Woman Curse: ଏହି ଗାଁରେ ୧୦୦ବର୍ଷ ହେବ ଦିଆଯାଇନି ଶ୍ରାଦ୍ଧ କି ପିଣ୍ଡ...କାରଣ ପଛରେ ଜଣେ ମହିଳା

ଉତ୍ତର ପ୍ରଦେଶର ସମ୍ଭଲ ଜିଲ୍ଲାର ଏକ ଗାଁରେ 'ପିତୃ ପକ୍ଷ' ସମୟରେ ଶ୍ରାଦ୍ଧ କର୍ମ ନ କରିବାର ପ୍ରାୟ ଶହେ ବର୍ଷରୁ ଚାଲିଆସୁଥିବା ପରମ୍ପରା ଆଜି ମଧ୍ୟ ପାଳନ କରାଯାଉଛି। ଏହି ସମୟରେ କୌଣସି ବ୍ରାହ୍ମଣଙ୍କୁ ତର୍ପଣ ପାଇଁ ଡକାଯାଏ ନାହିଁ କି ଗାଁରେ ଭିକ୍ଷା ଦିଆଯାଏ ନାହିଁ।

ଗୁନ୍ନୌର ତହସିଲର ଯାଦବ ବହୁଳ ଭଗତା ନଗଲା ଗାଁର ଗ୍ରାମବାସୀଙ୍କ କହିବା ଅନୁଯାୟୀ, ପିତୃ ପକ୍ଷର ପୂରା ପକ୍ଷ ମଧ୍ୟରେ କୌଣସି ଶ୍ରାଦ୍ଧ କର୍ମ କରାଯାଏ ନାହିଁ। ଏପରିକି ଭିଖାରୀମାନେ ମଧ୍ୟ ଗାଁକୁ ପ୍ରବେଶ କରନ୍ତି ନାହିଁ, କାରଣ ଏହି ଦିନଗୁଡ଼ିକରେ କୌଣସି ଦାନ ବା ଭିକ୍ଷା ଦିଆଯାଏ ନାହିଁ।

ଗ୍ରାମବାସୀଙ୍କ କହିବା ଅନୁଯାୟୀ, ଏହି ପରମ୍ପରାର ଆରମ୍ଭ ପ୍ରାୟ ଏକ ଶତାବ୍ଦୀ ପୂର୍ବେ ହୋଇଥିଲା। ମାନ୍ୟତା ଅଛି ଯେ ଜଣେ ବ୍ରାହ୍ମଣ ମହିଳା କାହାର ପରିଜନଙ୍କ ମୃତ୍ୟୁ ପରେ କର୍ମକାଣ୍ଡ ପାଇଁ ଗାଁକୁ ଆସିଥିଲେ, କିନ୍ତୁ ପ୍ରବଳ ବର୍ଷା କାରଣରୁ ସେଠାରେ ଅଟକି ଯାଇଥିଲେ। କିଛି ଦିନ ପରେ ଯେତେବେଳେ ସେ ନିଜ ଘରକୁ ଫେରିଥିଲେ, ତାଙ୍କ ସ୍ୱାମୀ ତାଙ୍କ ଉପରେ ଚରିତ୍ରହୀନର ଅଭିଯୋଗ ଲଗାଇ ତାଙ୍କୁ ଘରୁ ବାହାର କରି ଦେଇଥିଲେ।

ସୋସିଆଲ ମିଡିଆରେ ଖୋଜା ପଡ଼ିଛନ୍ତି ଟ୍ରେନ ଟିଟିଇ, ଆପଣ ବି ଦେଖିଲେ କହିବେ....

ଗ୍ରାମବାସୀମାନେ କୁହନ୍ତି ଯେ, ଦୁଃଖୀ ହୋଇ ସେହି ମହିଳା ପୁନର୍ବାର ଭଗତା ନଗଲାକୁ ଫେରି ଆସିଥିଲେ ଏବଂ ଗାଁକୁ ଅଭିଶାପ ଦେଇ କହିଥିଲେ ଯେ, ଭବିଷ୍ୟତରେ ଯଦି ଏହି ଗାଁରେ ଶ୍ରାଦ୍ଧ କରାଯାଏ, ତେବେ ତାହା ଦୁର୍ଭାଗ୍ୟ ଆଣିବ। ଗାଁର ଲୋକମାନେ ତାଙ୍କ କଥାକୁ ଅଭିଶାପ ମାନି ଶ୍ରାଦ୍ଧ କର୍ମ ସମ୍ପୂର୍ଣ୍ଣ ରୂପେ ବନ୍ଦ କରି ଦେଇଥିଲେ ଏବଂ ସେହିଦିନଠାରୁ ଏହି ପରମ୍ପରା ଚାଲି ଆସୁଛି।

ଗାଁର ମୁଖିଆ ଶାନ୍ତି ଦେବୀ ଏବଂ ତାଙ୍କ ସ୍ୱାମୀ ରାମଦାସ କହିଛନ୍ତି ଯେ, ଗାଁରେ ପ୍ରାୟ ୨,୫୦୦ ଲୋକ ଅଛନ୍ତି, ଯେଉଁମାନଙ୍କ ମଧ୍ୟରୁ ଅଧିକାଂଶ ଯାଦବ ସମୁଦାୟରୁ। କିଛି ମୁସଲମାନ ଏବଂ କିଛି ବ୍ରାହ୍ମଣ ପରିବାର ମଧ୍ୟ ଅଛନ୍ତି।

ରାମଦାସ କହିଛନ୍ତି, 'ସେହି ଘଟଣା ପରେ ଆମର ପୂର୍ବଜମାନେ ଶ୍ରାଦ୍ଧ କରିବା ବନ୍ଦ କରି ଦେଇଥିଲେ। ଆମେ ସେମାନଙ୍କ ମାନ୍ୟତାର ପାଳନ କରୁଛୁ ଏବଂ ଆଜି ମଧ୍ୟ ଏହି ପରମ୍ପରା ଜାରି ରହିଛି। ଏପରିକି ଭିକ ମାଗିବା ପାଇଁ ମଧ୍ୟ ଏହି ଦିନଗୁଡ଼ିକରେ ଗାଁକୁ କେହି ଆସନ୍ତି ନାହିଁ।

ଅନ୍ୟ ଜଣେ ଗ୍ରାମବାସୀ ହେତରାମ ସିଂହ କହିଛନ୍ତି ଯେ, ଅତୀତରେ ଯେତେବେଳେ କେହି ଏହି ପରମ୍ପରା ଭାଙ୍ଗିବାକୁ ଚେଷ୍ଟା କରିଥିଲେ, ସେମାନଙ୍କୁ ଗମ୍ଭୀର ସମସ୍ୟାର ସମ୍ମୁଖୀନ ହେବାକୁ ପଡ଼ିଥିଲା, ଯାହା ଦ୍ୱାରା ଲୋକଙ୍କର ବିଶ୍ୱାସ ଆହୁରି ଦୃଢ଼ ହୋଇଥିଲା।

ଅନ୍ୟ ଜଣେ ଗ୍ରାମବାସୀ କହିଛନ୍ତି ଶ୍ରାଦ୍ଧ ପକ୍ଷ ଛାଡ଼ି, ବ୍ରାହ୍ମଣମାନେ ବିବାହ ଏବଂ ଅନ୍ୟାନ୍ୟ ଧାର୍ମିକ ଅନୁଷ୍ଠାନ ପାଇଁ ଗାଁକୁ ଆସି ରହନ୍ତି, କିନ୍ତୁ ଏହି ୧୫ ଦିନ ମଧ୍ୟରେ ଏଠାରେ ସ୍ଥାନୀୟ ବ୍ରାହ୍ମଣମାନେ ମଧ୍ୟ କୌଣସି ଧାର୍ମିକ ସମାରୋହରେ ଭାଗ ନେଇ ନଥାନ୍ତି ।

ଅଧିକ ପଢନ୍ତୁ: କାହିଁକି ମେଟା ବିରୁଦ୍ଧରେ ମାମଲା ରୁଜୁ କଲେ ମାର୍କ ଜୁକରବର୍ଗ!