Vande Bharat Express: ବିଶ୍ବର ସର୍ବୋଚ୍ଚ ରେଲୱେ ବ୍ରିଜ୍ ଓ ଦେଶର ପ୍ରଥମ କେବୁଲ ଷ୍ଟେ ବ୍ରିଜ ଦେଇ ଗଡ଼ିଲା ବନ୍ଦେ ଭାରତ ଏକ୍ସପ୍ରେସ୍

ବିଶ୍ୱର ସବୁଠୁ ଉଚ୍ଚ ରେଳୱେ ବ୍ରିଜ୍ ଏବଂ ପ୍ରଥମ କେବୁଲ ଷ୍ଟେ ବ୍ରିଜ୍ ଦେଇ ଗଡ଼ିଲା ବନ୍ଦେ ଭାରତ ଏକ୍ସପ୍ରେସ୍ । କଟରାର ଶ୍ରୀ ମାତା ବୈଷ୍ଣୋଦେବୀ ରେଳଷ୍ଟେସନରୁ ଶ୍ରୀନଗର ପର୍ଯ୍ୟନ୍ତ ଗଡିଛି ଏହି ଟ୍ରେନ୍ । ଏହା ସହ ଭାରତୀୟ ରେଳ ବିଭାଗର ଡ୍ରିମ୍ ପ୍ରୋଜେକ୍ଟ ସଫଳ ହୋଇଛି । କାଶ୍ମୀରର ସୁନ୍ଦର ଉପତ୍ୟକାରେ ବନ୍ଦେ ଭାରତ ଏକ୍ସପ୍ରେସ୍‌ ଟ୍ରେନ୍‌ ଚଳାଇବା ପାଇଁ ଭାରତୀୟ ରେଳ ବିଭାଗର ପ୍ରସ୍ତୁତି ଶେଷହେବା ପରେ ଆଜି ଏହାର ଟ୍ରାଏଲ୍‌ରନ୍‌ କରାଯାଇଛି । ଟ୍ରେନ୍‌ ଚଳାଚଳର ଶୁଭାରମ୍ଭ ଖୁବ୍‌ଶୀଘ୍ର ହେବାକୁ ଯାଉଥିବା ନେଇ ସୂଚନା ମଧ୍ୟ ମିଳିଛି । ଚେନାବ୍ ବ୍ରିଜ୍ ଭାରତୀୟ ରେଲୱେର ଡ୍ରିମ୍ ପ୍ରୋଜେକ୍ଟ ଓ ବିଶ୍ବର ସର୍ବୋଚ୍ଚ ରେଲୱେ ବ୍ରିଜ୍ । ଅନ୍ୟପଟେ ଅଞ୍ଜି ଖାଡ଼ ବ୍ରିଜ ଭାରତର ପ୍ରଥମ କେବଲ ଷ୍ଟେ ବ୍ରିଜ ।

ଏହି ଟ୍ରେନଟିକୁ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଛି । ଏହାର ସ୍ୱତନ୍ତ୍ର ଡିଜାଇନ୍ କାଶ୍ମୀର ଉପତ୍ୟକାର ଥଣ୍ଡା ଜଳବାୟୁକୁ ମୁକାବିଲା କରିବାରେ ସକ୍ଷମହେବ । ସ୍ୱତନ୍ତ୍ର ଡିଜାଇନ୍ ଫଳରେ ଏହା ୧୦ ଡିଗ୍ରୀ ସେଲ୍‌ସିୟସରେ ଚଳାଚଳ କରିପାରିବ । 

ଅଧିକ ପଢ଼ନ୍ତୁ: ଆଦାନୀଙ୍କ ଠାରୁ ଧନୀ କି ସାନ ସମୁଦି ଜୈମିନ ଶାହ ? କେଉଁ ବ୍ୟବସାୟ କରନ୍ତି, ମୋଟ ସମ୍ପତ୍ତି କେତେ...

ରିଆସି ଜିଲ୍ଲାର ବକାଲ୍ ଓ କଉରି ମଧ୍ୟରେ ଥିବା ଚେନାବ ରେଲୱେ ବ୍ରିଜ୍‌ର ଉଚ୍ଚତା ୩୫୯ ମିଟର । ଯାହା ୩୩୦ ମିଟର ଉଚ୍ଚତା ବିଶିଷ୍ଟ ପ୍ୟାରିସର ଆଇଫିଲ୍ ଟାୱାରଠୁ ବି ଉଚ୍ଚ । ଏହା ବ୍ଲାଷ୍ଟ ପ୍ରୁଫ ଓ ଭୂକଂପ ନିରୋଧୀ । ଏମିତିକି ପ୍ରଳୟଙ୍କରୀ ପବନ ବହିଲେ ବି ବ୍ରିଜ୍‌ର କୌଣସି କ୍ଷତି ହେବ ନାହିଁ । ସେହିପରି କେବୁଲରେ ଝୁଲି ରହିଥିବା ଦେଶର ପ୍ରଥମ ରେଲୱେ ବ୍ରିଜ୍ ଅଞ୍ଜି ଖଡ୍। ଅଞ୍ଜି ନଦୀ ଉପରେ ନିର୍ମାଣ ହୋଇଛି । ଏହା ଭୂକଂପ ନିରୋଧୀ ଓ ଏହି ବ୍ରିଜ୍ ଉପରେ ଶହେ କିଲୋମିଟର ବେଗରେ ଦୌଡ଼ିପାରିବ ଟ୍ରେନ୍ । ଏହା ଜମ୍ମୁ ଏବଂ କାଶ୍ମୀରକୁ ଆରମ୍ଭ ହୋଇଥିବା ତୃତୀୟ 'ବନ୍ଦେ ଭାରତ' ଟ୍ରେନ୍ । ଉତ୍ତର ରେଳ ଜୋନ୍ ଏହି ସେମି-ହାଇ-ସ୍ପିଡ୍ ଟ୍ରେନ୍‌ର ପରିଚାଳନା ଏବଂ ରକ୍ଷଣାବେକ୍ଷଣ ତଦାରଖ କରିବ ।

ଯାତ୍ରୀଙ୍କ ଯାତ୍ରାକୁ ଆରାମଦାୟକ କରିବା ପାଇଁ ଏଥିରେ ଅନେକ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଜଳ ଯୋଗାଣ ପାଇପରେ ଡବଲ ଟ୍ରିପଲ ଇନ୍‌ସୁଲେସନ ଥିବାରୁ ପାଇପ୍‌ରେ ଥିବା ପାଣି ବରଫ ହେବ ନାହିଁ । ଏଥିରେ ଥିବା ୱାଶରୁମ୍‌ର ଆକାରକୁ ମଧ୍ୟ ବୃଦ୍ଧି କରାଯାଇଛି । ଫ୍ଲାସ୍‌ ସିଷ୍ଟମ ମାଇନସ୍‌ ତାପମାତ୍ରାରେ ଜାମ୍‌ ନ ହେବା ପାଇଁ ଏଥିରେ ଗରମ ପ୍ୟାଡ୍‌ ସ୍ଥାପନ କରାଯାଇଛି । ଏହି ଅଞ୍ଚଳରେ ଅନେକ ସମୟରେ ତୁଷାରପାତ ହେଉଥିବାରୁ ଏହାର ବ୍ରେକ୍‌କୁ ସ୍ୱତନ୍ତ୍ର ଭାବରେ ପ୍ରସ୍ତୁତ କରାଯାଇଛି । ଅଞ୍ଜି ଖାଡ଼ କେବଲ ଷ୍ଟେ ବ୍ରିଜ୍ ଏବଂ ବିଶ୍ବର ଉଚ୍ଚତମ ଚେନାବ ବ୍ରିଜ ଦେଇ କଟରାରୁ ଶ୍ରୀନଗରକୁ ବନ୍ଦେ ଭାରତ ଏକ୍ସପ୍ରେସର ପରୀକ୍ଷାମୂଳକ ଚଳାଚଳ କରାଯାଇଛି ।

ଅଧିକ ପଢ଼ନ୍ତୁ: କୁଟନୈତିକ କ୍ଷେତ୍ରରେ ଭାରତକୁ ବଡ଼ ସଫଳତା, ଭାରତ ଫେରିବ ୨୬/୧୧ ଆକ୍ରମଣର ଅଭିଯୁକ୍ତ ତହବୁର ରାଣା