LIVE TV
ଇଞ୍ଜିନିୟରିଂ ପାଠ ପଢ଼ି ଚାକିରି କରିବାକୁ କାହାର ବା ଇଚ୍ଛା ନଥାଏ । ଆଉ ବଡ଼ ବଡ଼ କମ୍ପାନୀରେ ଚାକିରି ପାଇବା ପାଇଁ ପିଲାଙ୍କର ତ ଲମ୍ବା ଲାଇନ୍ ଲାଗିଥାଏ । ହେଲେ ଆପଣ କେବେ ଜାଣିଛନ୍ତି କି ବଡ଼ କମ୍ପାନୀରେ ଚାକିରି କରି ମୋଟା ଅଙ୍କର ବେତନ ପାଉଥିବା କୌଣସି ବ୍ୟକ୍ତି, ଚାଷ କରିବା ପାଇଁ ଚାକିରି ଛାଡ଼ିଛନ୍ତି । ଆଜ୍ଞା ହଁ । କଥାଟା ସହଜରେ ହଜମ ନହେଉଥିଲେ ବି ସତ । ଏମିତି କିଛି ଘଟଣା ଆମ ସାମ୍ନାକୁ ଆସିଛି ।
ଆଉ ଏହାକୁ ନେଇ ଏବେ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ବି ହେଉଛି । କିଛି ୟୁଜର କହିଛନ୍ତି ବ୍ୟକ୍ତି ଜଣକ ଯାହା କରିଛନ୍ତି ତାହ ବାଚାଳାମି । ସେହିଭଳି ଅନେକ ୟୁଜର କହିଛନ୍ତି ବ୍ୟକ୍ତି ଜଣକ ଏବେ ସଠିକ୍ ଲାଇନ୍ ଧରିଛନ୍ତି । କାରଣ ଆଗକୁ ଖାଦ୍ୟ ସଂକଟ ପଡ଼ିବାର ସମ୍ଭାବନା ରହିଛି । ତେଣୁ ଚାଷ ପ୍ରତି ଆମେ ସମସ୍ତେ ଗୁରୁତ୍ୱ ଦେବା ଉଚିତ୍ ।
Also Read
ଅଧିକ ପଢ଼ନ୍ତୁ: ଦଶମରେ ପାଠ ଛାଡ଼ିଲେ ! ୧୭ ବର୍ଷରେ କଲ୍ ସେଣ୍ଟର୍ ଚାକିରି, ୩୪ ବର୍ଷ ବୟସରେ କୋଟିପତି
ତେବେ ଇମ୍ଫୋସିସ୍ ଭଳି ବଡ଼ ସଫ୍ଟଓୟାର କମ୍ପାନୀର ମୋଟା ଅଙ୍କର ଚାକିରି ଛାଡ଼ି ଚାଷ କରିବାକୁ ମନ ବଳେଇବା ପାଇଁ ସମସ୍ତଙ୍କ ପାଖରେ ସାହସ ନଥାଏ । ଇମ୍ଫୋସିସ୍ରେ ଚାକିରି ଖଣ୍ଡେ ପାଇବା ପାଇଁ ପିଲାମାନେ କାହିଁ କେତେ ପରିଶ୍ରମ କରିଥାନ୍ତି । କିନ୍ତୁ ଏହି ବ୍ୟକ୍ତି ଜଣ ଚାଷ ପ୍ରତି ଏତେ ଆଗ୍ରହ ଦେଖାଇଛନ୍ତି ଯେ, ତାହା ଦେଖି ସମସ୍ତେ ତାଜୁବ୍ । ଖାଲି ସେତିକି ନୁହେଁ ଚାକିରି ଛାଡ଼ିବା ତାଙ୍କର ସଠିକ୍ ନିଷ୍ପତ୍ତି ଥିଲା ବୋଲି ତାକୁ ପ୍ରମାଣିତ କରିଛନ୍ତି । କାରଣ ଇମ୍ଫୋସିସ୍ ଭଳି ବଡ଼ କମ୍ପାନୀ ତାଙ୍କୁ ଯେତିକି ବେତନ ଦେଉଥିଲା, ଚାଷ କରି ଏବେ ତାର ଦୁଇ ଗୁଣା ରୋଜଗାର କରୁଛନ୍ତି ଉକ୍ତ ବ୍ୟକ୍ତି ।
ଏଭଳି ସାହସ ରଖିଥିବା ବ୍ୟକ୍ତି ଜଣକ ହେଉଛନ୍ତି ଭେଙ୍କଟସାମୀ ବିଗ୍ନେଶ୍ । ଚାକିରି ଛାଡ଼ିବା ପରେ ସେ ଜାପାନ୍ରେ ବାଇଗଣ ଚାଷ୍ କରିଥିଲେ । ଆଉ ସେଥିରୁ ସେ ଏବେ ଦୁଇ ଗୁଣା ରୋଜଗାର କରୁଛନ୍ତି । ବିଗ୍ନେଶଙ୍କ ଘର ତାମିଲ ନାଡ଼ୁରେ । ତାଙ୍କ ପରିବାର ଲୋକଙ୍କ ମୁଖ୍ୟ ବେଉଷା ହେଉଛି ଚାଷ କାମ । ତେଣୁ ଚାଷ ଉପରେ ସେ ଆଗ୍ରହ ରଖିବା ସହ ମୂଳ ଜ୍ଞନ ବି ରଖିଛନ୍ତି ।
ଯେତେବେଳେ ବିଗ୍ନେଶ ଇନ୍ଫୋସିସ୍ରେ ଚାକିରି ପାଇଥିଲେ । ସେତେବେଳେ ତାଙ୍କ ପରିବାର ଲୋକ ଖୁବ୍ ଖୁସି ହୋଇଥିଲେ । ଆଉ କହିଥିଲେ ଆମର ଦୁଃଖ ସମୟ ଚାଲିଗଲା । ହେଲେ ଏବେ ସେ ଚାକିରି ଛାଡ଼ି ପରିବାର ଲୋକଙ୍କୁ ନିରାଶ କରିଥିଲେ । ହେଲେ ଚାଷରେ ବଡ଼ ସଫଳତା ପାଇବା ପରେ ପରିବାର ଲୋକଠାରୁ ଆରମ୍ଭ କରି ବନ୍ଧୁ ପରିଜନ ଏମିତି ବିଗ୍ନେଶ ମଧ୍ୟ ବହୁତ ଖୁସି ଅଛନ୍ତି । ତେବେ ବିଗ୍ନେଶଙ୍କ ଏଭଳି ପରିବର୍ତ୍ତନ ଲକ୍ଡାଉନ୍ ସମୟରେ ହିଁ ଦେଖିବାକୁ ମିଳିଥିଲା । ଲକ୍ଡାଉନ୍ ସମୟରେ ଘରେ ବସିଥିବାରୁ ତାଙ୍କ ମନରେ ଚାଷ ପ୍ରତି ଅଗ୍ରହ ବେଶି ବଢ଼ିଥିଲା ।
ବିଗ୍ନେଶ ଚାଷ କରିବା ପରେ ଏବେ ମାସକୁ ୮୦ ହଜାର ଟଙ୍କା ରୋଜଗାର କରୁଛନ୍ତି । ଯେତେବେଳେ ସେ ଚାକିରି କରିଥିଲେ ତାଙ୍କର ଦରମା ଥିଲା ମାତ୍ର ୪୦ ହଜାର ଟଙ୍କା ।
