Video Viral: ଟ୍ରେନ ଟିଟିଇ ନାଁ ବଲିଉଡ ହିରୋ , ଦେଖିଦେଲେ ମନ ଦେଇଦେବେ...ସୋସିଆଲ ମିଡିଆରେ ଖୋଜା ପଡ଼ିଛନ୍ତି

ବୋଧହୁଏ ଆପଣଙ୍କ ସହ ମଧ୍ୟ କେବେ ଏପରି ଘଟିଥାଇପାରେ ଯେ ଟ୍ରେନ୍‌ ଯାତ୍ରା ସମୟରେ କୌଣସି ଅଜଣା ବ୍ୟକ୍ତିଙ୍କୁ ଭେଟିଥାଇପାରନ୍ତି ଓ ଆପଣଙ୍କର ବନ୍ଧୁତା ହୋଇଥାଇପାରେ । କିନ୍ତୁ ଜଣେ ଇନ୍‌ଷ୍ଟାଗ୍ରାମ୍‌ ବ୍ୟବହାରକାରୀ ଏହାଠୁ ମଧ୍ୟ ଆଗକୁ ବଢ଼ିଯାଇଛନ୍ତି ଓ ସେ ଟିଟିଇଙ୍କ ପ୍ରତି ଆକର୍ଷିତ ହୋଇପଡ଼ିଛନ୍ତି ଏବଂ ନିଜେ ଏକ ଭିଡିଓ ସେୟାର କରି ମନର କଥା ମଧ୍ୟ ଲେଖିଛନ୍ତି।

ସୋସିଆଲ ମିଡିଆରେ ଭିଡିଓଟି ଭାଇରାଲ ହୋଇଗଲା ଓ ଲୋକମାନେ ଏହି ହ୍ୟାଣ୍ଡସମ୍‌ ଟିଟିଇଙ୍କୁ ଖୋଜିବାକୁ ମଧ୍ୟ ଲାଗିପଡ଼ିଲେ। ଟିକେଟ୍‌ ଚେକ୍‌ କରିବାର ଏକ ସାଧାରଣ ମୁହୂର୍ତ୍ତ ଇଣ୍ଟରନେଟ୍‌ରେ ନୂଆ ଉନ୍ମାଦନାରେ ପରିଣତ ହୋଇଛି। ଏକ ଏସି ଟ୍ରେନ୍‌ କମ୍ପାର୍ଟମେଣ୍ଟରେ, ବୋଧହୁଏ ବନ୍ଦେ ଭାରତ ଟ୍ରେନ୍‌ର କମ୍ପାର୍ଟମେଣ୍ଟରେ, ଦାଢ଼ି ଥିବା ଟିଟିଇଙ୍କ ଏକ ଛୋଟ ଇନ୍‌ଷ୍ଟାଗ୍ରାମ୍‌ ରିଲ୍‌ ଭାଇରାଲ ହୋଇଛି।

View this post on Instagram

A post shared by funnydummy 😆 (@foodwithepshi)

କ୍ଲିପ୍‌ରେ ଟିଟିଇଙ୍କୁ ଟିକେଟ୍‌ ଚେକ୍‌ କରୁଥିବାର ଦେଖିବାକୁ ମିଳିଛି । ସେତେବେଳେ ଜଣେ ମହିଳା ତାଙ୍କ ସାମନାରେ ବସିଛନ୍ତି। ସୁନ୍ଦର ଓ ବଳିଷ୍ଠ ଶରୀର ରଖିଥିବା ଏହି ଟିଟିଇ ନିଜ କାମରେ ମଗ୍ନ ଥିବା ଦେଖାଯାଉଛନ୍ତି, କିନ୍ତୁ ବୋଧହୁଏ ତାଙ୍କୁ ଦେଖି କମ୍ପାର୍ଟମେଣ୍ଟରେ ବସିଥିବା ଅନେକ ମହିଳାଙ୍କ ହୃଦୟ ଜୋର୍‌ରେ ଧଡ଼କି ଥାଇପାରେ।

ଭିଡିଓ ସେୟାର କରି ବ୍ୟବହାରକାରୀ ଲେଖିଛନ୍ତି, “ହାଏ, ଯଦି ଏପରି ଟିଟିଇ ହୁଅନ୍ତି ତେବେ ମୁଁ ପ୍ରତିଦିନ ଟ୍ରେନ୍‌ରେ ଯାତ୍ରା କରିବି।” ଭିଡିଓରେ କମାଣ୍ଡୋ ୩ ଫିଲ୍ମର ଅରିଜିତ୍‌ ସିଂଙ୍କ ଗୀତ “ଆଖିଆଁ ମିଲାଓ୍ଵାଙ୍ଗା” ଚାଲୁଛି ।ଭିଡିଓଟି ଏବେ ଭାଇରାଲ ହେଉଛି। କେତେକ ବ୍ୟବହାରକାରୀ ଏହାକୁ ନେଇ ମଜାକ କରୁଛନ୍ତି ଆଉ କେତେକ ଟିଟିଇଙ୍କ ଚେହେରାର ପ୍ରଶଂସା କରୁଛନ୍ତି।

ଜଣେ ୟୁଜର୍ସ ମଜାରେ ଲେଖିଛନ୍ତି, “ଟିକେଟ୍‌କୁ ଝରକା ବାହାରକୁ ଫୋପାଡ଼, ତା’ପରେ ସେ ତୁମକୁ ଧରି ନେଇଯିବେ।” ଆଉ ଜଣେ ଲେଖିଛନ୍ତି, “ସରକାରୀ ଚାକିରୀ କରୁଛନ୍ତି ସେ, ତାଙ୍କୁ ଖୁବ୍‌ ସୁନ୍ଦର ପତ୍ନୀ ମିଳିବ, ତୁମେ ସ୍ୱପ୍ନ ଦେଖନା।”କେତେକ ବ୍ୟବହାରକାରୀ ବାସ୍ତବ ଜୀବନରେ ଏପରି ପରିସ୍ଥିତିର କଳ୍ପନା କରିବାରୁ ନିଜକୁ ଅଟକାଇ ପାରିନାହାନ୍ତି।

ଆଉ ଜଣେ ଲେଖିଛନ୍ତି, “ଅନ୍ୟମାନଙ୍କ ଭାଇ, ପୁଅ, ବୟଫ୍ରେଣ୍ଡଙ୍କ ଉପରେ ନଜର ଦେଉଛ ତୁମେ, ଲଜ୍ଜା ଲାଗୁନି? ଯାହାହେଉ, ଏହା କେଉଁ ରୁଟ୍‌ର ଟ୍ରେନ୍‌?” ଆଉ ଜଣେ ବ୍ୟବହାରକାରୀ ଲେଖିଛନ୍ତି, “ମୋ ପାଖରେ ଟିକେଟ୍‌ ନାହିଁ, ଦୟାକରି ମୋତେ ଧରି ନିଅ।” ଆଉ ଜଣେ ଲେଖିଛନ୍ତି, “ମୁଁ ତାଙ୍କୁ ଚିହ୍ନେ, ସେ ବିବାହିତ।” ଭିଡିଓ ଭାଇରାଲ ହେବା ପରେ ଏହି ଟିଟି ପପୁଲାର ହୋଇଯାଇଛନ୍ତି ଓ ଲୋକମାନେ ତାଙ୍କୁ ସୋସିଆଲ ମିଡିଆରେ ଖୋଜିବାକୁ ଲାଗିଛନ୍ତି।