍ ପୂର୍ବରୁ ମଧ୍ୟ ସେ ଅସୁସ୍ଥ ଥିଲେ ଏବଂ ମ୍ୟାଚ୍ ଖେଳିବା ପରେ ତାଙ୍କ ଅବସ୍ଥା ଆହୁରି ଖରାପ ହୋଇଯାଇଥିଲା।

ଆମେରିକା ବିପକ୍ଷ ମ୍ୟାଚ୍ ସମୟରେ, ଅଭିଷେକ ଗୋଲ୍ଡେନ ଡକ୍ ରେ ଆଉଟ୍ ହୋଇଥିଲେ ଏବଂ ଭାରତର ବୋଲିଂ ସମୟରେ ସେ ଫିଲ୍ଡିଂକୁ ଯାଇ ନଥିଲେ। ସଞ୍ଜୁ ସାମସନ ସମଗ୍ର ଇନିଂସ ପାଇଁ ତାଙ୍କ ସ୍ଥାନରେ ଫିଲ୍ଡିଂ କରିଥିଲେ। ତାଙ୍କ ଦଳର ବିଜୟ ପରେ ମ୍ୟାଚ୍ ପରେ ହାତ ମିଳାଇବା ପାଇଁ ମଧ୍ୟ ଅଭିଷେକ ବାହାରକୁ ଆସି ନଥିଲେ।

ଫେବୃଆରୀ ୧୫ ରେ କଲମ୍ବୋରେ ହେବାକୁ ଥିବା ପାକିସ୍ତାନ ବିପକ୍ଷ ମ୍ୟାଚ୍‌ରେ ସେ ଖେଳିବେ ବୋଲି ଆଶା କରାଯାଉଛି।