LIVE TV
ଖୁସି ଖବର । ଏଣିକି ହ୍ୱାଟ୍ସଆପ୍ ପ୍ରୋଫାଇଲ୍ରୁ କେହି ନେଇ ପାରିବେ ନାହିଁ ଆପଣଙ୍କ ଫଟୋର ସ୍କ୍ରିନସଟ୍ । ମେଟା ଆଣିଲା ଏହି ନୂଆ ଫିଚର୍ । ବର୍ତ୍ତମାନ ଆଣ୍ଡ୍ରଏଡ୍ ବ୍ୟବହାରକାରୀମାନେ ହ୍ୱାଟ୍ସଆପ୍ରେ ଅନ୍ୟ ଉପଭୋକ୍ତାଙ୍କ ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେବାକୁ ଆଉ ସକ୍ଷମ ହେବେ ନାହିଁ । ଯଦିଓ କମ୍ପାନୀ ଏହି ପରିବର୍ତ୍ତନ ବିଷୟରେ ସୂଚନା ଦେଇନାହିଁ, କିନ୍ତୁ ଆଣ୍ଡ୍ରଏଡ୍ ବ୍ୟବହାରକାରୀଙ୍କ ପାଇଁ ଏହି ଫିଚର୍ କାମ କରୁଛି ।
ଯଦି ଆପଣ ଜଣେ ଆଣ୍ଡ୍ରଏଡ୍ ୟୁଜର୍ ତେବେ ବର୍ତ୍ତମାନ ଆପଣ ହ୍ୱାଟ୍ସଆପ୍ରେ ଅନ୍ୟ ଜଣେ ବ୍ୟବହାରକାରୀଙ୍କ ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେଇପାରିବେ ନାହିଁ । ଯଦି ଆପଣ ସ୍କ୍ରିନସଟ୍ ନେବାକୁ ଚେଷ୍ଟା କରନ୍ତି, ତେବେ ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେବା ବେଳେ ଏହା ଏକ ବ୍ଲାକ୍ ଆଉଟ୍ ଫଟୋ କ୍ୟାପଚର୍ କରିବ । ବର୍ତ୍ତମାନ ସମ୍ପୂର୍ଣ୍ଣ ଭାବରେ ପ୍ରୋଫାଇଲ୍ ଫଟୋର ସ୍କ୍ରିନ୍ସଟ୍ ନେଇପାରିବେ ନାହିଁ । ତଥାପି, ଆପଣ ପ୍ରୋଫାଇଲ୍ ଭ୍ୟୁ ମୋଡ୍ରେ ସ୍କ୍ରିନସଟ୍ ନେଇପାରିବେ ।
Also Read
ଅଧିକ ପଢ଼ନ୍ତୁ: ହ୍ୱାଟସଆପରେ ଆସିଲା ନୂଆ ଫୋଲ୍ଡର...ଏଇଠି ରହିବ ସିକ୍ରେଟ ଚାଟ୍
iOS ବ୍ୟବହାରକାରୀମାନେ ତଥାପି ସ୍କ୍ରିନସଟ୍ ନେଇପାରିବେ...
ଆଇଓଏସ୍ ବ୍ୟବହାରକାରୀମାନେ ହ୍ୱାଟସ୍ଆପ୍ରେ ଫୁଲ୍ ସ୍କ୍ରିନ୍ ମୋଡ୍ରେ ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେଇପାରିବେ । ଏହାର ଅର୍ଥ ହେଉଛି ଯେ ଏହି ପରିବର୍ତ୍ତନ ବର୍ତ୍ତମାନ ପର୍ଯ୍ୟନ୍ତ କେବଳ ଆଣ୍ଡ୍ରଏଡ୍ ଡିଭାଇସରେ କାମ କରୁଛି ।
ଗତ ମାସରେ, ହ୍ୱାଟସ୍ଆପ୍ ଏକ ନୂଆ ଫିଚର୍ ଆଣିଥିଲା ଯାହା ବ୍ୟବହାରକାରୀମାନେ ତାରିଖକୁ ଫିଲ୍ଟର୍ କରି ପୂର୍ବ ଚାଟ୍କୁ ଖୋଜିପାରିବେ । ଉପଭୋକ୍ତାମାନେ ଏକ ନିର୍ଦ୍ଦିଷ୍ଟ ତାରିଖ ମାଧ୍ୟମରେ ସେମାନେ କରିଥିବା ଚାଟ୍, ପଠାଇ ଥିବା ଲିଙ୍କ୍ ଓ ଫଟୋ ମଧ୍ୟ ପାଇ ପାରିବେ । ଏହି ଫିଚର୍ ଉଭୟ ଆଣ୍ଡ୍ରଏଡ୍ ଓ ଆଇଓଏସ୍ ଆପରେ ଉପଲବ୍ଧ ରହିଛି । ଏହା ବ୍ୟତୀତ, ଡେସ୍କଟପ୍ ଏବଂ ହ୍ୱାଟସ୍ଆପ୍ ୱେବ୍ରେ ମଧ୍ୟ କାମ କରୁଛି ଏହି ଫିଚର୍ ।
