Minor's Body Left Uncremated: ଶବକୁ ଅସମ୍ମାନ; ଗୋଷ୍ଠୀ ବିବାଦରୁ ଗାଁରେ ପଡ଼ି ରହିଲା ଶବ

ଶବକୁ ଅସମ୍ମାନ। ଦୀର୍ଘ ୨୪ ଘଣ୍ଟାରୁ ଅଧିକ ସମୟ ଘରେ ପଡ଼ି ରହିଲା ମୃତଦେହ। ନବରଙ୍ଗପୁର ଜିଲ୍ଲା ଉମରକୋଟ ଥାନା କୋପେନା ଗାଁର ଏ ଘଟଣା। ଦୁଇ ଗୋଷ୍ଠୀ ମଧ୍ୟରେ ବିବାଦରୁ ଶବକୁ ସତ୍କାର ପାଇଁ ଜାଗା ଦେଇନଥିଲେ ଅନ୍ୟ ଏକ ଗୋଷ୍ଠୀ। 

ଏଥିଯୋଗୁଁ ୨୪ ଘଣ୍ଟାରୁ ଅଧିକ ସମୟ ଧରି ପଡି ରହିଥିଲା ମୃତଦେହ। ଗୋଷ୍ଠୀ ବିବାଦକୁ ନେଇ ଗାଁରେ ଉତ୍ତେଜନା ଲାଗି ରହିଥିଲା।  ଗତ ଶନିବାର ଗୋଟିଏ ଗୋଷ୍ଠୀ ପରିବାରର ଜଣେ ୧୫ ବର୍ଷୀୟ ନାବାଳକଙ୍କ ମୃତ୍ୟୁ ହୋଇଥିଲା। କିନ୍ତୁ ଗ୍ରାମବାସୀ ଗାଁ ଶ୍ମଶାନରେ ଶବ ସଂସ୍କାର ପାଇଁ ଜାଗା ଦେଇନଥିଲେ। ଏହାକୁ ନେଇ ଗାଁରେ ବିବାଦ ଲାଗି ରହିଥିଲା। 

ନିଜ ଜମିରେ ମଧ୍ୟ ଶବ ସତ୍କାର କରିବାକୁ ଗ୍ରାମବାସୀ ମନା କରିଥଲେ। ଏହାକୁ ନେଇ ତୀବ୍ର ଉତ୍ତେଜନା ଲାଗି ରହିଥିଲା। ଶେଷରେ ଗାଁକୁ ଯାଇ ଲୋକଙ୍କୁ ବୁଝାସୁଝା ପରେ ରବିବାର ଦିନ ନାବାଳକଙ୍କ ଶବ ସତ୍କାର କରାଯାଇଥିଲା। ଏବେବି ଗାଁରେ ଉତ୍ତେଜନା ଲାଗି ରହିଛି। ପରିସ୍ଥିତିକୁ ନେଇ ଗାଁରେ ପୋଲିସ ମୁତୟନ କରାଯାଇଛି।