LIVE TV
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଲୋକପ୍ରିୟ ଚଳଚ୍ଚିତ୍ର 'ସାବରମତୀ ରିପୋର୍ଟ' ଦେଖିବେ । ବାଲ ଯୋଗୀ ଅଡିଟୋରିୟମରେ ପିଏମ ମୋଦୀଙ୍କ ପାଇଁ ଏହି ଚଳଚ୍ଚିତ୍ରର ଏକ ସ୍ୱତନ୍ତ୍ର ସ୍କ୍ରିନିଂ କରାଯିବ । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫିଲ୍ମ 'ସାବରମତୀ ରିପୋର୍ଟ'କୁ ପ୍ରଶଂସା କରିଥିଲେ । ପ୍ରଧାନମନ୍ତ୍ରୀ ମୋଦି ଏହି ଚଳଚ୍ଚିତ୍ର ବିଷୟରେ କହିଥିଲେ, ‘ଏହା ଘଟଣା ପଛରେ ଥିବା ସତ୍ୟତା ପ୍ରକାଶ କରିଛି’ । ମିଛ କାହାଣୀ କେବଳ ସୀମିତ ସମୟ ପାଇଁ ରହିପାରେ ବୋଲି ମୋଦି କହିଥିଲେ ।
Also Read
ସୂଚନା ଅନୁସାରେ, ଏହି ଚଳଚ୍ଚିତ୍ର ଗୁଜୁରାଟ ହିଂସା ଉପରେ ଆଧାରିତ । ଏହି ଚଳଚ୍ଚିତ୍ରଟି ବହୁ ପ୍ରଶଂସା ଲାଭ କରିଛି ଏବଂ କେବଳ ପିଏମ ମୋଦି ନୁହଁନ୍ତି କେନ୍ଦ୍ରମନ୍ତ୍ରୀ ଅମିତ ଶାହ ମଧ୍ୟ ପ୍ରଶଂସା କରିଛନ୍ତି । ଏହା ସହିତ ଅନେକ ବିଜେପି ଶାସିତ ରାଜ୍ୟ 'ସାବରମତୀ ରିପୋର୍ଟ'କୁ କର ମୁକ୍ତ ମଧ୍ୟ କରିଛନ୍ତି ।
ଅଧିକ ପଢ଼ନ୍ତୁ: ସରପଞ୍ଚ ହେବ ତ ଏମିତି, ୨ କୋଟି ଟଙ୍କାରେ ନିର୍ମାଣ କଲେ ହାଇଟେକ୍ ପଞ୍ଚାୟତ ଅଫିସ୍
ଧୀରଜ ସରନାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ସାବରମତୀ ରିପୋର୍ଟ' ୨୦୦୨ ମସିହାରେ ଘଟିଥିବା ଏକ ଦୁଃଖଦ ଘଟଣା ଉପରେ ଆଧାରିତ । ଯେଉଁଥିପାଇଁ ସେ ସମୟରେ ଗୁଜୁରାଟର ଅନେକ ସ୍ଥାନରେ ଦଙ୍ଗା ସୃଷ୍ଟି ହୋଇଥିଲା । ବିକ୍ରାନ୍ତ ମାସେଙ୍କ ଅଭିନୀତ ଏହି ଚଳଚ୍ଚିତ୍ର ୧୫ ନଭେମ୍ବରରେ ରିଲିଜ୍ ହୋଇଥିଲା ।
ସେପଟେ ଏହାରି ମଧ୍ୟରେ ‘ସାବରମତୀ ରିପୋର୍ଟ’ରେ ଅଭିନୟ କରିଥିବା ଅଭିନେତାଙ୍କୁ ନେଇ ସାମ୍ନାକୁ ଆସିଛି ଏକ ବଡ଼ ଖବର । ଏହି ସିନେମାରେ ମୁଖ୍ୟ ଚରିତ୍ରରେ ଅଭିନୟ କରୁଥିବା ଅଭିନେତା ବିକ୍ରାନ୍ତ ମେସୀ ଅଭିନୟ ଜଗତରୁ ସନ୍ୟାସ ନେଇଛନ୍ତି । ସୋସିଆଲ୍ ମିଡିଆରେ ଏକ ପୋଷ୍ଟ କରି ସେ ଲେଖିଛନ୍ତି, ଦୁଇ ଭଲ ଫିଲ୍ମ ତାଙ୍କୁ ପରିଚୟ ଦେଇଛି । ଏବେ ସମୟ ସ୍ବାମୀ, ବାପା ଏବଂ ପୁଅ କର୍ତ୍ତବ୍ୟ ଆସିଥିବା ସେ ଲେଖିଛନ୍ତି । ତେବେ ବିକ୍ରାନ୍ତଙ୍କ ଏହି ନିଷ୍ପତ୍ତି ସମସ୍ତଙ୍କୁ ଚକିତ କରିଛି । ମିର୍ଜାପୁର ୱେବସିରିଜ୍ ଓ ପରେ 12TH FAIL ଏବଂ ସାବରମତୀ ରିପୋର୍ଟ ସିନେମା ବିକ୍ରାନ୍ତଙ୍କୁ ଏକ ଭିନ୍ନ ପରିଚୟ ଦେଇଛି ।
