Haladiapadar ROB: ନକ୍ସା କାରସାଦିର କାରଣ ଖୋଜା; କାହା ଭୁଲ୍ ପାଇଁ ଗଡ଼ୁଛି ଗୋଟିଏ ପରେ ଗୋଟିଏ ମୁଣ୍ଡ?

କାହା ସ୍ବାର୍ଥରେ ବଦଳାଯାଇଥିଲା ବ୍ରହ୍ମପୁର ହଳଦିଆପଦର ଓଭର ବ୍ରିଜ୍ ନକ୍ସା ? କାହା ଭୁଲ୍ ପାଇଁ ଗଡ଼ୁଛି ଗୋଟିଏ ପରେ ଗୋଟିଏ ମୁଣ୍ଡ ? ହଳଦିଆପଦର ରେଳ ଓଭରବ୍ରିଜ୍ ଦୁର୍ଘଟଣାକୁ ଗୁରୁତ୍ୱର ସହ ନେଇଛନ୍ତି ରାଜ୍ୟ ସରକାର। ବ୍ରିଜର ନିର୍ମାଣ ଶୈଳୀ ଓ ସୁରକ୍ଷା ବ୍ୟବସ୍ଥାର ଅନୁଧ୍ୟାନ ପାଇଁ ଆସନ୍ତା ଫେବୃଆରୀ ୧୬ ତାରିଖରେ ଏକ ଉଚ୍ଚସ୍ତରୀୟ ଟେକ୍ନିକାଲ୍ ଟିମ୍ ଘଟଣାସ୍ଥଳକୁ ଯାଇ ଅନୁଧ୍ୟାନ କରିବ । 

ବ୍ରିଜ୍ ଡିଜାଇନ୍ ଏବଂ ଡ୍ରଇଂକୁ ସମୀକ୍ଷା କରାଯିବ । ଓଭରବ୍ରିଜର ନିର୍ମାଣ ସମୟରେ କିଛି ପ୍ରଭାବଶାଳୀ ରାଜନେତାଙ୍କ ଜମି ପାଇଁ ଏହାର ନକ୍ସାକୁ ବଦଳାଯାଇଥିବାର ସାଂଘାତିକ ଅଭିଯୋଗ ହୋଇଛି । ଗତ ସରକାରର ବଡ଼ ବଡ଼, ରାଜନେତା, ବିଲଡର ଓ ପ୍ରଭାବଶାଳୀଙ୍କୁ ଡବଲ୍ ମୁନାଫା ଦେବାକୁ ସେମାନଙ୍କ ଜମି ଉପର ଦେଇ ବ୍ରିଜ୍ ନିଆଯାଇଛି। ଅକ୍ଷମଣୀୟ ତୃଟି ଯୋଗୁ ବ୍ରିଜ୍ ଉପରେ ବାରମ୍ବାର ଦୁର୍ଘଟଣା ଘଟି ଜୀବନ ଯାଉଛି । ଉଦ୍ଘାଟନ ପରଠୁ ବ୍ରିଜ୍ ନେଲାଣି ୨୦ରୁ ଅଧିକ ଜୀବନ।