CITU Protest In Koida: ସୁନ୍ଦରଗଡ଼ କୋଇଡ଼ାରେ CITUର ବିକ୍ଷୋଭ ବେଳେ ଉତ୍ତେଜନା

ସୁନ୍ଦରଗଡ଼ କୋଇଡ଼ାରେ ସିଆଇଟିୟୁର ବିକ୍ଷୋଭ ବେଳେ ଉତ୍ତେଜନା ଦେଖାଦେଇଛି । ଜେଏସଡବ୍ଲୁ ଖଣିରେ ବ୍ୟାପକ ଭଙ୍ଗାରୁଜା କରିବା ସହ ପୋଲିସ ଏବଂ ଆନ୍ଦୋଳନକାରୀ ଧସ୍ତାଧସ୍ତି ମଧ୍ୟ ହୋଇଛନ୍ତି । କୋଇଡା ଖଣି ମଣ୍ଡଳ ଓଡିଶା ଖଣିନିଗମ ପରିଚାଳିତ କୁମ୍ବୀତର ଖଣ୍ଡାଧାର ଲୌହ ଖଣି କାର୍ଯ୍ୟାଳୟ ଠାରେ ବଣାଇଁ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ନେତୃତ୍ବରେ ହଜାର ହଜାର କର୍ମୀ ବିକ୍ଷୋଭ କରିଥିଲେ ।

ବିକ୍ଷୋଭ ବେଳେ ଏଭଳି ସ୍ଥିତି ଉପୁଜିଥିଲା । ୧୨ ଦଫା ଦାବି ନେଇ CITU ପକ୍ଷରୁ ବିକ୍ଷୋଭ କରାଯାଇଥିଲା । ଆନ୍ଦୋଳନକାରୀମାନେ ଖଣି ଭିତରକୁ ପଶିବା ବେଳେ ପୋଲିସ ସହ ଧସ୍ତାଧସ୍ତି ସ୍ଥିତି ଉପୁଜିଥିଲା ।

ପାରିପାର୍ଶ୍ବିକ ଉନ୍ନତି ସହ ସମସ୍ତ ଚୁକ୍ତିନାମାକୁ ବାତିଲ୍ କରିବା ପାଇଁ ଆନ୍ଦୋଳନକାରୀ ଦାବି କରିଛନ୍ତି । ଏହି ସମସ୍ୟାର ସମାଧାନ ନହେବ ଧାରଣା ଜାରି ରହିବ ଏବଂ ଆଗକୁ ଜେଏସଡବ୍ଲୁ ଖଣି, ସମସ୍ତ ରେଳ ସାଇଡ଼ିଂକୁ ସମ୍ପୁର୍ଣ୍ଣ ଠପ୍ କରାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି ।

ଅଧିକ ପଢନ୍ତୁ: ମହାନଗର ନିଗମ କାର୍ଯ୍ୟାଳୟରୁ ଫାଇଲ ଚୋରି, ଦୁର୍ନୀତି ଲୁଚାଇବାକୁ ଉଦ୍ୟମ

ପରିସ୍ଥିତିକୁ ଦୃଷ୍ଟିରେ ରଖି ଘଟଣାସ୍ଥଳରେ ୩ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଆନ୍ଦୋଳନ କରୁଥିବା ଶ୍ରମିକ କହିଛନ୍ତି ଜେଏସଡବ୍ଲୁ ଶ୍ରମିକ ମାନଙ୍କୁ ମନ ଇଚ୍ଛା ଛଟେଇ କରୁଛି । ନିଜର ହକ୍ ପାଇଁ ଲଢ଼ିବା ବେଳେ ପୋଲିସ ସାମ୍ନାକୁ ଆସିବାରୁ ପୋଲିସଙ୍କ ସହ ଧସ୍ତାଧସ୍ତି ହୋଇଛି । ଅପରପକ୍ଷରେ ଆନ୍ଦୋଳନର ନେତୃତ୍ୱ ନେଉଥିବା ସ୍ଥାନୀୟ ବିଧାୟକ କହିଛନ୍ତି ଯଥାଶୀଘ୍ର ସମସ୍ୟାର ସମାଧାନ ନହେଲେ ଆନ୍ଦୋଳନ ଜାରି ରହିବ । ତେବ ଏନେଇ ଜେଏସଡବ୍ଲୁ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।

ଅଧିକ ପଢନ୍ତୁ: ପାନୀୟ ଜଳ ଯୋଗାଇବେ ସରକାର; ୭୦ରୁ ଅଧିକ ଜନସଂଖ୍ୟା ଥିବା ଗାଁରେ ଖୋଳାଯିବ ୨ଟି ନଳକୂପ