LIVE TV
ଭାରତ... ଏହା ଏମିତି ଏକ ଦେଶ ଯେଉଁଠି ଅସମ୍ଭବ ବୋଲି କିଛି ନାହିଁ କହିଲେ ଚଳେ । କୁହାଯାଏ ଯୋଗାଡ଼ିଆଙ୍କ ଗନ୍ତାଘର ଭାରତ । ଆମ ଦେଶରେ ଯେତିକି ଟ୍ୟାଲେଣ୍ଟ ରହିଛି, ବିଶ୍ୱରେ ଆଉ କେଉଁଠି ବି ନାହିଁ । ଆମେ ସୋସିଆଲ ମିଡିଆରେ ଏମିତି ଅନେକ ଫଟୋ ଦେଖିଥିବା ଯେଉଁଥିରେ ଭାରତର ଲୋକମାନେ ଖୁବ୍ ଯୋଗାଡ଼ିଆ ବୋଲି କହିବାକୁ ବାଧ୍ୟ ହେବା।
ଅଧିକ ପଢ଼ନ୍ତୁ: ଦେଶୀ ଜୁଗାଡ଼: ଗୋଟିଏ ବାଇକ୍ରେ ସବାର ହେଉଛନ୍ତି ୮
Also Read
ଆମ ଦେଶର ଲୋକମାନେ କୌଣସି ବି ସମସ୍ୟାକୁ ଚୁଟ୍କିରେ ସମାଧାନ କରିବା ପାଇଁ ସକ୍ଷମ । ଆଉ କୌଣସି ଜିନିଷକୁ ଶେଷ ପର୍ଯ୍ୟନ୍ତ ବ୍ୟବହାର କରିବାରେ ବି ଆମେ ମାହିର । ଯେମିତି କି ଡ୍ରେସ ପୁରୁଣା ହେଲେ ‘ଘର ପୋଛା’ ହୁଏ । ଆଉ ଅମୁଲ ଡବା ସରିଲେ ସେଥିରେ ରାସନ ରୁହେ ।
ଏମିତି ଆହୁରି କିଛି ଯୋଗାଡ଼ିଆ ଟ୍ୟାଲେଣ୍ଟର ଉଦାହରଣ ଯଦି ଆମେ ଦେଖିବା ତେବେ ନଜରକୁ ଆସିବ ବାଇକ୍କୁ ଟ୍ରଲିରେ ରୂପାନ୍ତର କରିବା । ବାଇକ୍ରେ ଦୁଇ ଜଣ ବସିବା ପାଇଁ ନିୟମ ରହିଥିବା ବେଳେ ଭାରତୀୟମାନେ ବାଇକ୍କୁ ଏମିତି ସଜାଡ଼ନ୍ତି ଯେ, ସେଥିରେ ଦୁଇ ବଦଳରେ ୧୦ ଜଣ ବସିପାରନ୍ତି । ଖାଲି ସେତିକି ନୁହେଁ ବାଇକ୍କୁ ହଳ କରିବାରେ ବି ଆମ ଲୋକ ବ୍ୟବହାର କରନ୍ତି । କରୋନା ସମୟରେ ତ ଆମ ଦେଶବାସୀ ସାନିଟାଇଜରକୁ ଏପରି ବ୍ୟବହାର କଲେ ଯେ, ତାହା ନକହିବା ଭଲ ।
ଅଧିକ ପଢ଼ନ୍ତୁ: ଚମତ୍କାର ଜୁଗାଡ଼ ! ଶସ୍ତାରେ ଯିବା ଆସିବା ପାଇଁ ଆସିଲା ଖଟିଆ ଗାଡ଼ି
ଆଇରନ୍ରେ ରୁଟି ସେକିବା, ୱାଟର ହିଟରରେ ରୋଷେଇ କରିବା, କ୍ୟାଣ୍ଡେଲ ଜାଳି ଆମଲେଟ୍ କରିବା .. ଏମିତି ଅନେକ ଉଦାହରଣ ରହିଛି । ହେଲେ ଏସବୁ ତ ଥିଲା ପୁରୁଣା କଥା । ଯାହା ଆପଣ ଜାଣିଛନ୍ତି ।
ତେବେ ଆଜି ଆମେ ଆପଣଙ୍କୁ ଏମିତି ଆଉ ଏକ ଯୋଗାଡ଼ିଆ ଟ୍ୟାଲେଣ୍ଟ କହିବୁ ଯାହା ଆପଣଙ୍କୁ ନିଶ୍ଚୟ ଆଶ୍ଚର୍ଯ୍ୟ କରିବ । ସାଧାରଣତଃ ଆମ ଦେଶରେ ଟ୍ରେନ୍ରେ ଯାତ୍ରା କଲା ବେଳେ ସିଟ୍ ମିଳିବା କଷ୍ଟକର ଥାଏ । ଗୋଟିଏ ପରିବାରର ୪ ଜଣଙ୍କ ପାଇଁ ଟିକେଟ ବୁକ୍ କଲେ ୩ ଜଣଙ୍କର କନ୍ଫର୍ମ ହୋଇଥାଏ, ଆଉ ଜଣେ ଦ୍ୱନ୍ଦ୍ୱରେ ରହିଥାନ୍ତି । କିନ୍ତୁ ସେହି ବ୍ୟକ୍ତି ଟିକେଟ୍ କନ୍ଫର୍ମ ନଥିଲେ ବି ଟ୍ରେନ୍ରେ ଯାତ୍ରା ନିଶ୍ଚୟ କରନ୍ତି । ଆଉ ସିଟ୍ ପାଇଁ ନାନା ହଇରାଣ ବି ହୁଅନ୍ତି ।
ହେଲେ ଜଣେ ଯୋଗାଡ଼ିଆ ବ୍ୟକ୍ତି ନିଜ ଯୋଗାଡ଼ିଆ ଟ୍ୟାଲେଣ୍ଟ ବଳରେ ଏହି ସମସ୍ୟାର ସମାଧାନ ପାଇପାରିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ବ୍ୟକ୍ତି ଜଣକ ବର୍ଥର ଉପରେ ଥିବା ସ୍ଲିପର ସିଟ୍ ଦୁଇଟିକୁ ରଶିରେ ବାନ୍ଧି ଦେଇଛନ୍ତି । ଯାହାକି ମଝିରେ ଥିବା ଖାଲି ସ୍ଥାନ ଏକ ଖଟିଆ ଭଳି ହୋଇଯାଇଛି । ଆଉ ସେଇ ରଶିରେ ସେ ଶୋଇ ଶୋଇ ନିଜର ଯାତ୍ରା ପୂରଣ କରିଛନ୍ତି । ଭାଇରାଲ ଭିଡିଓଟିକୁ ଅନେକ ଲୋକ ପସନ୍ଦ କରିଛନ୍ତି । ଆଉ ଖୁବ୍ ମଜା ନେଇଛନ୍ତି । ଅନ୍ୟପଟେ ଆଉ କିଛି ୟୁଜର କହିଛନ୍ତି ଏଭଳି କରିବା ବିପଦଜନକ । ଯଦି କେତେବେଳେ ସେ ରଶି ଛିଣ୍ଡିଯାଏ କିମ୍ବା କିଛି ବି ଅଘଟଣ ଘଟେ ଏଥିପାଇଁ କିଏ ଦାୟୀ ହେବ ବୋଲି ପ୍ରଶ୍ନ ମଧ୍ୟ କରିଛନ୍ତି । ଆଉ କିଛି ୟୁଜର କହିଛନ୍ତି ‘ଅଭାବ ହିଁ ଉଦ୍ଭାବନର ଜନନୀ’ ।
Railway me ab seat ko leke koi dikkat nhi hai. Railway ne 7000 special train chalai bhai ne extra seat ka arrangement kr diya ab kisi ko koi pareshani nhi hongi 👌
— Gaju गाढ़े (@gaju_gade) November 4, 2024
"modern problems require modern solutions" pic.twitter.com/yENmmSU3C9
