Unique Yellow Watermelons: ସରକାର ଦେଉଛନ୍ତି ପ୍ରୋତ୍ସାହନ, ହଳଦିଆ ତରଭୁଜ ଚାଷକରି ଲକ୍ଷପତି ଚାଷୀ

ଖେତରେ ଲାଗିଛି ହଳଦିଆ ତରୁଭୁଜ । ଦେଖିବାକୁ ଯେତିକି ସୁନ୍ଦର, ସେତିକି ସୁଆଦିଆ । ଚାଷ ପାଇଁ ଖର୍ଚ୍ଚ କମ କିନ୍ତୁ ଲାଭ ବି ମିଳୁଛି ଅଧିକା । ପୂର୍ବରୁ ଆପଣ ଲାଲ୍ ଟହଟହ ତରଭୁଜ ଦେଖିଥିବେ, ହେଲେ ଇଏ ପୂରା ଗାଢ଼ ହଳଦିଆ ତରଭୁଜ । କଥାଟା ଟିକେ ଅଡ଼ୁଆ ଅଡ଼ୁଆ ଲାଗୁଥିଲେ ମଧ୍ୟ ଏହା ସତ । ଏବେ ଗାଢ଼ ହଳଦିଆ ତରଭୁଜର ଚାଷ ଆମ ଓଡ଼ିଶାରେ ହୋଇପାରୁଛି । ତାଇଓ୍ବାନ ବ୍ରିଡର ତରଭୁଜ ଚାଷ କରି ଲକ୍ଷପତି ହୋଇପାରିଛନ୍ତି ଚାଷୀ ।

ଗ୍ରୀଷ୍ମ ପ୍ରବାହ ବଢ଼ିଲେ ତରଭୁଜର ଚାହିଦା ବଢ଼େ । ଆଉ ସେଥିପାଇଁ ମୟୂରଭଞ୍ଜ ଜିଲ୍ଲା ଦାନ୍ତିଆମୁହାଁ ଗାଁର ଜାତୀୟ ରାଜପଥର ଦୁଇ ପାର୍ଶ୍ୱରେ ତରଭୁଜ ଚାଷ କରିଛନ୍ତି ଚାଷୀ । ପାଖାପାଖି ୪୦ ହେକ୍ଟର ଜମିରେ ଏହି ହଳଦିଆ ତରଭୁଜ ଚାଷ ହୋଇଛି । ତାଇଓ୍ବାନ ବ୍ରିଡ ହଳଦିଆ ତରଭୁଜର ବାସ୍ନା ଯେମିତି ସ୍ଵାଦ ମଧ୍ୟ ସେମିତି । 

ଅଧିକ ପଢ଼ନ୍ତୁ: ଅମଳ ବେଳେ ଅଭାବୀ ବିକ୍ରି, ଚାଷୀଙ୍କୁ ମିଳୁନି ଅଦାର ଉଚିତ ମୂଲ୍ୟ

ତେବେ ତାଇଓ୍ବାନ ବ୍ରିଡ ହଳଦିଆ ତରଭୁଜର ଦାମ୍ କିଲୋପ୍ରତି ୨୫ରୁ ତିରିଶି ଟଙ୍କାରେ ବଜାରରେ ବିକ୍ରି ହେଉଛି । ମୟୂରଭଞ୍ଚ ବ୍ୟତୀତ ବାରିପଦା, ବାଲେଶ୍ଵର, କଟକ, ଭୁବନେଶ୍ଵରକୁ ଏବଂ ପଡୋଶୀ ରାଜ୍ୟ ପଶ୍ଚିମବଙ୍ଗ ଓ ଝାରଖଣ୍ଡକୁ ଚାଲାଣ କରାଯାଉଛି ।

ସବୁଠାର ବଡ଼ କଥା ହେଉଛି, ଏହି ତରଭୁଜ ଚାଷ ପାଇଁ ସାରର ଆବଶ୍ୟକ ପଡ଼େନି । ତରଭୁଜ ମଞ୍ଚିର ଦାମ ଅଧିକ ଥିଲେ ମଧ୍ୟ ଚାଷ ପାଇଁ ସରକାର ପ୍ରୋତ୍ସାହନ ଯୋଗାଇ ଦେଉଛନ୍ତି । 

ଅଧିକ ପଢ଼ନ୍ତୁ: କଟକ SCBରେ ଶିଶୁ ବଦଳ ଅଭିଯୋଗ ମାମଲା, ଜବାବ ଦାଖଲ ପାଇଁ ପ୍ରତିପକ୍ଷଙ୍କୁ ନୋଟିସ୍‌ କଲେ ହାଇକୋର୍ଟ