VIDEO : ଦିଦିଙ୍କ ଭିନ୍ନ ଅନ୍ଦାଜ,ହାତରେ କୁକୁର ଧରି ଟ୍ରେଡମିଲ୍‌ରେ କଲେ ୱାର୍କଆଉଟ୍‌

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ (Mamata Banerjee) ଆଜିକାଲି ସୋସିଆଲ ମିଡିଆରେ ବେଶ୍‌ ସକ୍ରିୟ ରହୁଛନ୍ତି । ନିୟମିତ ବ୍ୟବଧାନରେ ତାଙ୍କର ବିଭିନ୍ନ ପ୍ରକାର ଭିଡିଓ ସାମ୍ନାକୁ ଆସୁଛି । ନିକଟରେ ତାଙ୍କର ଏପରି ଏକ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ମମତା ବାନାର୍ଜୀ ନିଜେ ତାଙ୍କ ଇନଷ୍ଟାଗ୍ରାମ ପେଜରେ ବ୍ୟାୟାମ କରୁଥିବାର ଏକ ଭିଡିଓ ସେୟାର କରିଛନ୍ତି ।

ଭିଡିଓରେ ଦିଦିଙ୍କର ଭିନ୍ନ ଅନ୍ଦାଜ ଦେଖିବାକୁ ମିଳିଛି । ଶାଢ଼ୀ ପିନ୍ଧି ହାତରେ ପୋଷା କୁକୁରକୁ ଧରି ଟ୍ରେଡମିଲ (Treadmill)ରେ ସେ ୱାର୍କଆଉଟ୍ କରୁଥିବା ଦେଖିବାକୁ ମିଳୁଛି । ଏହି ଭାଇରାଲ ଭିଡିଓକୁ ବର୍ତ୍ତମାନ ସୁଦ୍ଧା ୩୦ ହଜାରରୁ ଅଧିକ ଲୋକ ଲାଇକ୍‌ କରି ସାରିଛନ୍ତି ।

ସୂଚନାଯୋଗ୍ୟ ମମତା ବାନାର୍ଜୀ ନିଜର ବ୍ୟସ୍ତବହୁଳ କାର୍ଯ୍ୟସୂଚୀ ମଧ୍ୟରେ ପ୍ରତିଦିନ ବ୍ୟାୟାମ କରିବା ସହ ଟ୍ରେଡମିଲ୍‌ରେ ଦୌଡ଼ନ୍ତି । ଏହି ଭିଡିଓ ସେୟାର କରି ୬୮ ବର୍ଷିୟ ମମତା ବାନାର୍ଜୀ କ୍ୟାପସନରେ ଲେଖିଛନ୍ତି, 'ଆପଣଙ୍କୁ ବେଳେ ବେଳେ ପ୍ରେରଣା ଦରକାର ପଡ଼ିଥାଏ ।'

ଦେଖନ୍ତୁ ଭିଡିଓ | ଗୁପ୍‌ଚୁପ୍‌ ପରେ ମୋମୋ ବିକିଲେ ଦିଦି...ଖାଇବାକୁ ଲୋକଙ୍କ ଲାଗିଲା ଲମ୍ବା ଲାଇନ୍‌...

View this post on Instagram

A post shared by Mamata Banerjee (@mamataofficial)

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ (West Bengal) ମମତା ବାନାର୍ଜୀ ସବୁବେଳେ ଲୋକଙ୍କୁ ସ୍ୱାସ୍ଥ୍ୟ ସଚେତନତାର ବାର୍ତ୍ତା ଦିଅନ୍ତି । ଅତୀତରେ ମମତା କହିଥିଲେ ସେ ପ୍ରତିଦିନ ଅନେକ ସମୟ ଧରି ଟ୍ରେଡମିଲ୍ ଉପରେ ଚାଲନ୍ତି । ଟ୍ରେଡମିଲରେ ଚାଲିବା ସମୟରେ ମଧ୍ୟ ସେ ବିଭିନ୍ନ କାର୍ଯ୍ୟ କରିଛନ୍ତି ।

ଏକ ସାକ୍ଷାତକାରରେ ସେ କହିଥିଲେ, ଟ୍ରେଡମିଲରେ ଚାଲିବା ବେଳେ ସେ ଥରେ ରାଜ୍ୟ ପାଇଁ ବଜେଟ୍ ପ୍ରସ୍ତୁତ କରିଥିଲେ । ୨୦୧୯ ନିର୍ବାଚନ ସମୟରେ ୧୦ କିଲୋମିଟର ଜଗିଂ କରି ଲୋକଙ୍କୁ ସଚେତନ କରିଥିଲେ ମମତା । ଆଉ ଏବେ ଏହି ଭିଡିଓ ଲୋକଙ୍କ ଦୃଷ୍ଟି ଆକର୍ଷ କରିଛି ।