LIVE TV
୮ବର୍ଷ ବିତିଗଲାଣି.. ପ୍ରକଳ୍ପ ଫଳକ ରାସ୍ତା କଡ଼ରେ ହିଁ ମରାଯାଇଛି.. ନା ବ୍ୟାରେଜ୍ ନିର୍ମାଣ କାର୍ଯ୍ୟ ଆରମ୍ଭ ହେଉଛି ନା ଲୋକେ ଉପକୃତ ହେଉଛନ୍ତି । ମୟୂରଭଞ୍ଜ ଜିଲ୍ଲା ଉଦଳା ବୈରାଟପୁର ସୋନ ନଦୀ ବ୍ୟାରେଜରେ ଏମିତି ବାସ୍ତବ ଚିତ୍ର ଦେଖିବାକୁ ମିଳିଛି । ୨୦୧୪ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକଳ୍ପର ଶିଳାନ୍ୟାସ କରିଥିଲେ । ହେଲେ ଆଜି ଯାଏ ଆରମ୍ଭ ହୋଇପାରିଲାନି କାମ । ଆଉ ବ୍ୟାରେଜ୍ ହେବ, ଜଳସେଚନ ସୁବିଧା ମିଳିବ । ଏ ବିଶ୍ୱାସ ଲୋକଙ୍କର ନାହିଁ ।
ଅଧିକ ପଢ଼ନ୍ତୁ: କୋମାରେ ବୌଦ୍ଧ ସାଲୁଙ୍କି ଜଳସେଚନ ପ୍ରକଳ୍ପ...ଚାଷୀକୁଳ ମୁଣ୍ଡରେ ହାତଦେଲେଣି
ମୟୂରଭଞ୍ଜ ଜିଲ୍ଲା ଏକ ଆଦିବାସୀ ବହୁଳ ଅଞ୍ଚଳ ହୋଇଥିବା ବେଳେ ଅଧିକାଂଶ ଲୋକ ଚାଷ ଉପରେ ନିର୍ଭର କରିଥାନ୍ତି । ବିଶେଷ କରି କପ୍ତିପଦା ଉପଖଣ୍ଡରେ ଜଳସେଚନ ସୁବିଧା ନଥିବା ବେଳେ ବର୍ଷା ଦିନ ବ୍ୟତୀତ ଅନ୍ୟ ଦିନେ ଚାଷୀମାନେ ହନ୍ତସନ୍ତ ହୁଅନ୍ତି । ତେବେ ଏହି ବ୍ୟାରେଜ କାମ ଆରମ୍ଭରେ ବିଳମ୍ବ ଯୋଗୁ କିଏ ପ୍ରଶାସନକୁ ଦୋଷ ଦେଉଛି ତ ଆଉ କିଏ କହୁଛନ୍ତି ନିର୍ବାଚନ ଭୋଟ ପାଇଁ ୟେ ହେଉଛି ଚାଲ୍ ।
Also Read
ବ୍ୟାରେଜ ଯଦି ହେଇଥାନ୍ତା କେବଳ ଉଦଳା ନୁହେଁ ଗୋପବନ୍ଧୁନଗର, ବଡ଼ସାହି, ରେମୁଣା ଓ ବାଲେଶ୍ୱର ଭଳି ୪ ଟି ବ୍ଲକର ଚାଷୀ ଉପକୃତ ହୋଇଥାନ୍ତେ । କେବଳ ନଦୀ ପର୍ଯ୍ୟନ୍ତ ରାସ୍ତା କାମ ବ୍ୟତୀତ ଆଉ କିଛି ଆଗେଇ ପାରି ନାହିଁ । ଆଗକୁ ନିର୍ବାଚନ.. ଦେଖିବାର କଥା ଏଇ ଥର ବ୍ୟାରେଜ୍ କାମ ସରୁଛି ନା ଆର ନିର୍ବାଚନକୁ ଅପେକ୍ଷା କରିବାକୁ ହେବ...।
(ଉଦଳାରୁ ମାନସ ପାଣିଙ୍କ ରିପୋର୍ଟ)
