Shocking in Bhubaneswar: ସାଇକେଲରେ ଡାକ୍ତରଖାନା ଗଲେ ରୋଗୀ, ରାଜଧାନୀ ଭୁବନେଶ୍ବରରେ ଅଭାବନୀୟ ଦୃଶ୍ୟ

ରୋଗୀ ହସପିଟାଲ ଆମ୍ବୁଲାନ୍ସରେ ଯାଏ । ନଚେତ ବ୍ୟକ୍ତିଗତ ଗାଡ଼ି କିମ୍ବା ଅଟୋ କି କାରରେ ଯାଏ । କିନ୍ତୁ ସାଇକେଲରେ ରୋଗୀ ଯିବା କଥା ଆପଣ ପୂର୍ବରୁ ଶୁଣିଛନ୍ତି କି ? 

ସାଇକେଲରେ ଡାକ୍ତରଖାନା ଗଲେ ରୋଗୀ । ଟିବି ପୀଡ଼ିତ ବୃଦ୍ଧଙ୍କୁ ସାଇକେଲରେ ଡାକ୍ତରଖାନାକୁ ନେଲେ ସ୍ତ୍ରୀ ଓ ସମ୍ପର୍କୀୟ ଭାଉଜ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଖୋଦ୍ ରାଜଧାନୀ ଭୁବନେଶ୍ବରରେ । ଆଶ୍ଚର୍ଯ୍ୟ ଲାଗୁଥିଲେ ବି ସତ ।  ସ୍ମାର୍ଟ ସିଟି ଭୁବନେଶ୍ବରର ଏହି ଘଟଣା ଏବେ ଚର୍ଚ୍ଚାର କାରଣ ପାଲଟିଛି । 

ଆଦର୍ଶ ବସ୍ତିର କାଳିଆ ସିଂ ଦୀର୍ଘଦିନ ଧରି ଅସୁସ୍ଥ ରହିଛନ୍ତି । ଆଜି ହଠାତ ତାଙ୍କ ଛାତିରେ ପ୍ରବଳ ଯନ୍ତ୍ରଣା ଅନୁଭବ ହେଲା । ଘରଲୋକ ତାଙ୍କୁ ଏକ ସାଇକେଲରେ ବସାଇ ଡାକ୍ତରଖାନା ନେଇଯାଉଥିବା ଦେଖିବାକୁ ମିଳିଛି ।

ତେବେ କାଳିଆଙ୍କ ପରିବାର କହିବା ଅନୁସାରେ, ସେମାନେ ଆମ୍ବୁଲାନ୍ସକୁ ଖବର ଦେଇନଥିଲେ । ହଠାତ ଛାତିରେ ଯନ୍ତ୍ରଣା ହେବାରୁ ପାଖ ହସପିଟାଲକୁ ସାଇକେଲରେ ନେଇଯିବାକୁ ବାହାରିଥିଲେ । 

ସାଇକେଲରେ ଡାକ୍ତରଖାନା ଗଲେ ରୋଗୀ
ଟିବି ପୀଡ଼ିତ ବୃଦ୍ଧ ସାଇକେଲରେ ଡାକ୍ତରଖାନାକୁ ଗଲେ
ରାଜଧାନୀ ଭୁବନେଶ୍ବରରେ ଅଭାବନୀୟ ଦୃଶ୍ୟ
ଆମ୍ବୁଲାନ୍ସକୁ ଫୋନ୍ କରିନଥିଲେ ରୋଗୀଙ୍କ ପରିବାର
ପାଖରେ ହସପିଟାଲ ଥିବାରୁ ସାଇକେଲେ ନେଉଥିଲେ