Patients Die At Koraput Hospital: କୋରାପୁଟ ମେଡିକାଲରେ ରୋଗୀ ମୃତ୍ୟୁ ହଇଚଇ, ତଦନ୍ତ କରିବ ୫ ଜଣିଆ କମିଟି

୨୪ ଘଣ୍ଟାରେ କେମିତି ଗଲା ୬ ରୋଗୀଙ୍କ ଜୀବନ ? ରୋଗୀଙ୍କ ଜୀବନ ନେଲା କି ଭୁଲ୍ ଇଞ୍ଜେକସନ୍ ?  ଚିକିତ୍ସାରେ ଅବହେଳା କରିଥିଲେ କି ଡାକ୍ତର ? ରୋଗୀ ମୃତ୍ୟୁ ପାଇଁ ଦାୟୀ କିଏ ? କାହିଁକି ମୁହଁ ଖୋଲୁନାହାନ୍ତି ମେଡିକାଲ କର୍ତ୍ତୃପକ୍ଷ ? କୋରାପୁଟ ସହିଦ୍ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ରୋଗୀ ମୃତ୍ୟୁକୁ ନେଇ ପ୍ରବଳ ଉତ୍ତେଜନା ପ୍ରକାଶ ପାଇଛି । ମାତ୍ର କେଇ ଘଣ୍ଟାରେ ୬ ଜଣ ରୋଗୀଙ୍କ ମୃତ୍ୟୁ ନେଇ ପ୍ରଶ୍ନ ଉଠାଇଛନ୍ତି ରୋଗୀଙ୍କ ସଂପର୍କୀୟ ଓ ସ୍ଥାନୀୟ ଲୋକ । 

ଏହି ରୋଗୀ ମୃତ୍ୟୁ ଘଟଣାର ତଦନ୍ତ ପାଇଁ ୫ ଜଣିଆ ତଦନ୍ତ କମିଟି ଗଠନ କରିଛନ୍ତି ଡିଏମ୍‌ଇଟି । ଏସ୍‌ସିବିରୁ ୨ ଓ ଏମ୍‌କେସିଜିରୁ ୩ ଡାକ୍ତରଙ୍କୁ ନେଇ କମିଟି ଗଠନ ହୋଇଛି । ଆସନ୍ତାକାଲି ଭିତରେ ରିପୋର୍ଟ କରିବା ପାଇଁ କମିଟିକୁ ନିର୍ଦ୍ଦେଶ ଦିଆଯାଇଛି ।

ଅଧିକ ପଢନ୍ତୁ : କୋଠା ଭାଙ୍ଗିବା ବେଳେ ନିଜେ ଚାପି ହୋଇଗଲେ, ଜଣେ ଶ୍ରମିକ ମୃତ

ଗତକାଲି ୫ ଜଣ ରୋଗୀଙ୍କ ମୃତ୍ୟୁ ଅଭିଯୋଗ ହୋଇଥିବା ବେଳେ, ଆଜି ପୁଣି ଆଉ ଜଣଙ୍କ ମୃତ୍ୟୁ ହୋଇଛି । ମୃତକମାନେ ହେଲେ ଶୁକ୍ର ମାଝୀ, ରୁକୁଣ ପେଣ୍ଟିଆ, ଫୁଲମତି ମାଝୀ, ଭଗବାନ ପରଜା, ବତୀ ଖୋରା ଓ ଜଗନ୍ନାଥ ପୂଜାରୀ । ICUରେ ୩ ଓ ୱାର୍ଡରେ ୩ ରୋଗୀଙ୍କ ମୃତ୍ୟୁ ହୋଇଛି । ଇଞ୍ଜେକସନ୍ ଦେବାର କିଛି ସମୟରେ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ରୋଗୀଙ୍କ ସଂପର୍କୀୟ । 

ଏପଟେ କିନ୍ତୁ ଭୁଲ୍ ଇଞ୍ଜେକସନରୁ ମୃତ୍ୟୁ ଅଭିଯୋଗକୁ ଖଣ୍ଡନ କରିଛନ୍ତି ମେଡିକାଲ କର୍ତ୍ତୃପକ୍ଷ । କିଛି ଘଣ୍ଟା ବ୍ୟବଧାନରେ ରୋଗୀ ମୃତ୍ୟୁକୁ ନେଇ ପ୍ରଶ୍ନବାଚୀ ଉଠିଛି । ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି ପୋଲିସ । 

ଅଧିକ ପଢନ୍ତୁ: କାର୍ଡରେ ଅଠା ଲଗାଇ ଠକେଇ, ୪୦ରୁ ଉର୍ଦ୍ଧ୍ୱ ATM ଅଚଳ, ପୋଲିସର ତନାଘନା