/odishatv-khabar/media/post_attachments/uploadimage/library/16_9/16_9_0/IMAGE_1748511423.jpg)
Prabhat Biswal
କିଏ ସେଇ ଦୁଇ ମନ୍ତ୍ରୀ ? କିଏ ଚୋରି କରି ପ୍ରଭାତଙ୍କ ମୁଣ୍ଡରେ ଅଠା ବୋଳିଲେ ? କାହା ପାଇଁ ପ୍ରଭାବିତ ହେଲା ତାଙ୍କର ରାଜନୈତିକ କ୍ୟାରିୟର ? କେଉଁ ଦଳୀୟ ନେତାଙ୍କୁ ତେରଚ୍ଛା ବାଣ ମାରିଲେ ପ୍ରଭାତ ? ୧୨ ବର୍ଷ ତଳର ମିଡ୍ ନାଇଟ ଅପରେସନ୍ କଥା ମନେ ପକାଇ ଆଜି ପୂର୍ବତନ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ବିସ୍ଫୋରକ ବୟାନ ପରେ ଏବେ ରାଜନୈତିକ ମହଲରେ ଉଙ୍କି ମାରିଛି ଏମିତି କିଛି ପ୍ରଶ୍ନ ।
ମିଡ୍ ନାଇଟ ଅପରେସନ୍ କଥା ମନେପକାଇ ଆଜି ପ୍ରଭାତ ବିଶ୍ବାଳ କହିଛନ୍ତି ଯେ, ମେ’ ୨୯କୁ ମୁଁ ଜୀବନରେ କେବେ ଭୁଲି ପାରିବେନି । ମିଡ୍ ନାଇଟ୍ ଅପରେସନରେ ସାମିଲ ନଥିଲି । ସେତେବେଳର ଦୁଇ ଜଣ ମନ୍ତ୍ରୀ ମୋତେ ଫସାଇ ଦେଇଥିଲେ । ସେହି ଦୁଇ ନେତାଙ୍କ ପାଇଁ ମୋର କ୍ୟାରିୟର ପ୍ରଭାବିତ ହୋଇଛି । ସେହି ଦୁଇ ମନ୍ତ୍ରୀଙ୍କ ଲାଗି ମୁଁ ଆଜି ଧଳା ପୋଷାକରୁ ନାଲି ପୋଷାକ ପିନ୍ଧୁଛି । ସେମାନେ ଚୋରି କରି ମୋ ମୁଣ୍ଡରେ ଅଠା ବୋଳିଲେ । ଏବେ ସେମାନେ ଫଳ ଭୋଗୁଛନ୍ତି ବୋଲି ବିସ୍ଫୋରକ ମନ୍ତବ୍ୟ ଦେଇଛନ୍ତି ପ୍ରଭାତ ବିଶ୍ବାଳ ।
ଅଧିକ ପଢନ୍ତୁ: ଫିଜିକାଲ ଟେଷ୍ଟ ବେଳେ ଚାଲିଗଲା ପରୀକ୍ଷାର୍ଥୀଙ୍କ ଜୀବନ, ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ
ଏଥିସହ ସେ କହିଛନ୍ତି ଯେ, କିଛି ଦିନ ପୂର୍ବରୁ ପାଣ୍ଡିଆନ୍ ଦଳ କଥା ଯେପରି ବୁଝୁଥିଲେ ସେତେବେଳେ ପ୍ୟାରୀ ବାବୁ ମଧ୍ୟ ଦଳ କଥା ବୁଝୁଥିଲେ। ଭଗବାନ ଅଛନ୍ତି ସବୁ ବିଚାର ହେବ ।
୧୩ ବର୍ଷ ତଳେ ରାଜ୍ୟ ରାଜନୀତିର ଘଟିଥିବା ବହୁ ବର୍ଚ୍ଚିତ ଘଟଣାକୁ ନେଇ ପ୍ରଭାତ ମୁହଁ ଖୋଲିଥିବା ବେଳେ କିଏ ସେହି ଦୁଇ ଜଣ ପୂର୍ବତନ ମନ୍ତ୍ରୀ ଯାହାଙ୍କ ପାଇଁ ତାଙ୍କ ରାଜନୈତିକ କ୍ୟାରିୟର ପ୍ରଭାବିତ ହେଲା ସେମାନଙ୍କର ନାଁ ନେଇ ନାହାନ୍ତି ।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)