Expired Medicine Dumped: ରାସ୍ତାକଡ଼ରେ ଔଷଧ ଗଦା, କିଏ ଓ କାହିଁକି ଫୋପାଡ଼ିଲା ?

ରାସ୍ତା କଡ଼ରେ ପଡ଼ିଛି ପୁଳା ପୁଳା ମେଡିସିନ। ଚଣ୍ଡିଖୋଲ-ପାରାଦୀପ ଜାତୀୟ ରାଜପଥ ହଜାରୀ ନିକଟରେ ରାସ୍ତା କଡ଼ରେ ପୁଳା ପୁଳା ଔଷଧ ପଡି ରହିଥିବା ଦେଖିବାକୁ ମିଳିଛି । ସାଧାରଣ ଲୋକଙ୍କ ବ୍ୟବହାର ପାଇଁ ଆସୁଥିବା ଔଷଧ ଦିଆନଯାଇ ଏକ୍ସପାଏରୀ ହେଲା ପରେ ରାସ୍ତା କଡ଼ରେ ଫୋପାଡି ଦିଆଯାଇଥିବା କୁହାଯାଉଛି । ଏ ମେଡିସିନ କିଏ ଫୋପାଡିଲା କାହିଁକି ଫୋଫାଡ଼ିଲା ଓ ତାହା କେଉଁ ସ୍ୱାସ୍ଥ୍ୟକେନ୍ଦ୍ରର ତାହା ଜଣାପଡିନାହିଁ ।

ଏ ଘଟଣା କିଛି ନୂଆ ନୁହେଁ । ସରକାରଙ୍କ ପକ୍ଷରୁ ରୋଗୀଙ୍କୁ ସହଜରେ ଔଷଧ ଯୋଗାଇଦେବାକୁ ବିଭିନ୍ନ ଯୋଜନା ହୋଇଛି । ସରକାରୀ ହସ୍ପିଟାଲ ମାନଙ୍କରେ ମାଗଣା ମେଡିସିନ ଉପଲବ୍ଧ ଥାଏ । ହେଲେ ଅନେକ ସମୟରେ ଏସବୁ ସୁବିଧା ରୋଗୀଙ୍କ ପାଖରେ ପହଞ୍ଚି ପାରିନଥାଏ । ଫଳରେ ରୋଗୀ ହନ୍ତସନ୍ତ ହୋଇ ବାହାରୁ ଅଧିକ ଦାମ୍ ଦେଇ ମେଡିସିନ କିଣି ଖର୍ଚ୍ଚାନ୍ତ ହୁଅନ୍ତି । ଅନ୍ୟପଟେ କେତେବେଳେ ଅଳିଆ ଗଦାରେ ତ କେତେବେଳେ ହସ୍ପିଟାଲ ପଛପଟେ ଏକ୍ସପାଏରୀ ହୋଇଥିବା କୁଢ କୁଢ ମେଡିସିନ ପଡି ରହିଥିବା ଦେଖିବାକୁ ମିଳିଥାଏ । 

ଅଧିକ ପଢନ୍ତୁ : ଘରୋଇ ଔଷଧ ଦୋକାନରେ ଫୋଡ଼ାଯାଇ ପାରିବନି ଇଞ୍ଜେକ୍ସନ