ଗଛ ଲଗାଇଲେ, ଘଟିଲା ଚମତ୍କାର; ଅସୁସ୍ଥ ରହୁଥିଲା ପୁଅ, ହେଲା ସୁସ୍ଥ

ପୁଅ ଦେହ ସୁସ୍ଥ ପାଇଁ ଲଗାଇଲେ ୫୪ଟି ଓସ୍ତ ଓ ବରଗଛ । ଭୁବନେଶ୍ୱରର ରବିନ୍ଦ୍ର ନାଥ ଦାସ ଏଭଳି ଗଛ ଲଗାଇ ସାଧାରଣ ଜନତାଙ୍କୁ ଦେଇଛନ୍ତି ଏକ ସୁନ୍ଦର ସନ୍ଦେଶ । ନିଜ ପୁଅର ଶାରିରୀକ ଓ ମାନସିକ ସମସ୍ୟା ରହିବାରୁ ସେ ଜଣେ ଉଚ୍ଚ ଶିକ୍ଷିତ ଜ୍ୟୋତିଷଙ୍କ ସହ ଯୋଗାଯୋଗରେ ଆସିଥିଲେ । ତାଙ୍କ ପରାମର୍ଶ କ୍ରମେ ଏହିଭଳି ଗଛ ଲଗାଇବାକୁ ମାନସିକ କରିବା ପରେ ତାଙ୍କ ପୁଅର ସ୍ଥିତିରେ ସୁଧାର ଆସିଥିଲା ।

ଶେଷରେ ବନ ମହୋତ୍ସବ ଅବସରରେ ଏଭଳି ବୃକ୍ଷ ଲଗାଇ ପରିବେଶ ମଧ୍ୟ ବଞ୍ଚାଇଛନ୍ତି ରବିନ୍ଦ୍ର । ଭୁବନେଶ୍ୱରର ରବିନ୍ଦ୍ରନାଥ ଦାସ ହେଉଛନ୍ତି ଜଣେ ଉଚ୍ଚ ଶିକ୍ଷିତ । ବ୍ୟାଙ୍କର ପୂର୍ବତନ ଉଚ୍ଚ ପଦସ୍ଥ ଅଧିକାରୀ ଥିଲେ ସେ । ତାଙ୍କ ପୁଅର ଦେହ ଅସୁସ୍ଥ ରହୁଥିଲା । ମାନସିକ ଓ ଶାରିରୀକ ଭାବେ ଅସୁସ୍ଥ ରହିବାରୁ ବିଭିନ୍ନ ଡାକ୍ତର ଓ ବିଶେଷଜ୍ଞ ମାନଙ୍କୁ ଦେଖାଇଥିଲେ । କିନ୍ତୁ ଆଶାଜନକ ଉନ୍ନତି ହୋଇପାରିନଥିଲା ।

ଅଧିକ ପଢ଼ନ୍ତୁ: Viral Video: ଭାଇରାଲ୍ ହେଉଛି ଦୃଷ୍ଟିବାଧିତ ବ୍ୟକ୍ତିଙ୍କ ଚମତ୍କାର ଭିଡିଓ; ଦେଖିଲେ ଆପଣଙ୍କ ଆଖି ଛଳଛଳ ହୋଇଯିବ

Also Read

ଅନନ୍ତଙ୍କ ବିବାହ ଉତ୍ସବ ପାଇଁ ଶ୍ରୀମନ୍ଦିରର ସେବାୟତଙ୍କୁ ମୁକେଶ ଅମ୍ବାନୀଙ୍କ ନିମନ୍ତ୍ରଣ

ସ୍କୁଲ୍ ଯିବା ବେଳେ ମାଡ଼ି ଆସିଲା ପାଣି, ଫସି ରହିଲା ଭ୍ୟାନ୍!

କୋଟି କୋଟି ଟଙ୍କା ଗଲାଣି, ଏବେବି ସରିନି ଷ୍ଟାଡିୟମ ନିର୍ମାଣ କାମ..ଦାୟୀ କିଏ ?

ଶେଷରେ ଜଣେ ଉଚ୍ଚ ଶିକ୍ଷିତ ଜ୍ୟୋତିଷଙ୍କ ସହ ସଂସ୍ପର୍ଶରେ ଆସିଥିଲେ ରବିନ୍ଦ୍ରନାଥ । ତାଙ୍କ ପରାମର୍ଶ ଅନୁସାରେ ଶିବ ବିବାହ ସହ ୫୪ଟି ବର, ଓସ୍ତ ଗଛ ଲଗାଇଥିଲେ । ଏହାପରେ ତାଙ୍କର ପରିବାର ତଥା ପୁଅର ଶାରିରୀକ ଓ ମାନସିକ ଅବସ୍ଥାରେ ଦେଖା ଦେଇଥିଲା ଅଦ୍ଭୁତପୂର୍ବ ପରିବର୍ତ୍ତନ । ସେଥିପାଇଁ ସେ ଭୁବନେଶ୍ୱରରୁ ବ୍ରହ୍ମପୁର ଆସି ଲଗାଇଛନ୍ତି ୫୪ଟି ବର, ଓସ୍ତ ଗଛ । ହିନ୍ଦୁ ଧର୍ମରେ ବର ଓ ଓସ୍ତ ଗଛର ମହତ୍ୱ ରହିଛି ।

ଏହା ସମସ୍ତ ପ୍ରକାର ସମସ୍ୟା ଦୂର କରିବାରେ ସହାୟକ । ଏହି ବୃକ୍ଷ ୨୪ ଘଣ୍ଟା ଅମ୍ଳଜାନ ପ୍ରଦାନ କରିବା ସହ ଜୈବ ବିବିଧତା ରକ୍ଷା କରିବାରେ ବି ସହାୟକ ହୋଇଥାଏ । ବନ ମହୋତ୍ସବ ଅବସରରେ ୫୪ଟି ବର ଓ ଓସ୍ତ ଗଛ ଲଗାଇ ପରିବେଶ ସହ ନିଜ ଜୀବନର ସମସ୍ତ ପ୍ରକାର ଅଶାନ୍ତିକୁ ଦୂର କରିବା ପାଇଁ ସନ୍ଦେଶ ଦେଇଛନ୍ତି ଭୁବନେଶ୍ୱରର ରବିନ୍ଦ୍ର ନାଥ ଦାସ । ତେବେ ତାଙ୍କର ଏଭଳି ପଦକ୍ଷେପକୁ ପ୍ରଶଂସା କରିଛନ୍ତି ବ୍ରହ୍ମପୁର ସବୁଜ ବାହିନୀ । ସେପଟେ ବୃକ୍ଷ ଗୁଡ଼ିକର ସୁରକ୍ଷା ପାଇଁ ଟ୍ରି ଗାର୍ଡର ବି ବ୍ୟବସ୍ଥା କରିଛନ୍ତି ରବିନ୍ଦ୍ରନାଥ।