LIVE TV
ବିଜେଡ଼ିରେ ବଡ଼ ହଲଚଲ ଭିତରେ ବଡ଼ ବୟାନ ଦେଲେ ସମ୍ବିତ ରାଉତରାୟ । ପାରଦୀପର ପୂର୍ବତନ ବିଧାୟକଙ୍କ ବୟାନ ପୁଣି ଚର୍ଚ୍ଚାର ବିଷୟ ପାଲିଟିଛି । ଦେବାଶିଷ ସାମନ୍ତରାୟଙ୍କ ସପକ୍ଷରେ ବାହାରିଲେ ସମ୍ବିତ ରାଉତରାୟ । ଟ୍ବିଟ୍ କରି ଦେବାଶିଷ ସାମନ୍ତରାୟଙ୍କୁ ଆକ୍ଷେପ କରିବା ଠିକ୍ ହେଲାନି । ଏପରି ଟ୍ୱିଟ୍ କରିବା ପୂର୍ବରୁ ଟିକେ ଭାବିବାର ଥିଲା ବୋଲି କହିଲେ ।
ଅନ୍ୟପକ୍ଷେ ପାଣ୍ଡିଆନଙ୍କ କଥା ପଚାରିବାରୁ ଚିହିଁକି ଉଠିଲେ ସମ୍ବିତ ରାଉତରାୟ । କହିଲେ , ପାଣ୍ଡିଆନ୍ କିଏ ମୁଁ ଜାଣିନି। ସିଏ ଏବେ ଇତିହାସ। କାରଣ ସେ ସନ୍ୟାସ ନେଇ ସାରିଛନ୍ତି। ନିର୍ବାଚନ ପୂର୍ବରୁ ଭିକେ ପାଣ୍ଡିଆନଙ୍କୁ ବିଜେଡିରେ ପୂଜା କରାଯାଉଥିଲା । ଥାଟ ବାଟ ସବୁ ମିଳିଥିଲା । ନେତା ପାଲ ଟାଣୁଥିଲେ, ପାଣ୍ଡିଆନ୍ ଷ୍ଟେଜ୍ ଚଢୁଥିଲେ। ଏବେ ସେଇ ଦଳର ନେତା ସମ୍ବିତ ରାଉତରାୟ କହୁଛନ୍ତି, ପାଣ୍ଡିଆନ୍ କିଏ ? ଯାହା ଏବେ ଚର୍ଚ୍ଚାର ବିଷୟ ପାଲିଟିଛି।
Also Read
ଅଧିକ ପଢ଼ନ୍ତୁ: ଦି' ଫାଳ ବିଜେଡି; ପାଣ୍ଡିଆନ ସପକ୍ଷବାଦୀ ଓ ବିପକ୍ଷବାଦୀ
ଏପଟେ ୱକ୍ଫ ବିଲ୍କୁ ସମର୍ଥନ ପଛରେ ଡିଲ୍ କରିଛନ୍ତି ମାନସ ମଙ୍ଗରାଜ । ତେଣୁ ବିଜେଡିର ଯୁବକ ଓ ଛାତ୍ରମାନେ ଆଗାମୀ ଦିନରେ ସାଂସଦ ମାନସ ମଙ୍ଗରାଜ ଓ ସସ୍ମିତ ପାତ୍ରଙ୍କୁ ଜୋରଦାର ବିରୋଧ କରିବେ ବୋଲି କହିଛନ୍ତି ବିଜେଡିର ଯୁବନେତା ନୀଳମାଧବ ମହାନ୍ତି । ୱାକଫ ବିଲରେ ବିବେକାନୁମୋଦିତ ଭୋଟ ଦେବା ପାଇଁ ଯେଉଁ ନିଷ୍ପତ୍ତି ନିଆଗଲା, ତାହା ବିଜୁ ଯୁବ ଓ ଛାତ୍ର ସଂଗଠନକୁ ମର୍ମାହତ କରିଥିବା ସେ କହିଛନ୍ତି ।
ତାଙ୍କ କହିବା ଅନୁସାରେ, ଭୋଟିଂ ପରଦିନ ଆମେ ସସ୍ମିତ ପାତ୍ରଙ୍କୁ ଫୋନ୍ କରି ପଚାରିଥିଲୁ, ଏମିତି ନିଷ୍ପତ୍ତି କାହିଁକି ନିଆଗଲା ? ସେ କହିଥିଲେ, ଇନଷ୍ଟ୍ରକସନ୍ ଥିଲା । କିଏ ଇନଷ୍ଟ୍ରକସନ ଦେଇଥିଲେ ପଚାରିବାରୁ ସେ କହିଲେ, ମାନସ ମଙ୍ଗରାଜ । ବିବେକ ଅନୁଯାୟୀ ଭୋଟ୍ ପାଇଁ ସାଂସଦ ମାନସ ମଙ୍ଗରାଜ କହିଥିଲେ । ଏହା କହିଛନ୍ତି ନୀଳମାଧବ ।
ମାନସ ମଙ୍ଗରାଜ ବିଜେପିର ଦଲାଲ ସାଜିଛନ୍ତି । ଯେଉଁମାନେ କଷ୍ଟ କରି ସମୟ ଦେଇ ଦଳକୁ ଗଢିଥିଲେ, ଦଳ ପାଇଁ କାମ କରୁଥିଲେ, ସେମାନଙ୍କୁ ଆଜି ଗୁରୁତ୍ୱ ଦିଆଯାଉନି । କିଛି ଲୋକ ବିନା କଷ୍ଟରେ ଦଳକୁ ଆସିଛନ୍ତି । ସେମାନେ ବେପାର ଚଳେଇଛନ୍ତି ବୋଲି ଅଭିଯୋଗ କରିଛନ୍ତି ନୀଳମାଧବ । ସେ କଡା ଭାଷାରେ ଏହି ନେତାମାନଙ୍କର ସମାଲୋଚନା କରିଛନ୍ତି । ନବୀନ ପଟ୍ଟନାୟକଙ୍କ ଦୟାରେ ସେମାନେ ରାଜ୍ୟସଭାକୁ ଯାଇଛନ୍ତି । ବିଜେଡିରେ ପତିଆରା ବିସ୍ତାର କରିଛନ୍ତି ।
ଅଧିକ ପଢ଼ନ୍ତୁ: ନବୀନ ନିବାସରେ ପହଞ୍ଚିଲେ ବଡ଼ ନେତା, କାର୍ଯ୍ୟାନୁଷ୍ଠାନକୁ ଅପେକ୍ଷା
