LIVE TV
ରାଜଧାନୀରେ ଆଉ ସ୍ୱପ୍ନ ହେବନି ଆର୍ଥିକ ଦୁର୍ବଳ ଶ୍ରେଣୀର ଲୋକଙ୍କ ପାଇଁ ମୁଣ୍ଡ ଉପରେ ଛାତ । ସେମାନଙ୍କୁ ରିହାତି ଦରରେ ମିଳିପାରିବ ମୁଣ୍ଡ ଗୁଞ୍ଜିବାକୁ ଘର । ଦୁର୍ବଳ ଆର୍ଥିକ ଶ୍ରେଣୀର ଲୋକଙ୍କ ଘର ଯୋଜନାକୁ ସାକାର କରିବା ଲାଗି ବିଡିଏ ଆଣିଛି ନୂଆ ସ୍କିମ, ‘ହାଉସିଂ ଫର୍ ଅଲ୍’ । ଏହି ଯୋଜନାରେ ସରକାରୀ ହେଉ କି ବେସରକାରୀ ହାଉସିଂ ପ୍ରୋଜେକ୍ଟ, ସବୁଥିରେ ନିମ୍ନ ମଧ୍ୟବିତ୍ତଙ୍କ ପାଇଁ ରହିବ ନିଶ୍ଚିତ ସଂରକ୍ଷଣ ବ୍ୟବସ୍ଥା ।
Also Read
ସରକାରୀ ପ୍ରୋଜେକ୍ଟରେ ୨୦ ପ୍ରତିଶତ ଏବଂ ବେସରକାରୀ ପ୍ରୋଜେକ୍ଟରେ ୧୦ ପ୍ରତିଶତ ଘର ଆର୍ଥିକ ଦୁର୍ବଳ ବର୍ଗଙ୍କ ପାଇଁ ରଖାଯିବ । ଏଥିପାଇଁ ହାଉସ ଆଲଟମେଣ୍ଟ ସିଷ୍ଟମ ନାଁରେ ଏକ ଆପ୍ ଲଞ୍ଚ୍ କରିଛି ରାଜ୍ୟ ଗୃହ ନିର୍ମାଣ ଏବଂ ନଗର ଉନ୍ନୟନ ବିଭାଗ । ଆର୍ଥିକ ଦୁର୍ବଳ ବର୍ଗଙ୍କ ପାଇଁ ସର୍ବନିମ୍ନ ୩୩୦ରୁ ୩୫୦ ସ୍କୋୟାର ଫୁଟ ଏବଂ ନିମ୍ନ ଆୟ ବର୍ଗଙ୍କ ପାଇଁ ଘରର ପରିସୀମା ସର୍ବନିମ୍ନ ୫୫୦ ସ୍କୋୟାର ଫୁଟ ରହିବ ।
ଭୁବନେଶ୍ୱର ରୁ ଆରମ୍ଭ ହୋଇଥିବା ଏ ଯୋଜନା ଆଗାମୀ ଦିନରେ ରାଜ୍ୟର ସମସ୍ତ ସହରାଞ୍ଚଳରେ କାର୍ଯ୍ୟକାରୀ କରିବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର। ତେବେ ସାଧାରଣ ନିର୍ବାଚନ ପୂର୍ବରୁ ଆର୍ଥିକ ଦୁର୍ବଳ ବର୍ଗଙ୍କୁ ଖୁସି କରିବାକୁ ସରକାରଙ୍କ ଏହା ଏକ ଉଦ୍ୟମ ବୋଲି ଚର୍ଚ୍ଚା ହେଉଛି। ସେପଟେ ଏ ଯୋଜନାର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ। ବିଜେପି କହିଛି ପ୍ରଧାନମନ୍ତ୍ରୀ ଆବାସ ଯୋଜନା ଭଳି ଏହି ଯୋଜନାର ଫାଇଦା ମଧ୍ୟ କେବଳ ଶାସକ ଦଳର ଲୋକ ପାଇବେ। କଂଗ୍ରେସ ମଧ୍ୟ ହିତାଧିକାରୀ ଚୟନରେ ସ୍ୱଚ୍ଛତାକୁ ନେଇ ସନ୍ଦେହ ପ୍ରକଟ କରିଛି।
