LIVE TV
ଶିଶୁ ପ୍ରବଚକ ଭାବରେ ଜଣାଶୁଣା ୧୦ବର୍ଷିୟ ସୋସିଆଲ ମିଡିଆ ଇନଫ୍ଲୁଏନସର ଅଭିନବ ଆରୋରା ପୁଣି ଥରେ ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି । ପ୍ରଭୁ ହନୁମାନଙ୍କ ବେଶରେ ସେ ନାଚିଥିବା ନାଚର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ୧୦ ବର୍ଷର ଅଭିନବ ଏକ ଭଜନ ଗାଇ ନାଚୁଥିବା ଦେଖାଯାଇଛି ।
ଭିଡିଓରେ ସେ ପ୍ରଭୁ ହନୁମାନଙ୍କ ପରି ପୋଷାକ, ଫୁଲମାଳ ଓ ମୁକୁଟ ପିନ୍ଧିଥିବାର ଦେଖିବାକୁ ମିଳିଛି । ହନୁମାନଙ୍କ ଅବତାରକୁ ଅନୁକରଣ କରିବା ପାଇଁ ସେ ସେଭଳି ମେକଅପ ନେବା ସହ ହାତରେ ଏକ ଗଦା ଧରିଥିବା ଦେଖାଯାଇଛି । ତେବେ ଏହି ଭିଡିଓ ଭାଇରାଲ ହେବା ପରେ ସୋସିଆଲ ମିଡିଆରେ ଲୋକମାନେ ଏହି ଭିଡ଼ିଓକୁ ନାପସନ୍ଦ କରିଛନ୍ତି ।
Also Read
ଅଧିକ ପଢନ୍ତୁ: ବାଃ.. ବାଃ..ରେ ଗୁଗୁଲ ମ୍ୟାପ୍, ଆଉ କେତେ ଧୋକା ଦେବ..!
Looks like Abhinav Arora's parents won't stop. 😭😭
— Incognito (@Incognito_qfs) December 5, 2024
There is a reason why previous business models of Abhinav Arora's father failed.
The guy has no business acumen. He has no desire to improve his 'products'.
I am sure Abhinav Arora's father earns plenty from the content he… pic.twitter.com/1NFK3XKN5P
ରୋଜଗାର ଓ ଚର୍ଚ୍ଚାରେ ରହିବା ପାଇଁ ଏଭଳି କରୁଥିବା ଦାବି କରି ସୋସିଆଲ ମିଡ଼ିଆ ବ୍ୟବହାରକାରୀ ଅଭିନବଙ୍କ ମାତାପିତାଙ୍କୁ ସମାଲୋଚନା କରିଛନ୍ତି । ଏହା ସହ ଅଭିନବଙ୍କ ଶିକ୍ଷା ଉପରେ ଧ୍ୟାନ ନଦେଇ ତାଙ୍କୁ ଏସବୁ କରିବାକୁ କହୁଥିବାରୁ ଲୋକେ ତାଙ୍କୁ ସମାଲୋଚନା କରିଛନ୍ତି ।
ଜଣେ ବ୍ୟବହାରକାରୀ ଲେଖିଛନ୍ତି, ଭିଡିଓରେ ଦେଖାଯାଉଥିବା ଛାଇରୁ ସ୍ପଷ୍ଟ ଭାବରେ ଜଣାପଡୁଛି ଯେ, ରେକର୍ଡିଂ କରୁଥିବା ମହିଳାଜଣକ ତାଙ୍କୁ କିପରି ନାଚିବା ପାଇଁ ନିର୍ଦ୍ଦେଶ ଦେଉଛନ୍ତି । ଦେଖିବାକୁ ଗଲେ ଅଭିନବଙ୍କର ଇନଷ୍ଟାଗ୍ରାମରେ ପ୍ରାୟ ୯ ଲକ୍ଷ ୫ହଜାର ଫୋଲଅର୍ସ ଅଛନ୍ତି । ତାଙ୍କର ଏକ ୟୁଟ୍ୟୁବ୍ ଚ୍ୟାନେଲ୍ ଓ ଫେସବୁକ୍ ପେଜ୍ ମଧ୍ୟ ଅଛି ଯେଉଁଠାରେ ସେ ଆଧ୍ୟାତ୍ମିକ ବିଷୟବସ୍ତୁ ଉପରେ ପ୍ରବଚନ ଦେଇଥାନ୍ତି ।
କିଛି ମାସ ତଳେ ଅଭିନବ ଏବଂ ତାଙ୍କ ପରିବାର ଚର୍ଚ୍ଚାକୁ ଆସିଥିଲେ । ତାଙ୍କ ପରିବାର ଦାବି କରିଥିଲା ଯେ ସେମାନଙ୍କୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ ହତ୍ୟା ଧମକ ଦେଉଛି ।
