Freight Train Halted: ଟ୍ରେନ୍ ଅଟକିଲା, ରେଳଧାରଣା ପାରି ହେଲେ ହାତୀ

ହାତୀଙ୍କ ପାଇଁ ଅଟକିଲା ଟ୍ରେନ୍। ହାତୀ ରେଳ ଧାରଣା ପାର ହେଉଥିବାରୁ ଟ୍ରେନକୁ କିଛି ସମୟ ପର୍ଯ୍ୟନ୍ତ ଅଟକାଇ ଦିଆଗଲା । ଦକ୍ଷିଣ ପୂର୍ବ ରେଳ ପଥର ନାମ୍ବିରାଠାରେ ୪ ଟିକିଆ ହାତୀ ପଲ ଟ୍ରେନ୍ ଲାଇନ୍ ପାର ହେଉଥିବା ଦେଖିବାକୁ ମିଳିଛି। 

ତେବେ ହାତୀ ଆସୁଥିବାରୁ ଆଗୁଆ ସୂଚନା ପାଇ ସେହି ଟ୍ରାକରେ ବାଂଶପାଣି ଆସୁଥିବା ମାଲବାହୀ ଟ୍ରେନକୁ ୨୦୦ ମିଟର ପୂର୍ବରୁ ଅଟକାଯାଇଥିଲା । ଫଳରେ ହାତୀମାନେ ସୁରକ୍ଷିତ ଭାବେ ରେଳ ଧାରଣା ପାରି ହୋଇଥିଲେ । ହାତୀ ପଲ ମଧ୍ୟରେ ଦୁଇଟି ଛୁଆ ହାତୀ ରହିଥିବା ସୂଚନା ମିଳିଛି। ହାତୀଙ୍କ ଗତିପଥ ଉପରେ ନଜର ରଖିବା ସହିତ ସତର୍କ ରହିଛି ବନ ବିଭାଗ ।