LIVE TV
ତୁଳସୀ ଗଛ ପ୍ରତ୍ୟେକ ହିନ୍ଦୁମାନଙ୍କ ଘର ସାମ୍ନାରେ ଦେଖିବାକୁ ମିଳେ। ଏହାକୁ ପୂଜା କରିବାରେ ବିଶେଷ ମହତ୍ତ୍ୱ ମଧ୍ୟ ରହିଛି। ଏକ ଧାର୍ମିକ ବିଶ୍ୱାସ ଅଛି ଯେ ତୁଳସୀଙ୍କୁ ପୂଜା କରିବା ଦ୍ୱାରା ଘରେ ସୁଖ-ଶାନ୍ତି ଖେଳିଯାଏ। ଏହାଛଡା ଘରେ କେବେ ବି ଆର୍ଥିକ ସମସ୍ୟା ଦେଖାଯାଏ ନାହିଁ।
ଦେବୀ ଲକ୍ଷ୍ମୀଙ୍କ ଆଶୀର୍ବାଦ ବ୍ୟକ୍ତି ଏବଂ ତାଙ୍କ ପରିବାର ସଦସ୍ୟଙ୍କ ଉପରେ ସର୍ବଦା ରହିଥାଏ। ବାସ୍ତୁଶାସ୍ତ୍ର ଅନୁଯାୟୀ ଏମିତି କିଛି ଜିନିଷ ଅଛି, ଯାହାକୁ ତୁଳସୀ ଗଛ ପାଖରେ ରଖିବା ଉଚିତ ନୁହେଁ। ଏହା କରିବା ଦ୍ୱାରା ଘରକୁ ଦାରିଦ୍ର୍ୟତା ଘୋଟିଆସେ। ତେବେ ଆସନ୍ତୁ ସେହି ଜିନିଷଗୁଡିକ କ’ଣ ଜାଣିବା।
Also Read
ଅଧିକ ପଢ଼ନ୍ତୁ: ସ୍ୱାମୀ-ସ୍ତ୍ରୀ ଭିତରେ ହେଉଛି କି ବାରମ୍ବାର ଝଗଡା… ମାନନ୍ତୁ ଏହି ୪ ବାସ୍ତୁଟିପ୍ସ, ହୋଇଯିବ ସବୁ ସମାଧାନ
ଝାଡୁ:
ତୁଳସୀ ଗଛ ପବିତ୍ର ହୋଇଥାଏ। ତେଣୁ ଏହାର ଚାରିପାଖରେ କୌଣସି ମଇଳା ରହିବା ଉଚିତ ନୁହେଁ। ସେହିପରି ତୁଳସୀ ଗଛ ପାଖରେ କୌଣସି ଡଷ୍ଟବିନ ରଖିବା ଉଚିତ ନୁହେଁ। ଝାଡୁ ଦ୍ୱାରା ଆବର୍ଜନା ସଫା କରାଯାଉଥିବାରୁ ତୁଳସୀ ଗଛ ପାଖରେ କେବେ ବି ଝାଡୁ ରଖନ୍ତି ନାହିଁ। ବାସ୍ତୁଶାସ୍ତ୍ର ଅନୁଯାୟୀ ଏହା କରିବା ଦ୍ୱାରା ଆପଣ କାଙ୍ଗାଳ ହୋଇଯିବେ।
ଜୋତା:
ହିନ୍ଦୁ ପୌରାଣିକ କାହାଣୀ ଅନୁସାରେ ତୁଳସୀ ଗଛକୁ ମାତା ଲକ୍ଷ୍ମୀଙ୍କ ସହ ଜଡିତ କରି ଦେଖାଯାଏ। ଏହି କାରଣରୁ ଏହି ଗଛ ନିକଟରେ ଜୋତା କିମ୍ବା ଚପଲ ରଖିବା ଉଚିତ ନୁହେଁ। ବିଶ୍ୱାସ କରାଯାଏ ଯେ ଏହି ଭୁଲ କରିବା ଦ୍ୱାରା ଧନର ଦେବୀ ଲକ୍ଷ୍ମୀ କ୍ରୋଧିତ ହୁଅନ୍ତି, ଫଳରେ ବ୍ୟକ୍ତି ଗରିବ ହୋଇଯାଏ।
ଅଧିକ ପଢ଼ନ୍ତୁ: ଏହି ବାସ୍ତୁଦୋଷ କାରଣରୁ ହୁଏ ମଧୁମେହ; ଜାଣନ୍ତୁ ପ୍ରତିକାରର ୮ଟି ଟିପ୍ସ
କଣ୍ଟା ଗଛ:
ଏହା ବ୍ୟତୀତ ତୁଳସୀ ଗଛ ନିକଟରେ କୌଣସି ପ୍ରକାର କଣ୍ଟାଜାତୀୟ ଗଛ ଲଗାଯିବା ଉଚିତ ନୁହେଁ। ବିଶ୍ୱାସ କରାଯାଏ ଯେ ତୁଳସୀ ପରି ଏକ ପବିତ୍ର ଗଛ ନିକଟରେ କୌଣସୀ କଣ୍ଟାଜାତୀୟ ଗଛ ଲଗାଇବା ଦ୍ୱାରା ଜଣେ ବ୍ୟକ୍ତିଙ୍କୁ ଜୀବନରେ ଅନେକ ଘରୋଇ ସମସ୍ୟାର ସମ୍ମୁଖୀନ ହେବାକୁ ପଡିପାରେ।
କେଉଁ ଦିଗରେ ଲଗାଇବେ ତୁଳସୀ:
ତୁଳସୀ ଗଛ ଘରର ଦକ୍ଷିଣ ଦିଗରେ ଲଗାଯିବା ଉଚିତ ନୁହେଁ। ଏହି ଦିଗ ପିତୃପୁରୁଷମାନଙ୍କର ବୋଲି ବିବେଚନା କରାଯାଏ। ତୁଳସୀ ଉଦ୍ଭିଦ ଲଗାଇବା ପାଇଁ ଉତ୍ତର-ପୂର୍ବ ଦିଗ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ।
ତୁଳସୀ ପୂଜାରୁ ଲାଭ:
- ତୁଳସୀଙ୍କୁ ପୂଜା କରିବା ଦ୍ୱାରା ଆର୍ଥିକ ଅସୁବିଧା ଦୂର ହୋଇଥାଏ ଏବଂ ଆର୍ଥିକ ଲାଭର ସମ୍ଭାବନା ମଧ୍ୟ ସୃଷ୍ଟି ହୋଇଥାଏ
- ମାତା ଲକ୍ଷ୍ମୀ ପ୍ରସନ୍ନ ହୁଅନ୍ତି ଏବଂ ସମସ୍ତ ଇଚ୍ଛା ପୂରଣ ହୁଏ
- ସୁଖ ଏବଂ ସମୃଦ୍ଧି ବୃଦ୍ଧି ପାଇଥାଏ
- ସମସ୍ତ ସଙ୍କଟ ଦୂର ହୁଏ
- ସମସ୍ତ ଦୁଷ୍ଟ ଶକ୍ତି ଦୂର ହୁଏ
