Viral Video: ପ୍ରସ୍ତୁତି ସରିଛି, କିଛି ସମୟ ପରେ ବିବାହ...କନ୍ୟାଙ୍କୁ ଦେଖି ଆଶ୍ଚର୍ଯ୍ୟ ହେଲେ ଅତିଥି

ବିବାହ ଏକ ଖାସ ମୁହୁର୍ତ୍ତ ଉଭୟ ବର ଓ କନ୍ୟା ପାଇଁ । କାରଣ ବିବାହ ବେଦୀରେ ଅଗ୍ନିକୁ ସାକ୍ଷୀ ରଖି ସେମାନେ ପରସ୍ପରକୁ ସାତ ଜନମ ପାଇଁ ଜୀବନ ସାଥୀ ବାଛନ୍ତି । କିନ୍ତୁ ଏବେ ଗୋଟିଏ ଭିଡିଓ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି ।

ବିବାହ ଭଳି ଖାସ ମୁହୂର୍ତ୍ତରେ ସମସ୍ତଙ୍କର ଧ୍ୟାନ କେବଳ ରୀତିନୀତି ଉପରେ ରହିଥାଏ, କିନ୍ତୁ ଜଣେ କନ୍ୟା ବେଶରେ ସଜେଇ ହୋଇଥିବା ଯୁବତୀଙ୍କ  ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯିଏ ମଣ୍ଡପକୁ ଯିବା ପୂର୍ବରୁ ପାଠପଢ଼ାରେ ବ୍ୟସ୍ତ ରହିଛନ୍ତି । ଏହି ଭିଡିଓକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଛନ୍ତି ଓ ଭାବୁଛନ୍ତି କିଭଳି ନିଜ ବିବାହରେ ଜଣେ ପଢିପାରିବ ।

ବିବାହ ଦିନ ପ୍ରାୟ ସମସ୍ତେ ମେକଅପ୍ ଓ ନିଜକୁ ସଜେଇ ହେବାରେ ବ୍ୟସ୍ତ ରଖିଥାନ୍ତି । ଫଟୋ ଉଠାଇବା ଓ ସାଙ୍ଗସାଥୀଙ୍କ ମେଳରେ କେତେବେଳେ ସମୟ ବିତିଯାଏ କେହି ଜାଣିପାରନ୍ତି ନାହିଁ । କିନ୍ତୁ ଏହି ଭିଡିଓରେ ଜଣେ ଯୁବତୀ ନିଜ ବିବାହ ପାଇଁ ସ୍ବତନ୍ତ୍ର ଭାବେ ପ୍ରସ୍ତୁତ ହୋଇଛନ୍ତି । ଲାଲ ରଙ୍ଗର ଲେହଙ୍ଗାରେ ପରୀଟିଏ ଭଳି ଦେଖାଯାଉଛନ୍ତି । ସେ ଏକ ଚୌକିରେ ବସିଛନ୍ତି ଓ ହାତରେ ତାଙ୍କର ମୋବାଇଲ ଅଛି । ସେ ଫୋନରେ କିଛି ପଢୁଥିବାର ଦେଖିବାକୁ ମିଳିଛି । ପୂରା ଧ୍ୟାନ ତାଙ୍କର ପାଠ ପଢ଼ାରେ ।

View this post on Instagram

A post shared by Simarjeet Kaur Sharma (@mxminniee)

ଚାରିପାଖରେ ଅତିଥିମାନେ ଅଛନ୍ତି । ଗହଳି ବି ହୋଇଛି । କିନ୍ତୁ ଯୁବତୀ ଜଣକ କୌଣସି ଜିନିଷର ଚିନ୍ତା କରୁ ନାହାନ୍ତି। ସେ କେବଳ ପାଠ ପଢ଼ାରେ ମଗ୍ନ ରହିଛନ୍ତି ।ଯେମିତି ଆସନ୍ତା ଦିନ ତାଙ୍କର କୌଣସି ବଡ଼ ପରୀକ୍ଷା ଅଛି। ଏହି ଭିଡିଓ ଇନଷ୍ଟାଗ୍ରାମରେ ସେୟାର କରାଯାଇଛି ।

ଏପର୍ଯ୍ୟନ୍ତ ହଜାର ହଜାର ଲୋକ ଭିଡିଓକୁ ଦେଖି ସାରିଛନ୍ତି। ଭିଡିଓରେ ଅନେକ ଲୋକ କମେଣ୍ଟ କରିଛନ୍ତି । ଜଣେ ଲେଖିଛନ୍ତି, “ଭାଇ! ଏମିତି କେହି ନିଜ ବିବାହରେ କରେ?” ଆଉ ଜଣେ ଲେଖିଛନ୍ତି “ନିଶ୍ଚିତ ତା’ର କାଲି ପରୀକ୍ଷା ଥିବ!” ଅନ୍ୟ ଜଣେ ମଜାରେ କହିଛନ୍ତି “ଯିଏ ପଢେ , ସେ ଯେକୌଣସି ଜାଗାରେ ପଢ଼ିପାରେ... ମଣ୍ଡପ ବି ଠିକ୍ ଅଛି।”

ଅଧିକ ପଢ଼ନ୍ତୁ: ରିଲେସନସିପକୁ ନେଇ ଚର୍ଚ୍ଚା, ଲଣ୍ଡନରେ ଏକାଠି ବୁଲୁଛନ୍ତି