Lightning Strike In Peru: LIVE ମ୍ୟାଚ୍‌ରେ ମାରିଲା ବିଜୁଳି; ଚାଲିଗଲା ଜଣେ Football ଖେଳାଳିଙ୍କ ଜୀବନ, ଭାଇରାଲ ହେଲା ଭିଡିଓ

କ୍ରୀଡା ଜଗତରୁ ଏଭଳି ଏକ ଦୁଃଖଦ ଖବର ସାମ୍ନାକୁ ଆସିଛି, ଯାହା କ୍ରୀଡା ପ୍ରଶଂସକଙ୍କ ସମେତ ବହୁ ଭେଟରାନ୍‌ ଖେଳାଳିଙ୍କୁ ଚକିତ କରିଦେଇଛି । ଏକ ଫୁଟବଲ୍‌ ମ୍ୟାଚ୍‌ ଚାଲୁଥିବା ସମୟରେ ହଠାତ୍‌ ବଜ୍ରପାତ ହୋଇଥିଲା । ଯାହାଫଳରେ ଜଣେ ଖେଳାଳିଙ୍କ ମୃତ୍ୟୁ ହୋଇଛି । ତେବେ ଏହି ଘଟଣାରେ ଜଣେ ରେଫରୀଙ୍କ ସମେତ ଅନେକ ଖେଳାଳି ଗୁରୁତର ଭାବେ ଆହତ ହୋଇଛନ୍ତି ।

ବଜ୍ରପାତରେ ଗୁରୁତର ଆହତ ଖେଳାଳି ଏବଂ ରେଫରିଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ଯେଉଁଠାରେ ସେମାନେ ଚିକିତ୍ସିତ ହେଉଛନ୍ତି । ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି ପେରୁରେ । ନଭେମ୍ବର ୩ରେ ପେରୁର ଚିଲକାରେ ଦୁଇଟି ଘରୋଇ କ୍ଲବ୍‌ Juventud Bellavista ଏବଂ Familia Chocca ମଧ୍ୟରେ ଏକ ମ୍ୟାଚ୍‌ ଚାଲିଥିଲା । ତେବେ ଲାଇଭ୍‌ ମ୍ୟାଚ୍‌ ଚାଲିଥିବା ବେଳେ ଏହି ଦୁର୍ଭାଗ୍ୟଜନକ ଘଟଣା ଘଟିଥିଲା । ଯାହାଫଳରେ ଘଟଣାସ୍ଥଳରେ ହିଁ ଜଣେ ଖେଳାଳିଙ୍କ ମୃତ୍ୟୁ ହୋଇଥିବାବେଳେ ଏକାଧିକ ଖେଳାଳି ଓ ରେଫରୀ ଗୁରୁତର ଭାବେ ଆହତ ହୋଇଥିଲେ ।

ଅଧିକ ପଢ଼ନ୍ତୁ: ଚାଲିଥିଲା ଷ୍ଟାର ସ୍ପୋର୍ଟ୍ସ ଲାଇଭ୍‌; ହଠାତ ପଶିଗଲେ ଶାହରୁଖ୍‌..ଭୁଲ୍ ମାଗିଲେ..ଦେଖନ୍ତୁ ଭିଡିଓ

ସୂଚନା ଅନୁସାରେ ମ୍ୟାଚ୍‌ର ପ୍ରଥମାର୍ଦ୍ଧ ଚାଲିଥିବାବେଳେ ଏହି ଦୁର୍ଘଟଣା ଘଟିଥିଲା । ଏହି ସମୟରେ ଜୁଭେଣ୍ଟଡ୍‌ ବେଲାଭିଷ୍ଟା ୨-୦ରେ ଆଗୁଆ ରହିଥିଲା । ତେବେ ଠିକ୍‌ ଏହି ସମୟରେ ହଠାତ୍‌ ପାଗ ବହୁତ ଖରାପ ହୋଇଯାଇଥିଲା । ତେଣୁ ରେଫରି ହ୍ୱିସଲ୍‌ ବଜାଇ ଖେଳକୁ ବନ୍ଦ କରିଦେଇଥିଲେ ଏବଂ ଖେଳାଳିଙ୍କୁ ପଡ଼ିଆ ଛାଡ଼ିବାକୁ ମଧ୍ୟ କହିଥିଲେ । ଖେଳାଳିମାନେ ପଡ଼ିଆ ଛାଡ଼ି ଯାଉଥିବାବେଳେ ହଠାତ୍‌ ବଜ୍ରପାତ ହୋଇଥିଲା । ଏହି ବଜ୍ରପାତ ୩୯ ବର୍ଷ ବୟସ୍କା ଖେଳାଳି ଜୋସ୍‌ ହୁଗେ ଡେ ଲା କ୍ରୁଜ୍‌ ମେସାଙ୍କ ଉପରେ ପଡ଼ିଥିଲା । ଯେଉଁଥି ପାଇଁ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା ।

🚨🇵🇪LIGHTNING STRIKES SOCCER MATCH IN PERU

Jose Hugo de la Cruz Meza, 39, was killed instantly, and 5 players were injured during a regional tournament in Chilca.

Goalkeeper Juan Chocca Llacta, 40, also received a direct strike and was rushed to hospital in a taxi with serious… pic.twitter.com/7zdnwAoc8c

— Mario Nawfal (@MarioNawfal) November 4, 2024

ଏହା ସହିତ ୪୦ ବର୍ଷୀୟ ଗୋଲକିପର ଜୁଆନ୍‌ ଚୋକ୍କା ଲାକ୍ଟା ମଧ୍ୟ ଗୁରୁତର ଭାବେ ଆହତ ହୋଇଛନ୍ତି । ମିରର୍‌ ପ୍ରକାଶିତ ଏକ ରିପୋର୍ଟ ଅନୁସାରେ ଜଣେ ଖେଳାଳିଙ୍କ ମୃତ୍ୟୁ ସହ ଆଉ ତିନି ଜଣ ଖେଳାଳି ମଧ୍ୟ ଏହି ବଜ୍ରପାତ ଫଳରେ ଗୁରୁତର ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ତେବେ ଆହତ ସମସ୍ତଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା ସୂଚନା ମିଳିଛି ।

ବଜ୍ରପାତ ଯୋଗୁଁ ଜଣେ ଫୁଟବଲର ମୃତ୍ୟୁର ଏହା ପ୍ରଥମ ଘଟଣା ନୁହେଁ । ଚଳିତ ବର୍ଷ ଫେବ୍ରୁଆରୀରେ ଇଣ୍ଡୋନେସିଆର ପଶ୍ଚିମ ଜାଭାସ୍ଥିତ ସିଲିୱାଙ୍ଗି ଷ୍ଟାଡିୟମରେ ଏକ ବନ୍ଧୁତ୍ୱପୂର୍ଣ୍ଣ ଫୁଟବଲ୍ ମ୍ୟାଚ୍ ଅନୁଷ୍ଠିତ ହୋଇଥିଲା । FLO FC Bandung ଏବଂ FBI Subang ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଚାଲିଥିଲା । ଠିକ୍‌ ଏହି ସମୟରେ ପଡ଼ିଆରେ ବଜ୍ରପାତ ହୋଇଥିଲା । ଯାହାଫଳରେ ୩୫ ବର୍ଷୀୟ ସେପ୍ଟନ୍‌ ରାହାରାଜଙ୍କ ମୃତ୍ୟୁ ହୋଇଥିଲା । ବଜ୍ରପାତ କାରଣରୁ ପ୍ରଥମେ ରାହାରାଜ ଗୁରୁତର ଆହତ ହୋଇଥିଲେ । ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଡାକ୍ତର ତାଙ୍କୁ ସେଠାରେ ମୃତ୍ୟୁ ଘୋଷଣା କରିଥିଲେ । ଗତ ୧୨ ମାସ ମଧ୍ୟରେ ଏହା ଦ୍ୱିତୀୟ ଘଟଣା ଥିଲା ଯେତେବେଳେ ଇଣ୍ଡୋନେସିଆର ଜଣେ ଫୁଟବଲ ଖେଳାଳିଙ୍କ ମୃତ୍ୟୁ ବଜ୍ରପାତ ଦ୍ୱାରା ହୋଇଥିଲା ।

ଗତ ବର୍ଷ ୨୦୨୩ ମସିହାରେ, ପୂର୍ବ ଜାଭାର ବୋଜୋନେଗୋରୋର ଜଣେ ଯୁବ ଫୁଟବଲ ଖେଳାଳି ସୋରାଟିନ୍ U-୧୩ କପ୍ ସମୟରେ ବଜ୍ରପାତ ଯୋଗୁଁ ମୃତ୍ୟୁବରଣ କରିଥିଲେ । ସେହିପରି ୨୦୨୩ ମସିହାରେ ୨୧ ବର୍ଷ ବୟସ୍କ ଜଣେ ବ୍ରାଜିଲ୍‌ ଫୁଟବଲ୍‌ ଖେଳାଳିଙ୍କ ମୃତ୍ୟୁ ମଧ୍ୟ ବଜ୍ରପାତ ଯୋଗୁଁ ହୋଇଥିଲା ।

ଅଧିକ ପଢ଼ନ୍ତୁ: ଲାଇଭ୍‌ ମ୍ୟାଚ୍‌ ବେଳେ ସିଗାରେଟ୍‌ ଟାଣିଲେ ପାକିସ୍ତାନ ଖେଳାଳି, ଭିଡିଓ ଭାଇରାଲ୍