Another Cyclone in 12 Hours: ଆସୁଛି ଦିତ୍ବା! ଓଡିଶାରେ ପଡିବ କେତେ ପ୍ରଭାବ

୧୨ ଘଣ୍ଟାରେ ପୁଣି ଏକ ବାତ୍ୟା! କୁଆଡେ ମୁହାଁଇବ? କ'ଣ ରହିବ ଗତିପଥ? ଓଡ଼ିଶାରେ ପଡିବ କେତେ ପ୍ରଭାବ? ମୋନ୍ଥା ଭଳି ମାଡ଼ ହେବ କି ଆନ୍ଧ୍ରରେ ? ବଙ୍ଗୋପସାଗରରେ ଭୟ ବଢାଉଛି ସମ୍ଭାବ୍ୟ ବାତ୍ୟା। ଏହି ବାତ୍ୟାର ନାଁ ଦିତ୍ବା ରଖା ଯାଇଛି।

ଅଧିକ ଘନୀଭୂତ ହୋଇ ଗଭୀର ଅବପାତରେ ପରିଣତ ହୋଇସାରିଛି ଅବପାତ । ଏହା ଏବେ ଦକ୍ଷିଣ-ପଶ୍ଚିମ ବଙ୍ଗୋପସାଗର ପାର୍ଶ୍ଵବର୍ତ୍ତୀ ଦକ୍ଷିଣପୂର୍ବ ଶ୍ରୀଲଙ୍କା ପାର୍ଶ୍ଵବର୍ତ୍ତୀ ଭାରତ ମହାସାଗର ଅଞ୍ଚଳରେ କେନ୍ଦ୍ରୀଭୂତ ଅଛି । ଏହି ଗଭୀର ଅବପାତ ଆହୁରି ଘନୀଭୂତ ହେବ । ଉତ୍ତର ପଶ୍ଚିମ ଉତ୍ତରକୁ ଗତି କରିବ ଏବଂ ଆହୁରି ବଳ ଗୋଟାଇ ଆଗାମୀ ୧୨ ଘଣ୍ଟାରେ ନେଇପାରେ ବାତ୍ୟା ରୂପ । ହେଲେ କଣ ରହିବ ବାତ୍ୟାର ଗତିପଥ ସେନେଇ କରାଯାଇନି କୌଣସି ଆକଳନ । ତଥାପି କୁହାଯାଇପାରେ କି ଓଡ଼ିଶାକୁ ନାହିଁ ବାତ୍ୟା ବିପଦ ।

ଓଡିଶା ଉପରେ ବିଶେଷ ପ୍ରଭାବ ପଡିନପାରେ । ଏହି ଶୀତକାଳୀନ ବାତ୍ୟା ଉତ୍ତର ତାମିଲନାଡୁ, ପୁଡୁଚେରୀ ଓ ଦକ୍ଷିଣ ଆନ୍ଧ୍ରପ୍ରଦେଶ ଆଡକୁ ମୁହାଁଇବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ୩୦ ତାରିଖ ବଳକୁ ଏହା ଉପକୂଳ ଅତିକ୍ରମ କରିବାର ରହିଛି ସମ୍ଭାବନା । ହେଲେ ଓଡିଶାରେ ଏହାର କେତେ ପ୍ରଭାବ ପଡିବ, ବର୍ଷା ହେବ କି ନାହିଁ ସେନେଇ କିଛି ପୂର୍ବାନୁମାନ କରାଯାଇ ନାହିଁ ।

ବାତ୍ୟାକୁ ନେଇ ଆତଙ୍କିତ ଥିଲେ ଚାଷୀକୂଳ । ଧାନ ଅମଳ ସମୟ ହୋଇଥିବାରୁ ବର୍ଷା ପବନ ନେଇ ଚିନ୍ତିତ ହୋଇପଡିଥିଲେ । ହେଲେ ବାତ୍ୟାର ପ୍ରଭାବ ଓଡିଶା ଉପରେ ପଡିବ ନାହିଁ ବୋଲି ଜଣାପଡିଛି । ୩୦ ତାରିଖ ପରେ ଦକ୍ଷିଣ ଓଡ଼ିଶାର କିଛି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ । କିନ୍ତୁ ପାଣିପାଗ ବିଭାଗ ପକ୍ଷରୁ ଏ ଯାଏଁ ବାତ୍ୟାର ପ୍ରଭାବ ନେଇ କିଛି ସ୍ପଷ୍ଟ ହୋଇନି ।