LIVE TV
ଆଇପିଏଲ ସିଜିନ୍ ଆରମ୍ଭହେବା ମାତ୍ରେ ଚେନ୍ନାଇ ସୁପର କିଙ୍ଗ୍ସ ତଥା ଭାରତୀୟ କ୍ରିକେଟ ଦଳର ସଫଳତମ କ୍ୟାପଟେନ୍ ମହେନ୍ଦ୍ର ସିଂ ଧୋନୀଙ୍କ ଅବସରକୁ ନେଇ ଜୋରଦାର ଚର୍ଚ୍ଚା ହୁଏ । ଆଇପିଏଲର ପ୍ରତ୍ୟେକ ସିଜିନ୍ରେ ଧୋନୀଙ୍କୁ ମଧ୍ୟ ସମାନ ପ୍ରଶ୍ନର ସାମ୍ନା କରିବାକୁ ପଡ଼େ ।
ଯାହାକୁ ନିଜର କୁଲ୍ ଅନ୍ଦାଜରେ 'ଡେଫିନଟେଲି ନଟ୍' କହି ଉତ୍ତର ଦିଅନ୍ତି ମାହି । ତେବେ ଆଇପିଏଲ ୨୦୨୫ରେ ପୁଣି ଥରେ ସମାନ ଚର୍ଚ୍ଚା ଆରମ୍ଭ ହୋଇଛି । ଯାହାର ଉତ୍ତର ରଖିଛନ୍ତି ଧୋନୀ ଆଉ ଆଇପିଏଲ ଖେଳିବାରୁ ସେ କେବେ ଅବସର ନେବେ ସେନେଇ ବଡ଼ ଘୋଷଣା କରିଛନ୍ତି ।
Also Read
ଏକ ସାକ୍ଷାତକାରରେ, ସେ କହିଛନ୍ତି ମୁଁ ଯେତେଦିନ ଚାହିଁବି ସେତେଦିନ CSK ପାଇଁ ଖେଳିପାରିବି । ଏହା ମୋର ଫ୍ରାଞ୍ଚାଇଜ୍ । 'ମୁଁ ହ୍ୱିଲଚେୟାରରେ ଥିଲେ ମଧ୍ୟ, CSK ମୋତେ ଖୋଳିବା ପାଇଁ ଟାଣି ନେବ ।' ମୁଁ ଯେପର୍ଯ୍ୟନ୍ତ ଚାହିଁବି, ଏହି ଦଳ ପାଇଁ ଖେଳିପାରିବି । କାରଣ ଏହା ମୋର ଦଳ ।
ଧୋନିଙ୍କୁ ଏବେ ୪୩ ବର୍ଷ । ତଥାପି ଆଇପିଏଲ ୨୦୨୫ରେ ଧମାକା କରିବାକୁ ସେ ପ୍ରସ୍ତୁତ ହୋଇଛନ୍ତି । ସେ ଏଥର CSK ପାଇଁ ଜଣେ ଅନକ୍ୟାପ୍ ଖେଳାଳି ଭାବରେ ଖେଳୁଛନ୍ତି । ପୂର୍ବରୁ, ସେ CSKର ଅଧିନାୟକତ୍ୱ କରିବା ସମୟରେ, ଦଳକୁ ପାଞ୍ଚଥର ଟାଇଟଲ ବିଜୟୀ କରାଇଛନ୍ତି ।
ତେବେ ଧୋନି ଚେନ୍ନାଇ ସୁପର କିଙ୍ଗ୍ସ ସହିତ ହିଁ ତାଙ୍କର ଆଇପିଏଲ ଡେବ୍ୟୁ କରିଥିଲେ । ମଝିରେ ଦୁଇଟି ସିଜିନ୍ ପାଇଁ ରାଇଜିଂ ପୁଣେ ସୁପରଜ୍ୟାଣ୍ଟସ୍ ପାଇଁ ମଧ୍ୟ ଖେଳିଥିଲେ । ସେ ଏପର୍ଯ୍ୟନ୍ତ ମୋଟ ୨୬୪ଟି ମ୍ୟାଚ୍ ଖେଳି ମୋଟ୍ ୫୨୪୩ ରନ୍ ସଂଗ୍ରହ କରିଛନ୍ତି । ଧୋନି ଆଇପିଏଲରେ ୧୩୭.୫୩ ଷ୍ଟ୍ରାଇକ୍ ରେଟରେ ରନ କରିଛନ୍ତି ଧୋନୀ । ତେବେ ଚଳିତ ସିଜିନ୍ ଧୋନୀଙ୍କ ଶେଷ ଆଇପିଏଲ ନାଁ ଆସନ୍ତାବର୍ଷ ତାଙ୍କୁ ପୁଣି ଥରେ ଷ୍ଟାଡିୟମରେ ଦେଖିବାକୁ ମିଳିବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।
ଅଧିକ ପଢ଼ନ୍ତୁ: ଆଜି IPLରେ ଡବଲ୍ ଫାଇଟ୍; ମୁହାଁମୁହିଁ ହେବେ ରାଜସ୍ଥାନ-ହାଇଦ୍ରାବାଦ, ଚେନ୍ନାଇ-ମୁମ୍ବାଇ
