ମସ୍କଙ୍କ ବଡ଼ ବୟାନ: ୨୦୨୬ ସୁଦ୍ଧା ମଣିଷଠୁ ଅଧିକ ବୁଦ୍ଧିମାନ ହେବ AI

Cଏକ ସାକ୍ଷାତକାରରେ ଏଲନ ମସ୍କ କହିଛନ୍ତି କି ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଆଗାମୀ ବର୍ଷ କିମ୍ବା ୨୦୨୬ ଶେଷ ସୁଦ୍ଧା ବିଶ୍ବର ସବୁଠାରୁ ବୁଦ୍ଧିମାନ ବ୍ୟକ୍ତିଠୁ ମଧ୍ୟ ଅଧିକ ବୁଦ୍ଧିମାନ ହୋଇଯାଇଥିବ । ସେ ନିଜ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଷ୍ଟାର୍ଟଅପ୍ ଏକ୍ସଏଆଇ ଜରିଆରେ ଚାଟବୋଟ ଗ୍ରୋକକୁ ପ୍ରଶିକ୍ଷିତ କରିବାରେ ଆସୁଥିବା ଚାଲେଞ୍ଜ ଉପରେ ମଧ୍ୟ ଚର୍ଚ୍ଚା କରିଛନ୍ତି ।

ମସ୍କ ଆହୁରି କହିଛନ୍ତି ଯେ, ଆଡଭାନ୍ସ ଚିପର ଅଭାବ ଯୋଗୁଁ ଗ୍ରୋକର ଭର୍ସନ-୨ ମଡେଲର ଟ୍ରେନିଂରେ ସମସ୍ୟାର ସାମ୍ନା କରିବାକୁ ପଡିଛି । ଏମିତିରେ ଏଆଇକୁ ନେଇ ପୂର୍ବରୁ ମଧ୍ୟ ମସ୍କ ଅନେକ ଥର ମତ ଦେଇଥିଲେ କି ଏହା ଦିନେ ନା ଦିନେ ମଣିଷଠୁ ଆଗେଇଯିବ ।

ଅଧିକ ପଢ଼ନ୍ତୁ: ମସ୍କଙ୍କ ‘ନ୍ୟୁରାଲିଙ୍କ୍‌’ କମ୍ପାନୀର ବଡ଼ ଉପଲବ୍ଧି, ପ୍ରଥମ ଥର ମାନବ ମସ୍ତିଷ୍କରେ ଲଗାଇଲା ‘ଚିପ୍‌’

ମସ୍କ ପୂର୍ବରୁ ମଧ୍ୟ ଏକ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ସଂସ୍ଥା ସହିତ ଜଡିତ ରହିଛନ୍ତି । ଡିସେମ୍ବର ୨୦୧୫ରେ ମସ୍କ ନିଜ ଏଆଇ ସ୍ଥାପନ କରିଥିଲେ । ଚାଟଜିପିଟିକୁ ପ୍ରସ୍ତୁତ କରିଥିବା କମ୍ପାନୀ ହେଉଛି ମସ୍କଙ୍କ ଓପନ ଏଆଇ । ତେବେ ପରେ କିଛି ସମସ୍ୟା ଯୋଗୁଁ ସେ ୨୦୧୮ରେ ଏହାକୁ ଛାଡି ଦେଇଥିଲେ । ବର୍ତ୍ତମାନ ଏଲନ ମସ୍କଙ୍କ କମ୍ପାନୀ ତାଲିକାରେ ୫ ବଡ କମ୍ପାନୀ ଯଥା ଟେସଲା ମୋଟର୍ସ, ସ୍ପେଶଏକ୍ସ, ନ୍ୟୁରାଲିଙ୍କ୍, ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ ଏବଂ ଦ ବୋରିଂ କମ୍ପାନୀ ସାମିଲ ରହିଛି ।