LIVE TV
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଗସ୍ତର ପ୍ରଥମ ଦିନରେ ରାଜ୍ୟ ବିଜେପି କାର୍ଯ୍ୟାଳୟରେ ରାତ୍ରୀ ଭୋଜନ କରିଛନ୍ତି । ସେଠାରେ ପ୍ରଧାନମନ୍ତ୍ରୀ ସମ୍ପୂର୍ଣ୍ଣ ଓଡ଼ିଆ ନିରାମିଷ ଖାଦ୍ୟର ମଜା ନେଇଛନ୍ତି । ରାତ୍ରଭୋଜନ ସମ୍ପୂର୍ଣ୍ଣ ରୂପେ ନିରାମିଷ ଥିଲା । ତାଙ୍କ ଖାଦ୍ୟ ତାଲିକାରେ ବିଭିନ୍ନ ପ୍ରକାର ଓଡ଼ିଆ ଖାଦ୍ୟ ରହିଥିଲା । ୱେଲକମ୍ ଡ୍ରିଙ୍କସ ପରେ ଅଜୱିନି ପନିର୍ ଟିକା, ବାରବିକ୍ୟୁ ମସରୁମ୍ ସ୍କିୱେର୍ସ, ଡେଭିଲ୍ ସ୍ପ୍ରିଂ ରୋଲ୍, ଢୋକଲା ରହିଥିଲା ।
ସେହିପରି ସୁପ୍ ସହ ସାଲାଡ୍ ଥିଲା ରାତ୍ରଭୋଜନରେ । ମେନ୍ କୋର୍ସରେ ଥିଲା ମଟର ପନିର୍, ତାୱା ଭେଜିଟେବୁଲ୍, ମଲାଇ କୋଫତା କରି, ସନ୍ତୁଳା, ଜହ୍ନି ଆଳୁ ରାଇ, ଭେଣ୍ଡି ଭୁର୍ଜି, ଆଳୁ ମିଠି ମଧ୍ୟ ଥିଲା । ଏହା ସହ କିଛି ଗୁଜୁରାଟୀ ଖାଦ୍ୟ ମଧ୍ୟ ପରସା ଯାଇଥିବା ସୂଚନା ମିଳିଛି । ମୁଗ ଡାଲିର ଖେଚିଡ଼ି ସହ ଭେଜ୍ ଦମ୍ ବିରିୟାନୀ ମଧ୍ୟ ଦିଆଯାଇଥିବା ସୂଚନା ମିଳିଛି । ସେପଟେ ରାଜ୍ୟ ବିଜେପି କାର୍ଯ୍ୟାଳୟରେ ଝିଅ - ବୋହୂ ପାଠ ପଢ଼ାଇଥିଲେ ପ୍ରଧାନମନ୍ତ୍ରୀ । ଡବଲ୍ ଇଞ୍ଜିନ ସରକାର ପରେ ପ୍ରଥମ କରି ରାଜ୍ୟ ବିଜେପି ଅଫିସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ରୁଦ୍ଧଦ୍ୱାର ପାଠଶାଳା ହୋଇଥିଲା ।
Also Read
ଅଧିକ ପଢ଼ନ୍ତୁ:ଦିଲ୍ଲୀରେ ପିଇଥିବା ବଲାଙ୍ଗିର ଚା’କୁ ମନେ ପକାଇଲେ ମୋଦି
ମନ୍ତ୍ରୀ, ସାଂସଦ, ବିଧାୟକ ଓ ଦଳୀୟ ପଦାଧିକାରୀଙ୍କୁ ୨ ଘଣ୍ଟାରୁ ଅଧିକ ସମୟ ଧରି ଦେଲେ ଗୁରୁମନ୍ତ୍ର । ଲମ୍ବା ଶାସନକୁ ଆଖି ଆଗରେ ରଖି ରାଜ୍ୟବ୍ୟାପୀ ଦଳ ଓ ସଂଗଠନକୁ କିଭଳି ସୁଦୃଢ଼ ରଖାଯିବ । ଲୋକଙ୍କ ଜୀବନର ଉନ୍ନତି ପାଇଁ କିଭଳି କାର୍ଯ୍ୟ ଜାରି ରହିବ, ସେନେଇ ଆଲୋଚନା କରିଥିଲେ । ନିର୍ବାଚିତ ଲୋକ ପ୍ରତିନିଧିଙ୍କୁ କୁଆଁରୀ ଝିଅ ଓ ବୋହୂ ଭିତରେ ପାର୍ଥକ୍ୟ ବୁଝାଇଥିଲେ ପ୍ରଧାନମନ୍ତ୍ରୀ ।
ଝିଅ-ବୋହୂର ଉଦାହରଣ ଦେଇ ମୋଦି କହିଥିଲେ, ଝିଅଟିଏ ବାପ ଘରେ ଥିବା ବେଳେ ତାପାଖରେ ସବୁ ସ୍ୱାଧୀନତା ଥାଏ । କିନ୍ତୁ ବାହା ହୋଇ ଶାଶୁ ଘରକୁ ଗଲେ ତା ଉପରେ ସମସ୍ତଙ୍କର ନଜର ରହିଥାଏ । ବୋହୂର ଚାଲି ଚଳଣି, ବ୍ୟବହାର ଓ କଥାବାର୍ତ୍ତାକୁ ସମସ୍ତେ ଦେଖନ୍ତି ଓ ଧରନ୍ତି । ପ୍ରଧାନମନ୍ତ୍ରୀ କହିଥିଲେ, ବାପ ଘରେ ଝିଅ ଭଳି ଆପଣମାନେ କାର୍ଯ୍ୟକର୍ତ୍ତା ଥିଲେ ।
ନିର୍ବାଚିତ ହୋଇ ଆସିବା ପରେ ବୋହୂ ଭଳି । ତେଣୁ ଆପଣମାନଙ୍କ ଉପରେ ସମସ୍ତଙ୍କର ନଜର ରହିଛି । ଏମିତି କହି କାର୍ଯ୍ୟକର୍ତ୍ତା ଓ ଜନପ୍ରତିନିଧି ଭିତରେ ଫରକର ପାଠ ପଢ଼ାଇଥିଲେ ପ୍ରଧାନମନ୍ତ୍ରୀ । ଏଥିସହ ନିଜ ରାଜନୈତିକ ଜୀବନଯାତ୍ରା ଶୁଣାଇ ରାଜ୍ୟ ବିଜେପି ନେତୃବୃନ୍ଦଙ୍କୁ ଜୋସ୍ ଭରିଥିଲେ । ଜଣେ କର୍ମୀରୁ ଗୁଜରାଟର ମୁଖ୍ୟମନ୍ତ୍ରୀ ଓ ପରେ ପ୍ରଧାନମନ୍ତ୍ରୀର ଯାତ୍ରା ବିଷୟରେ କହିଥିଲେ ମୋଦି ।
କାର୍ଯ୍ୟକର୍ତ୍ତାଙ୍କ ସହ ଯୋଡି ହୋଇ ରହିବାକୁ ପରାମର୍ଶ ଦେବା ସହ ସେମାନଙ୍କର ଛୋଟିଆ ଭୁଲ ଉପରେ ପ୍ରତିକ୍ରିୟା ପ୍ରକାଶ ନକରି ସଫଳତା ପାଇଁ ଶ୍ରେୟ ଓ ଧନ୍ୟବାଦ ଦେବାକୁ ଦେଇଛନ୍ତି ପରାମର୍ଶ । ମୋଦି କହିଥିଲେ, ସେ କେବଳ ଦସ୍ତଖତ କଲା ବେଳେ ପ୍ରଧାନମନ୍ତ୍ରୀ, ବାକି ସମୟରେ ଜଣେ କାର୍ଯ୍ୟକର୍ତ୍ତା । ଓଡିଶାର ବିକାଶ ପାଇଁ ମିଶନ ୩୬କୁ ଫୋକସ କରିବାକୁ ପରାମର୍ଶ ଦେଇଛନ୍ତି ମୋଦି । ୨୦୩୬ ସୁଦ୍ଧା ଓଡିଶାର ନକ୍ସା ଲୋକଙ୍କ ଆଗରେ ରଖିବାକୁ ହେବ ବୋଲି କହିଥିଲେ ।
କାର୍ଯ୍ୟକର୍ତ୍ତାଙ୍କ ବୈଠକ ବେଳେ ମଞ୍ଚରେ ନବସି ମାଇକ୍ରୋଫୋନ୍ ଧରି ସଭା ମଝିରେ ଚାଲି ଚାଲି ସମସ୍ତଙ୍କୁ ଭଲ ମନ୍ଦ ଓ ସୁଖ ଦୁଃଖ ପଚାରି ବୁଝିଥିଲେ ପ୍ରଧାନମନ୍ତ୍ରୀ । ବିଜେପି ପାର୍ଟି ଅଫିସରେ ନବ ନିର୍ବାଚିତ ବିଧାୟକଙ୍କ ସହ ରାତ୍ରି ଭୋଜନ କରିଥିଲେ ।
