LIVE TV
ଏଣିକି ଏକ୍ସରେ ଦେଖିବାକୁ ମିଳିବ ଅଶ୍ଲୀଳ ବିଷୟବସ୍ତୁ। ଏକ୍ସରେ ଆପଣ ଅଶ୍ଲୀଳ କଣ୍ଟେଣ୍ଟ ପ୍ରସ୍ତୁତ କରିପାରିବେ। ଏହାକୁ କମ୍ୟୁନିଟି ମାଧ୍ୟମରେ ଦେଖିପାରିବେ। ଏନେଇ ଯୋଜନା କରାଯାଉଥିବା ଏଲନ୍ ମସ୍କ ସୂଚନା ଦେଇଛନ୍ତି। ତେବେ ବର୍ଷେ ହେବ ଏହି ସୋସିଆଲ ମିଡିଆ ପ୍ଲାଟଫର୍ମରେ ଅନେକ ପରିବର୍ତ୍ତନ ହେଉଥିବା ଦେଖିବାକୁ ମିଳିଛି।
ଟ୍ୱିଟର୍ର ମାଲିକାନା ନେବା ପରେ ଏଲନ୍ ମସ୍କ ଏହାକୁ ଏକ୍ସ ବୋଲି ନାଁ ଦେଲେ। ତା’ପରେ ଏକ୍ସ ରେ ଅନେକ ପରିବର୍ତ୍ତନ ଦେଖିବାକୁ ମିଳିଛି। ଏବେ କମ୍ୟୁନିଟି ଜରିଆରେ ଆପଣ ଅଶ୍ଲୀଳ କଣ୍ଟେଣ୍ଟ ପ୍ରସ୍ତୁତ କରିବେ ଏବଂ ଏହାକୁ କମ୍ୟୁନିଟିରେ ପୋଷ୍ଟ ବି କରିପାରିବେ। ଖୁବଶୀଘ୍ର ଏନେଇ ଯୋଜନା ହେଉଛି ଏବଂ ଏହାକୁ ପରୀକ୍ଷା କରିବା ପରେ ହିଁ ସାର୍ବଜନୀନ କରାଯିବ। ଏହାଦ୍ୱାରା ଅଧିକରୁ ଅଧିକ ଉପଭୋକ୍ତା ଏହି ପ୍ଲାଟଫର୍ମରେ ଯୋଡ଼ି ହେବେ ବୋଲି କୁହାଯାଉଛି।
Also Read
ଅଧିକ ପଢ଼ନ୍ତୁ: ମସ୍କଙ୍କ ନୂଆ ଘୋଷଣା: ଏଣିକି ‘X’ରେ ମାଗଣାରେ ମିଳିବ ବଡ଼ ଫିଚର୍...
ଏକ୍ସ ସମସ୍ତ ପ୍ରକାର ଉପଭୋକ୍ତାଙ୍କୁ ଆକୃଷ୍ଟ କରିବା ପାଇଁ ଏଭଳି ଯୋଜନା ଆଣୁଥିବା କୁହାଯାଉଛି। ଡାନିଏଲ୍ ବୁଚୁକ୍ ଏବଂ ନିମା ଓଜିଙ୍କ ପରି ବିଶେଷଜ୍ଞମାନେ ଏକ୍ସ ରେ ଚାଲୁଥିବା ବିକାଶ ପ୍ରକ୍ରିୟାର ପ୍ରମାଣ ଦେଇଛନ୍ତି। X ପ୍ଲାଟଫର୍ମ ମଧ୍ୟରେ ଥିବା NSFW କମ୍ୟୁନିଟିଗୁଡିକ ଉପଭୋକ୍ତାମାନଙ୍କୁ କମ୍ୟୁନିଟି ସୃଷ୍ଟି ପ୍ରକ୍ରିୟା ସମୟରେ ସେମାନଙ୍କର ବିଷୟବସ୍ତୁକୁ ‘ଅଶ୍ଲୀଳ କଣ୍ଟେଣ୍ଟ’ ଭାବରେ ନାମିତ କରିବାର କ୍ଷମତା ପ୍ରଦାନ କରିଥାଏ। ଏହା ସୁନିଶ୍ଚିତ କରେ ଯେ କମ୍ୟୁନିଟିକୁ ‘ଆଡଲ୍ଟ କଣ୍ଟେଣ୍ଟ’ ଟ୍ୟାଗ୍ ସହିତ ଲେବଲ୍ କରାଯାଇଛି।
ବିଶେଷଜ୍ଞ ବୁଚୁକ୍ ଟେକ୍ କ୍ରଞ୍ଚ ସହିତ ଏକ ସ୍କ୍ରିନସଟ୍ ମଧ୍ୟ ସେୟାର କରିଥିଲେ। ଯେଉଁଥିରେ "ଅଶ୍ଲୀଳ ବିଷୟବସ୍ତୁ" ଲେବଲ୍ ଦୃଶ୍ୟମାନ ହୋଇଛି। NSFW କମ୍ୟୁନିଟିରେ ଏହାର ଝଲକ ବି ଦେଖିବାକୁ ମିଳିଛି। X ରେ NSFW କମ୍ୟୁନିଟି ପ୍ଲାଟଫର୍ମର ବିଷୟବସ୍ତୁ ନିୟନ୍ତ୍ରଣ ଏବଂ ଉପଭୋକ୍ତା ଯୋଗଦାନରେ ଏକ ଉଲ୍ଲେଖନୀୟ ପରିବର୍ତ୍ତନକୁ ଚିହ୍ନଟ କରେ। ଯେତେବେଳେ ବି ଏହି କମ୍ୟୁନିଟିରେ ପ୍ରବେଶ କରିବେ ଏହା ଆପଣଙ୍କ ବୟସ ଯାଞ୍ଚ କରିବ ଏବଂ ଆପଣଙ୍କ ବିଷୟବସ୍ତୁକୁ ପ୍ରାଇଭେଟ୍ ବି ରଖିବ।
