୨୪ ନିର୍ବାଚନ ପୂର୍ବରୁ ବିରୋଧୀ ମେଳି ! ଦିଲ୍ଲୀରେ ରାହୁଲ ଓ ଖଡଗେଙ୍କ ସହ ନୀତିଶଙ୍କ ଆଲୋଚନା

୨୪ ସାଧାରଣ ନିର୍ବାଚନ ପୂର୍ବରୁ ଗଠନ ହୋଇପାରେ ବିଜେପି ବିରୋଧରେ ଏକ ଦୃଢ଼ ବିରୋଧୀ ମେଣ୍ଟ । ଦିଲ୍ଲୀରେ ରାହୁଲ ଗାନ୍ଧୀ ଓ ମଲ୍ଲିକାର୍ଜୁନ ଖଡଗେଙ୍କ ସହ ଜେଡିୟୁ ନେତା ନୀତିଶ କୁମାରଙ୍କ ସାକ୍ଷାତ ପରେ ଏ ଚର୍ଚ୍ଚା ଜୋର ଧରିଛି । ନୂଆଦିଲ୍ଲୀରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେଙ୍ଗ ବାସଭବନରେ ନୀତିଶକୁମାର, ମଲ୍ଲିକାର୍ଜୁନ ଖଡଗେ ଓ ରାହୁଲ ଗାନ୍ଧିଙ୍କୁ ସାକ୍ଷାତ କରିଛନ୍ତି । ପାଟନାରେ ହେବାକୁ ଥିବା ବିରୋଧୀଙ୍କ ଏକ ବଡ଼ ମେଳି ସମ୍ପର୍କରେ ଏହି ବୈଠକେର ଆଲୋଚନା ହୋଇଥିବା କୁହାଯାଉଛି।

ଅଧିକ ପଢ଼ନ୍ତୁ: ନବୀନଙ୍କ ଭବିଷ୍ୟବାଣୀ ଓ ବିରୋଧୀଙ୍କ ନିର୍ବାଚନୀ ରଣନୀତି

ନୀତିଶଙ୍କ ସହ ଆରଜେଡି ନେତା ତେଜସ୍ୱୀ ଯାଦବ ମଧ୍ୟ ଦିଲ୍ଲୀ ଆସିଛନ୍ତି । ତେବେ ବୈଠକରେ ଅସୁସ୍ଥତା କାରଣରୁ ତେଜସ୍ୱୀ ଖଡଗେଙ୍କ ବାସଭବନରେ ଉପସ୍ଥିତ ନଥିଲେ। ସେପଟେ କଂଗ୍ରେସ ସାଧାରଣ ସମ୍ପାଦକ କେ.ସି. ବେଣୁଗୋପାଳ ଓ ଜେଡିୟୁ ମୁଖ୍ୟ ଲଲନ୍ ସିଂ ମଧ୍ୟ ବୈଠକରେ ଯୋଗ ଦେଇଥିବା ସୂଚନା ମିଳିଛି । ଏହି ଅବସରରେ କଂଗ୍ରେସ ବିରୋଧୀ ମେଣ୍ଟ ପ୍ରସଙ୍ଗ ନେଇ ଆସନ୍ତା ଦିନେ ଦୁଇ ଦିନ ଭିତରେ ଏକ ବଡ଼ ଘୋଷଣା କରିବା ନେଇ ସଙ୍କେତ ଦେଇଛନ୍ତି କେ.ସ. ବେଣୁଗୋପାଳ ।

ଏହା ପୂର୍ବରୁ ରବିବାରନୀତିଶ ଓ ତେଜସ୍ୱୀ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ମଧ୍ୟ ସାକ୍ଷାତ କରିଥିଲେ। ସେହିଭଳି କର୍ଣ୍ଣାଟକ ନିର୍ବାଚନରେ ବିପୁଳ ବିଜୟ ପରେ ଟିଏମସି ମୁଖ୍ୟ ମମତା ବାନାର୍ଜୀ ମଧ୍ୟ କଂଗ୍ରେସ ସହ ମେଣ୍ଟ ନେଇ ପରୋକ୍ଷରେ ସଙ୍କେତ ଦେଇଥିଲେ । ତେଣୁ ଦେଶର ପ୍ରମୁଖ୍ୟ ଅଣ ବିଜେପି ବିରୋଧୀଙ୍କୁ ନେଇ କଂଗ୍ରେସ ଏକ ବଡ଼ ଷ୍ଟ୍ରାଟେଜି ପ୍ରସ୍ତୁତ କରୁଥିବାରୁ ଦଳ ମେଣ୍ଟ ସମ୍ପର୍କରେ କି ଘୋଷଣା କରିବ, ତାକୁ ଅପେକ୍ଷା କରାଯାଇଛି।...