Navy Day Celebrations: ବ୍ଲୁ ଫ୍ଲାଗ୍ ବିଚରେ ରଣଭୂମିର ଭ୍ରମ, ଶୁଭୁଛି ଯୁଦ୍ଧପୋତର ଗର୍ଜନ...ଆକାଶ ଚିରୁଛି ଲଢ଼ୁଆ ବିମାନ

ଡିସେମ୍ବର ୪ ନୌସେନା ଦିବସ ପାଇଁ ବ୍ୟାପକ ପ୍ରସ୍ତୁତି ଜାରି ରହିଛି । ପୁରୀ ବେଳାଭୂମି ଏବେ ଯୁଦ୍ଧଭୂଇଁ ପାଲଟିଲା ଭଳି ଲାଗୁଛି । ବିଚ୍‌ରେ ରଣଭୂମିର ଭ୍ରମ । ଶୁଭୁଛି ଯୁଦ୍ଧପୋତର ଗର୍ଜନ, ଆକାଶ ଚିରୁଛି ଲଢ଼ୁଆ ବିମାନ, କଳାକୌଶଳ ଦେଖାଉଛି ହେଲିକପ୍ଟର । ଯୁଦ୍ଧକୌଶଳ ଦେଖାଉଛନ୍ତି ନୌବୀର ଓ ପାରାଟ୍ରୁପର୍ । ପୁରୀ ବ୍ଲୁ ଫ୍ଲାଗ୍ ବିଚରେ ନେଭି ଡେ’ ପାଳନ ପାଇଁ ଆରମ୍ଭ ହୋଇଯାଇଛି କାଉଣ୍ଟଡାଉନ୍। ବାହ୍ୟ ଶତ୍ରୁ ଆକ୍ରମଣର ମୁକାବିଲା କରିବାକୁ କେତେ ସଜାଗ ଭାରତୀୟ ନୌସେନା ସେନେଇ ପ୍ରଦର୍ଶିତ ହେବ ଦୁଃସାହସିକ ରଣକୌଶଳ । ରାଷ୍ଟ୍ରପତି ନେଭି ଡେ'ରେ ଏସମସ୍ତ ଡେମୋଷ୍ଟେସନ ଦେଖିବେ । ସେଥିପାଇଁ ମ୍ୟୁଜିକାଲ ବ୍ୟାଣ୍ଡ କନସର୍ଟ ତାଙ୍କର ଅଭ୍ୟାସ କରୁଛନ୍ତି ।

ଅଧିକ ପଢ଼ନ୍ତୁ: '୨୦୨୭ ସୁଦ୍ଧା ପ୍ରଥମ ପର୍ଯ୍ୟାୟ ମେଟ୍ରୋ, ପ୍ରତ୍ୟେକ ଦିନ ୯୫ ହଜାର ଲୋକଙ୍କ ପାଇଁ ଯାତାୟତ ସୁବିଧା'

ସେପଟେ ମାରକୋସ କମାଣ୍ଡୋ ଲୁଚି ଛପି ଫାଏର କରିବା ପାଇଁ ବଙ୍କର ତିଆରି କରାଯାଇଛି । ୧୯୭୧ ମସିହା, ପାକିସ୍ତାନ ଉପରେ ଭାରତର ବିଜୟର ଗାଥା ବହନ କରିଥିବା ସ୍ମୃତିକୁ ବହନ କରି ପ୍ରତିବର୍ଷ ନୌସେନା ଦିବସ ପାଳନ କରାଯାଉଛି ।

ସେପଟେ ପୁରୀରେ ନୌସେନା ଦିବସ ପାଳନକୁ ପକ୍ଷୀ ଭୟ । ଅଭ୍ୟାସ ବେଳେ ପକ୍ଷୀ ମାଡ଼ରୁ ଅଳ୍ପକେ ବର୍ତ୍ତିଲା ହେଲିକପ୍ଟର । ପୁରୀରେ ନ୍ୟାଭି ଡେ’ ପାଇଁ ନୌସେନା ପକ୍ଷରୁ ଅଭ୍ୟାସ ଚାଲିଥିବା ବେଳେ ଏଭଳି ଘଟଣା ଦେଖିବାକୁ ମିଳିଛି । ହେଲିକପ୍ଟରରେ ପକ୍ଷୀ ମାଡ଼ ହେବାରୁ ଅଳ୍ପକେ ବର୍ତ୍ତି ଯାଇଛି । ତେବେ ଏଭଳି ସ୍ଥିତି ଲାଗି ରହିଲେ ଡିସେମ୍ବର ୪ ନୌସେନା ଦିବସ ଦିନ ଏୟାର ଶୋ’ରେ ବାଧା ଉପୁଜିପାରେ ବୋଲି ଆଶଙ୍କା କରାଯାଉଛି । ଯୁଦ୍ଧ ବିମାନ ସହ ବାର୍ଡ ହିଟ୍ ଆଶଙ୍କା କରି ବାହାରେ ଅଳିଆ ଆବର୍ଜନା ନ ପକାଇବାକୁ ପୂର୍ବରୁ ପରାମର୍ଶ ଦେଇଥିଲା ପ୍ରଶାସନ । ବାହାରେ ଅଳିଆ ଆବର୍ଜନା ଓ ବଳକା ଖାଦ୍ୟ ପକାଇଲେ ପକ୍ଷୀମାନେ ସେଥିପ୍ରତି ଆକୃଷ୍ଟ ହୋଇ ଆସିବା ସମ୍ଭାବନା ଥାଏ । ଏଭଳି ହେଲେ ଏୟାର ଶୋ'ରେ ବାଧା ଉପୁଜିପାରେ ।

ଅଧିକ ପଢ଼ନ୍ତୁ: ମଧ୍ୟାହ୍ନ ଭୋଜନ୍ ଖର୍ଚ୍ଚ ବଢ଼ାଇଲେ ରାଜ୍ୟ ସରକାର, ଜାଣନ୍ତୁ କେବେଠୁ ହେବ ଲାଗୁ...