Indian Army Kills Two Jaish Terrorists: ୨ ଜୈସ ଆତଙ୍କୀଙ୍କୁ ନିପାତ କଲା ଭାରତୀୟ ସେନା: ଘଞ୍ଚ ଜଙ୍ଗଲରେ ଆହୁରି ଲୁଚି ରହିଛନ୍ତି

ଜମ୍ମୁ- କାଶ୍ମୀରର କିସ୍ତୱାର ଜିଲ୍ଲାର ସିଂପୋରା ଅଞ୍ଚଳରେ ସୁରକ୍ଷାବାହିନୀର ଏନକାଉଣ୍ଟରରେ ଟଳିଛନ୍ତି ୨ ଆତଙ୍କୀ । ମୃତ ଆତଙ୍କବାଦୀମାନେ ଜୈସ-ଏ-ମହମ୍ମଦ ଆତଙ୍କୀ ସଙ୍ଗଠନର ବୋଲି ଜଣା ପଡିଛି । କମାଣ୍ଡର ସୈଫୁଲ୍ଲା ସମେତ ୩ରୁ ୪ ଆତଙ୍କବାଦୀ ଏହି ଅଞ୍ଚଳରେ ଲୁଚି ରହିଥିବା ଖବର ଜଣା ପଡିବା ପରେ ସୁରକ୍ଷାବାହିନୀ ପକ୍ଷରୁ ସର୍ଚ୍ଚ ଅପରେସନ କରାଯାଇଥିଲା । ଗୁରୁବାର ସକାଳେ ଏହି ଅପରେସନ କରାଯାଇଥିଲା । ଏବେ ବି ଘଞ୍ଚ ଜଙ୍ଗଲ ମଧ୍ୟରେ ସର୍ଚ୍ଚ ଅପରେସନ ଜାରି ରହିଛି । 

ଅଧିକ ପଢ଼ନ୍ତୁ: ରାଜସ୍ଥାନରୁ ପାକିସ୍ତାନକୁ ପ୍ରଧାନମନ୍ତ୍ରୀଙ୍କ ନିଶାନା, କହିଲେ- ବିଶ୍ୱ ଦେଖିଲା ୨୨ର ଜବାବ ୨୨ ମିନିଟ୍‌ରେ ଦେଲୁ

ସୂଚନାଯୋଗ୍ୟ, ନିକଟରେ ଦକ୍ଷିଣ କାଶ୍ମୀରର ତ୍ରାଲ ଓ ସୋପିଆନରେ ୬ ଜଣ ଆତଙ୍କୀଙ୍କ ନିପାତ କରିଥିଲେ ଭାରତୀୟ ସେନା ଯବାନ । ଜମ୍ମୁ-କାଶ୍ମୀରରେ ଆତଙ୍କବାଦୀଙ୍କ ଉପସ୍ଥିତି ଥିବାରୁ ଲଗାତାର ଭାବେ ସର୍ଚ୍ଚ ଅପରେସନ କରାଯାଉଛି । ଏହା ପୂର୍ବରୁ ଜମ୍ମୁ-କଶ୍ମୀରର ସାମ୍ବା ସେକ୍ଟରରେ ଆତଙ୍କବାଦୀମାନେ ଭାରତ ସୀମାରେ ଅନୁପ୍ରବେଶ କରିବାକୁ ଉଦ୍ୟମ କରୁଥିବା ବେଳେ ବିଏସଏଫ ଯବାନଙ୍କ ଆଟାକରେ ଜୈସ-ଇ-ମହମ୍ମଦ ଆତଙ୍କବାଦୀ ଗୋଷ୍ଠୀର ୭ ଜଣ ଆତଙ୍କବାଦୀ ନିପାତ ହୋଇଥିଲେ । 

ଅଧିକ ପଢ଼ନ୍ତୁ:  ପାକିସ୍ତାନରେ ଭୟଙ୍କର ପରମାଣୁ ରିଆକ୍ସନ୍, ଲୋକଙ୍କୁ ଘର ଛାଡ଼ି ପଳାଇଯିବାକୁ ନିର୍ଦ୍ଦେଶ !