Brazilian Hairdressers Photo: ରାହୁଲଙ୍କ ପାଇଁ ଟ୍ରେଣ୍ଡରେ ବିଦେଶିନୀ , ଜାଣନ୍ତୁ କିଏ ଏହି ମହିଳା ?

ରାହୁଲଙ୍କ ପାଇଁ ଟ୍ରେଣ୍ଡରେ ବିଦେଶିନୀ । ଭାରତରେ ରାଜନୈତିକ ଝଡ ସୃଷ୍ଟି କରିଥିବା ବିଦେଶିନୀ ମହିଳା ଜଣଙ୍କ କିଏ ? ଯାହାଙ୍କ ଫଟୋ ଏବେ ଭାଇରାଲ୍ ହେଉଛି  । ପ୍ରେସ କନଫରନେସରେ ରାହୁଲ ଗାନ୍ଧୀ ଯେଉଁ ଫଟୋ ଦେଖାଇଥିଲେ ତାହା ହେଉଛି ଜଣେ ବ୍ରାଜିଲିୟାନ୍ ମଡେଲଙ୍କର । ଯାହାଙ୍କ ଫଟୋକୁ ବ୍ୟବହାର କରି ଭୋଟ ଚୋରି ହୋଇଛି ବୋଲି ଅଭିଯୋଗ ହୋଇଛି । ତାଙ୍କୁ ନେଇ ଏବେ ଜୋରଦାର ଚର୍ଚ୍ଚା ।

କଂଗ୍ରେସ ନେତା ରାହୁଲ ଗାନ୍ଧୀ ହରିଆଣା ନିର୍ବାଚନ ସମ୍ପର୍କରେ ଯେତେବେଳେ ଭୋଟ ଚୋରି ଅଭିଯୋଗ ଉଠାଇଲେ, ସେହି ସମୟରେ ସେ ଏହି ବ୍ରାଜିଲିୟ ମହିଳାଙ୍କ ଫଟୋ ଦେଖାଇ କହିଲେ ଇଏ  ହରିଆଣାରେ ୨୨ ଥର ଭୋଟ ଦେଇଛନ୍ତି । କେବେ ସୀମା ନାଁରେ ତ କେବେ ସ୍ୱୀଟି, ତ କେବେ ସରସ୍ୱତୀ, ରଶ୍ମୀ ଓ ବିମଳା ଭଳି ନାଁରେ । ତେବେ ବାସ୍ତବରେ ଏହି ମହିଳା ଜଣଙ୍କ କିଏ ,ଯିଏ ହଠାତ ରାତାରାତି ସାରା ଭାରତରେ ଚର୍ଚ୍ଚିତ ହୋଇଗଲେ ଆସନ୍ତୁ ଜାଣିବା ।

ସେ ମହିଳା ଜଣଙ୍କ ହେଉଛନ୍ତି ଲାରିସା ନେରୀ, ଜଣେ ବ୍ରାଜିଲିୟ ହେୟାରଡ୍ରେସର୍ । ଏହି ଭୋଟ ଚୋରି କେଣ୍ଟ୍ରାଭର୍ସି  ପାଇଁ ସୋସିଆଲ ମିଡିଆରେ ଟ୍ରେଣ୍ଡରେ ଅଛନ୍ତି । ଲାରିସା କହିଛନ୍ତି ଏହି ଘଟଣା ପରଠାରୁ ଅନେକ ରିପୋର୍ଟର ତାଙ୍କୁ କଲ କରୁଛନ୍ତି । ଏପରିକି ଜଣେ ରିପୋର୍ଟର  ତାଙ୍କ ଇଣ୍ଟରଭ୍ୟୁ ନେବାକୁ , ସିଏ ଯେଉଁ ସାଲୋନରେ କାମ କରନ୍ତି ସେଠିକୁ ବି କଲ କରିଥିଲେ । କିନ୍ତୁ ସେ  ନିଜେ ମନାକଲେ।

ସେ ପୁଣି କହିଛନ୍ତି ଜଣେ ବ୍ୟକ୍ତି ମତେ ମୋ ଇନଷ୍ଟ୍ରାଗ୍ରାମ ପେଜରେ ବି ଏହି ପ୍ରଶ୍ନ ପଚାରିଲେ । ଏହି ଘଟଣା ପରଠାରୁ ତାଙ୍କୁ ହଜାର ହଜାର ମେସେଜ୍ ଆସୁଛି । ଏପରିକି ଅଲଗା ସହରରେ ରହୁଥିବ ତାଙ୍କର ଜଣେ ସାଙ୍ଗ  ଏହି ଭାଇରାଲ ଫଟୋ ତାଙ୍କୁ ପଠାଇଛନ୍ତି ।

ଲାରିସା କହିଛନ୍ତି ଏହି ଫଟୋ ଟି ତାଙ୍କର ୮ ବର୍ଷ ତଳର । ଯାହାକୁ ଏପର୍ଯ୍ୟନ୍ତ ୪ ଲକ୍ଷ ଥର ଡାଉନଲୋଡ୍ କରାଯାଇଛି । ଲାରିସା  ନିଜ ଇନଷ୍ଟାଗ୍ରାମ ପେଜରେ ଭାଇରାଲ ହେଊଥିବା ଫଟୋକୁ ପୋଷ୍ଟ ବି କରିଛନ୍ତି । ଆଉ କହିଛନ୍ତି ମୋର ପୁରୁଣା ଫଟୋକୁ ବ୍ୟବହାର କରାଯାଇଛି ଓ ଯେଉଁ ଇଲେକସନ୍ ସ୍କାମ ପାଇଁ ଫଟୋ ବ୍ୟବହାର ହୋଇଛି , ସେ ତାହା ବିଷୟରେ କିଛି ଜାଣି ନାହାନ୍ତି । ଗତକାଲି ଠାରୁ ଏହି ଫଟୋ ବିଷୟରେ ଲୋକମାନେ ଅଧିକ କିଛି ଜାଣିବାକୁ ଚେଷ୍ଟା କରୁଥିଲେ ବି ଇଣ୍ଟନେଟରେ  ଲାରିସାଙ୍କ ବିଷୟରେ  ଅଧିକ ସୂଚନା ନାହିଁ । ତେବେ ଯାହା ବି ହେଉ ଭାରତର ସୋସିଆଲ ମିଡିଆ ପେଜରେ ଏବେ ରାଜ୍ କରୁଛନ୍ତି ଲାରିସା ନେରୀ ।