Sunil Mohanty's Explosive Statement: ବିଜେଡି ବିଧାୟକଙ୍କ ବଡ଼ ବୟାନ; କହିଲେ, ବିଜେଡିକୁ ବିଶୃଙ୍ଖଳିତ କରିବା ପାଇଁ ଦଳ ଭିତରେ ହେଉଛି ଚକ୍ରାନ୍ତ

ପୁରୀ ବିଜେଡି ବିଧାୟକ ସୁନୀଲ ମହାନ୍ତିଙ୍କ ବିସ୍ଫୋରକ ବୟାନ । ପ୍ରତାପ ଦେବଙ୍କ ଘରେ ପୁରୀ ଜିଲ୍ଲା ବୈଠକକୁ ନେଇ ପ୍ରଶ୍ନ ଉଠାଇଲେ ସୁନୀଲ । ଦଳୀୟ ବୈଠକ ଶଙ୍ଖଭବନ ଛଡ଼ା ହୋଟେଲ, ରେଷ୍ଟୁରାଣ୍ଟ ଏବଂ କାହା ଘରେ ହେବ ନାହିଁ ବୋଲି କହିଥିଲେ ନବୀନ । ଦଳୀୟ ବୈଠକ କୌଣସି ନେତାଙ୍କ ଘରେ ହେଲେ ତାକୁ ଦଳୀୟ ବୈଠକ ମାନୁନା । ଜଣେ ଦୁଇ ଜଣଙ୍କୁ ନେଇ ଜିଲ୍ଲାର ବୈଠକ ହେଲେ ତାହା ବୈଠକରେ ଗଣାଯିବ ନାହିଁ ବୋଲି ପୁରୀ ବିଜେଡି ବିଧାୟକ ସୁନୀଲ ମହାନ୍ତି କହିଛନ୍ତି ।

ଅଧିକ ପଢ଼ନ୍ତୁ: ପ୍ରଭାତଙ୍କ ବିସ୍ଫୋରକ ବୟାନ; କିଏ ସେଇ ୨ ମନ୍ତ୍ରୀ, ଯିଏ ତାଙ୍କୁ ଫସାଇଥିଲେ ?

ସେହିପରି ସେ ଆହୁରି କହିଛନ୍ତି, ବିଜେଡିକୁ ବିଶୃଙ୍ଖଳିତ କରିବା ପାଇଁ ଦଳ ଭିତରେ ପ୍ରୟାସ ହେଉଛି । ତାଙ୍କ ପ୍ରୟାସ କେବେ ସଫଳ ହେବନି । ଦଳରେ କୁଚକ୍ରୀ ଗୋଷ୍ଠୀ ଅଛନ୍ତି । କେହି ଇଞ୍ଚେ ବି ପୁରୀ ନିର୍ବାଚନ ମଣ୍ଡଳୀ ଓ ପୁରୀ ଜିଲ୍ଲାରେ ଦଳର କ୍ଷତି କରିପାରିବେ ନାହିଁ । ୨୪ ନିର୍ବାଚନରେ ଅନେକ ନେତା ହାରିଲେ, ମତେ ପୁରୀରେ ହରାଇବା ପାଇଁ ବହୁତ ଚେଷ୍ଟା ହେଇଛି । କୁଚକ୍ରୀ ସବୁ ଦଳରେ ଥାନ୍ତି ଆମ ଦଳରେ ବି ଅଛନ୍ତି । ଆଜି ବି ନବୀନଙ୍କ ନେତୃତ୍ୱରେ ଦଳ ଚାଲିଛି । କୁଚକ୍ରୀ ଗୋଷ୍ଠୀ ଯେତେ ପ୍ରୟାସ କଲେବି ସଫଳ ହେବେ ନାହିଁ । ଆଗାମୀ ଦିନରେ ନବୀନ ବାବୁ ନିଷ୍ପତ୍ତି ନେବେ ବୋଲି ସୁନୀଲ ମହାନ୍ତି କହିଛନ୍ତି ।