Olive Ridley Turtle: ବ୍ଲୁ ଫ୍ଲାଗ୍ ବିଚରେ ଅଲିଭ ରିଡଲେ, ଦେଲା ୧୧୪ଟି ଅଣ୍ଡା

ପୁରୀ ବ୍ଲୁ ଫ୍ଲାଗ୍ ବିଚରେ ଅଲିଭ୍ ରିଡଲେ କଇଁଛଙ୍କ ଅଣ୍ଡାଦାନ। ପ୍ରଥମ ଥର ଲାଗି ବ୍ଲୁ ଫ୍ଲାଗ୍ ବିଚରେ ଗୋଟିଏ ଅଲିଭ ରିଡଲେ କଇଁଛ ଆସି ଅଣ୍ଡାଦାନ କରିଛି।

ଗତକାଲି ରାତିରେ ବ୍ଲୁ ଫ୍ଲାଗ ବିଚ୍ ରେ ଏକ ଅଲିଭ ରିଡ଼ଲେ କଇଁଛ ୧୧୪ଟି ଅଣ୍ଡା ଦେଇଥିବା ଜଣାପଡ଼ିଛି। ବିଚ୍ କର୍ମଚାରୀମାନେ ଏହାକୁ ସୁରକ୍ଷିତ ଭାବେ ଜଗି ରହିଥିିଲେ। ପରେ ଆଜି ସକାଳେ ବନ ବିଭାଗ କର୍ମଚାରୀଙ୍କୁ ଏହି ଅଣ୍ଡାଗୁଡ଼ିକୁ ହସ୍ତାନ୍ତର କରାଯାଇଛି।

ପୁରୀ ବ୍ଲୁ ଫ୍ଲାଗ ବିଚ୍ ରେ ପ୍ରଥମଥର ପାଇଁ ଅଲିଭ ରିଡ଼ଲେ କଇଁଛ ଅଣ୍ଡାଦାନ କରିଥିବା ଘଟଣା ଏବେ ଚର୍ଚ୍ଚାର ବିଷୟ ହୋଇଛି। ଅଲିଭ ରିଡ଼ଲେ କଇଁଛଙ୍କ ସୁରକ୍ଷିତ ଅଣ୍ଡାଦାନ ପାଇଁ ପୁରୀ ସମୁଦ୍ରକୂଳର ଦେବୀ ମୁହାଣଠାରୁ ପୁରୀ ପର୍ଯ୍ୟନ୍ତ ମୋଟ ୧୩ଟି ହାଚେରୀ ବ୍ୟବସ୍ଥା କରାଯାଇଛି।

 କଇଁଛମାନେ ନିର୍ଭୟରେ ସମୁଦ୍ରକୂଳକୁ ଆସି ଅଣ୍ଡାଦାନ କରିପାରିବେ ସେଥିପାଇଁ ବନଖଣ୍ଡ ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଛି।