Technical Glitch: ଏଥିରେ ବି ବିଭ୍ରାଟ ! ପୁଣି ପୁରୁଣା ରୋଗ

ମିତାଲି ବାଲିପାଟଣାରୁ ଆସିଛନ୍ତି ପରୀକ୍ଷା ଦେବାକୁ । ଆଜି ହେବାକୁ ଥିବା ଆରଆଇ ପରୀକ୍ଷା ସେକେଣ୍ଡ ସିଫ୍ଟରେ ଥିଲା କିନ୍ତୁ ଠିକ ସମୟରେ ହୋଇନି ପରୀକ୍ଷା ଯାହାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି । ପରୀକ୍ଷା ଦେବାର ଏଣ୍ଟ୍ରି  ସମୟ ଥିଲା ୧୦.୩୦ କିନ୍ତୁ ଏବେ ଘୁଞ୍ଚିଯାଇଥିଲା ସମୟ ୧୧ଟା ୫୦କୁ ।  

କେବଳ ମିତାଲି ନୁହନ୍ତି ଆଉ ଜଣେ ପରୀକ୍ଷାର୍ଥି ବି ଏହିଭଳି ଅସୁବିଧାର ସମ୍ମୁଖୀନ ହୋଇଛନ୍ତି ଯାହାକୁ ନେଇ ଅସନ୍ତୁଷ୍ଟ । ପରୀକ୍ଷାର୍ଥିଙ୍କ କହିବା ଅନୁସାରେ ଆମେ ଆଜି ପରୀକ୍ଷା ଦେଇକି ଯାଉଛୁ କିନ୍ତୁ ପରେ ଶୁଣିବୁକି ଏଇ ପରୀକ୍ଷା ବାତିଲ ହୋଇଗଲା କଣ ହେବ ଆମ ଭବିଷ୍ୟତ।

ଆରଆଇ ଅମିନ ପରୀକ୍ଷାରେ ପୁଣି ପୁରୁଣା ରୋଗ । ସର୍ଭର ଡାଇନ୍ ହୋଇଛି । ଆରଆଇ ପରୀକ୍ଷାରେ ବଡ ବିଭ୍ରାଟ ହୋଇଛି । ପରୀକ୍ଷାର୍ଥି ଅସନ୍ତୁଷ୍ଟ ସର୍ଭର ଡାଉନ୍ ପାଇଁ । ମଞ୍ଚେଶ୍ବର, ଚନ୍ଦ୍ରଶେଖରପୁର, ପଟିଆ, ନୟାପଲ୍ଲୀ ଆଦି ସ୍ଥାନରେ ବିଭ୍ରାଟ ।ସର୍ଭର ଡାଉନ୍ ପାଇଁ ପ୍ରାୟ ଘଣ୍ଟାଏ ବିଳମ୍ବରେ ଆରମ୍ଭ ହୋଇଥିଲା ପରୀକ୍ଷା ।

କିଛି କିଛି ପରୀକ୍ଷା କେନ୍ଦ୍ରରେ ପିଲାମାନେ ଅପେକ୍ଷା କରିଥିବାର ଭିଡିଓ ହେଉଛି ଭାଇରାଲ୍ । ଯେଉଁଥିରେ ଦେଖିବାକୁ ମିଳିଛି ପରୀକ୍ଷା କେନ୍ଦ୍ର ବନ୍ଦ ରହିଛି ଆଉ ଆଶାୟୀ ପ୍ରାର୍ଥିମାନେ ବାହାରେ ଅପେକ୍ଷା କରୁଛନ୍ତି । ଜାଣିବାକୁ ଚାହୁଛନ୍ତି କାହିଁକି ଲେଟ୍ ହେଉଛି । ପରୀକ୍ଷା କେନ୍ଦ୍ର ବାହାରେ ଅପେକ୍ଷା କରିଥିବା ଅଭିଭାବକମାନେ ବି ଉଠାଇଛନ୍ତି ପ୍ରଶ୍ନ ।  ଏହି ପରୀକ୍ଷା ସତରେ କରପସନ୍ ଫ୍ରି ତ ? କଣ ହେବ ପିଲାଙ୍କ ଭବିଷ୍ୟତ ? ପରୀକ୍ଷା ପରିଚାଳନା କରିଥିବା ସଂସ୍ଥାର ପ୍ରତିକ୍ରିୟା  ଏପଯ୍ୟନ୍ତ ମିଳିପାରିନାହିଁ।