Elderly man Crawls for Pension Money: ଚାଲିବାକୁ ବଳ ନାହିଁ, ଭତ୍ତା ପାଇଁ ଘୁଷୁଡି ଘୁଷୁଡି ଗଲେ...

ଜରାଜୀର୍ଣ୍ଣ ଶରୀର । ଚାଲିବା ତ ଦୂରର କଥା, ଅଣ୍ଟା ସଳଖି ଛିଡା ହେବାକୁ ବି ଦେହରେ ବଳ ନାହିଁ । ତଥାପି ମୁଣ୍ଡରେ ଗାମୁଛାଟିଏ ଭିଡି କଂକ୍ରିଟ ରାସ୍ତାରେ ଘୁଷୁଡି ଘୁଷୁଡି ଚାଲିଛନ୍ତି ୮୦ ବର୍ଷର ବୃଦ୍ଧ । ତା' ପୁଣି ବାର୍ଦ୍ଧକ୍ୟ ଭତ୍ତା ଟଙ୍କା ପାଇଁ । ଏଭଳି ଯନ୍ତ୍ରଣାଦାୟକ ଦୃଶ୍ୟ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା କୋର ପଞ୍ଚାୟତରେ । ବୃଦ୍ଧ ଜଣକ ହେଲେ କୋର ଗାଁର ଶ୍ରୀଧର ସାହୁ । ଆଜି ବାର୍ଦ୍ଧକ୍ୟ ଭତ୍ତା ନେବାକୁ ସେ ଏଭଳି ଘୁଷୁଡ଼ି ଘୁଷୁଡ଼ି ପଞ୍ଚାୟତ କାର୍ଯ୍ୟାଳୟକୁ ଯାଇଛନ୍ତି । 

ଅଧିକ ପଢନ୍ତୁ : 'ଯଦି ଜାମିନରେ ଯିବାକୁ ଚାହୁଁଛ, ସକାଳୁ ଆସି ବ୍ୟାଙ୍କ ସଫା କର'

ପୂର୍ବରୁ ଶ୍ରୀଧରଙ୍କ ଝିଅ ପଞ୍ଚାୟତକୁ ଯାଇ ଭତ୍ତା ଟଙ୍କା ଆଣୁଥିଲେ । ହେଲେ ଚଳିତ ମାସରେ ପଞ୍ଚାୟତ ଅଧିକାରୀ ଝିଅକୁ ଭତ୍ତା ଦେବାକୁ ମନା କରିଦେଇଥିଲେ । ଯାହାଫଳରେ ବାଧ୍ୟ ହୋଇ କଂକ୍ରିଟ ରାସ୍ତାରେ ଘୁଷୁଡ଼ି ଘୁଷୁଡ଼ି ଭତ୍ତା ପାଇଁ ଯାଇଥିଲେ ୮୦ ବର୍ଷୀୟ ଶ୍ରୀଧର । ତେବେ ଏହି ଖବର ପାଇ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଅଧାବାଟକୁ ଆସି ଶ୍ରୀଧରଙ୍କୁ ଭତ୍ତା ଟଙ୍କା ଦେଇଥିଲେ l 

ଅସହାୟ ଓ ବୃଦ୍ଧଙ୍କୁ ଘରେ ଭତ୍ତା ଟଙ୍କା ଦେବାର ରାଜ୍ୟ ସରକାରଙ୍କ ପ୍ରାବଧାନ ଥିବାବେଳେ ଶ୍ରୀଧରଙ୍କୁ କାହିଁକି ଏହି ସେବା ମିଳୁନାହିଁ ସେନେଇ ପ୍ରଶ୍ନ ଉଠିଛି । ତେବେ ଏହା କେବଳ ଗୋଟିଏ ଘଟଣା ନୁହେଁ, ଅତୀତରେ ଏଭଳି ଅନେକ କରୁଣ ଦୃଶ୍ୟ ରାଜ୍ୟରୁ ସାମ୍ନାକୁ ଆସିଛି । ତଥାପି ସରୁନି ଏହି ଭତ୍ତା ଯନ୍ତ୍ରଣା ।

ଅଧିକ ପଢନ୍ତୁ :କଲେଜ ଛାତ୍ରୀଙ୍କୁ ଦୁଷ୍କର୍ମ ପରେ ହତ୍ୟା ! ମିଳିଲା ଝୁଲନ୍ତା ମୃତଦେହ